السلام عليكم ورحمه الله وبركاته , اولا تحيه ليكى يا سلمى على الموضوع المثير للجدل ده , ثانيا بالنسبه لنص الماده 47 من قانون الاحوال المدنيه واللى لسه ما اتحكمشى بدستوريتها من عدمه كما يقال , لازم المحامون الاقباط دول ينتظروا لحين اصدار المحكمه الدستوريه العليا حكمها النهائى فى هذا الماده اما بدستوريتها او بعدمه , وبالتالى المفروض ما يجوزش ليهم قانونا فى اعتقادى انهم يباشروا اجراءات التقاضى امام محاكم القضاء الادارى والمفروض المستشار محمد احمد الحسينى رئيس مجلس الدوله انه يامر بعدم قبول نظر الدعوى دى لحين الفصل فى دستوريه الماده سالفه الذكر . وده اللى اعقتد انه المفروض يكون صحيح فى رأيى المتواضع .
بالنسبه لمساله تغيير الدين , الاصل ان الشخص اللى يدخل الاسلام عن رضا ودون اجبار انه له ما للمسلمين وعليه ما عليهم , وفى حاله تغيير ديانته فانه يصبح فى هذه الحاله مرتدا عن الدين , والواجب المتبع اذا كان رجلا ان يمهل ثلاثه ايام يستتاب فيها والا فيقام عليه الحد من جانب ولى الامر او الحاكم , واذا كانت مرأه فيقول الفقهاء انها تعذر او تحبس حتى تعود الى رشدها .
طبعا احنا لينا ظاهر الامور لان النوايا لا يعلمها الا الله وحده سبحانه وتعالى و اذا كانت هى مسلمه وتحولت من الاسلام الى المسيحيه فهى تبقى كده مرتده عن الدين الاسلامى , الا اذا قدرت تثبت عدم ارتباطها بالدين الاسلامى واعتقد انه صعب لسبب بسيط هو انه ازاى هى فضلت المده دى ساكته على كده وازاى سجلت نفسها فى البطاقه باسم مسلم واستمرت فى كده , لان فى الاول وفى الاخر الدين مش لعبه عشان هى تدخل فيه بمزاجها وتسيبه وقت ما تحب هى , لالالا , وانا مع الرأى اللى بيقول ان دى ممكن تكون لعبه قذره ومشينه لتشويه سمعه الاسلام والمسلمين بغض النظر عن جنس من يقومون بها سواء منظمات تبشيريه او غيرها , وللعلم يقول الله سبحانه وتعالى (لا اكراه فى الدين , قد تبين الرشد من الغى) . يعنى الدين مفيهوش اكراه , الاسلام لا يكره احد على الدخول فيه وسيره الرسول والخلفاء الراشدون وسائر تاريخ الاسلام والمسلمين خير شاهد على ذلك لا كما يدعى بعض العلمانيين وغيرهم من الحاقدين على الاسلام من انه انتشر بالسيف .
شكرا سلمى مره اخرى على الموضوع الجرئ ده سلمت يداكى وتقبلى مرورى
موضوع: العائدون للمسيحية يطالبون بتحريك قضاياهم فى مجلس الدولة 
السبت سبتمبر 19, 2009 3:14 pm
