الدبلومات والماجستير والدكتوراه .. فى (( كلية التربية ))

فى فكرةتانى يا اخ ابو عمر انك تقسم المساحة دى الى قطع باستخدام ملف الضغط وينرار يعنى المساحة 1 جيجا تقسمها لملفات 100 ميجا وبكدة تقدر ترفع كل 100 ميجا تلو الاخرى وتاخد الروابط وتجيبها على المنتدى وبعد كدة الاخوة يقوموا بتحميلها وفك الضغط عنها
اما عن طريق اليوتيوب فانت معندكش صلاحية لرفع الحجم دة مرة واحدة والمشكلة ان مفيش سرعة ابلود راح تساعدك فى الرفع وخد بالك عملية الرفع راح تاخد معك وقت طويل ودة على حسب كمان سرعتك الى عندك .
يعنى ربنا معاك ويساعدك ان شاء الله
تقبلوا جميعاتحياتى وارق امنياتى لكم جميعا بالتوفيق
وانا تحت امركم فى اى سؤال او استفسار
وممكن توضعوا بردة اسئلتكم الخاصة بمواضيع الكمبيوتر
بشبكة خير الزاد لو حابين
على قسم الكمبيوتر وهتلاقوا باذن الله كل الاجابات عليها
بحكم انى هناك بشكل مستمر
فى كل الاحوال فى المكان الى يعجبكم وانا تحت امركم

السلام عليكم ورحمة الله وبركاته
فينكم يااخواتى محدش منكم ظاهر ابدا اية الاخبار واخبار المحاضرات معاكم اية

انا بسمع كلام مختلف ومش عارفة الصح فين
ناس قالولى ان دكتور ياسر عايز تحديد كل صفحة ف الترجمة
وانه عايز كمان تلخيص للبحث ف النهاية
وبالنسبة للشيتات ال ف اخر الكتاب فى بعض الدكاترة طالباه منهم مادة علم نفس النمو والصحة النفسية والتربية ومشكلات
لكنى معرفش اكتر من كدة وياريت ال يعرف حاجة يفيدنا

السلام عليكم
عاملين ايه يا جماعه يارب تكونوا فى أحسن حال.
أخبار المحاضرات شغالة وإن كانت متلخبطة كالعادة وممكن تحضر لأى دكتور وتستفيد منه.

والظاهر إن الامتحان المقرر فى 1|7 لن يكون موحد فى كثير من المواد ده على حسب الدكاترة اللى أخبرونى وده ممكن يكون ليه ميزة وعيب لكن بالنسبة لبعض الطلبة الإمتحان لو موحد لن ينفعهم ولو غير موحد لن يضرهم كذلك وأناأرجو من الله أن يوحد الله جميع أمتحانات الدبلومة.

أما بالنسبة للدكتور ياسر اللى كلنا بنحبه إشترط شروط صعبة شويه بالنسبة للبعض من الطلبة للبحث وهى:
1_تلخيص البحث فى ورقةواحدة.
2_لازم كل طالب هيسلم بحثه يجيب بحث اللى معاه فى مجموعة الاسطوانةاللى قبله واللى بعده والشرط ده ممكن يكون صعب شويه.

بالنسبة لتسليم البحث هو قال منتصف شهر أربعه بس هو قالناخارج المحاضرة باللفظ(متى ما تخلص البحث إبعته)

أما بالنسبة لموضوع الشيتات إنتوا عارفين طبعا إن العدد كبير والمجموعات والتخصصات كتير وانا هتكلم عن الشيتات الخاصة بمجموعات العربى (1_2_3_4_5)
بالنسبة للدكتورة الفاضلة أمال قالت أكتبوا الشيت الخاص بالتربية المقارنة ولم تحدد ميعاد معين لتسليم الشيت كما انها قالت(اكتبوا الشيت باختصار فخير الكلام ما قل ودل).

وبالنسبة لشيت تاريخ التربية اللى خلصه يسلمه للدكتور رشاد أبو المجد فى كلية التربية فى مكتبه.

كذلك بالنسبة لشيت المناهج وده من أصعب الشيتات اللى خلصه يسلمه للدكتور سيد السايح او الدكتور مبروك حسن ده بالنسبة لمجموعات اللغة العربية محدش يفهمنى غلط يعنى.

وبالنسبة لشيت الوسائل التعليميه وهو سهل جدا اللى خلصه يسلمه للدكتورة نادرة أو أحد المعيدين.

وبالنسبة لباقى الشيتات وإن كان الدكاترة لم يطلبوا حلها الان لكن استعينوا بالله وحلوهاعشان نخلص منها.

وإن شاء الله الدكتورة أمال هتيجى يوم الجمعة القادمة الساعة 4 ياريت تحضروا ليهالانها بصراحة بتقول حاجات مهمة وشرح ممتع وإلقاء جيد ربنا يحفظها وياريت اللى معاه فلاشا ياخدها معاه عشان ياخد منها تلخيص مادة التربية المقارنة والتلخيص فعلا مريح جدا ومنظم.

انا تحت أمركم فى كل ما أستطيع عليه

ثم ادعوا لى بالشفاء
أخوكم ومحبكم أبو عمر
وصلى اللهم وسلم على نبينا محمد وعلى أله وصحبه وسلم.
السلام عليكم.

السلام عليكم

انا كنت عايزة اعرف جدول المحاضرات بالنسبة للدبلومة التربوية العام الواحد بالنسبة لقسم المكتبات ومواعيد التدريب العملى

ارجو المساعدة

السلام عليكم

انا ماعملتش الكارنيه لحد النهاردة فيش مشكلة

معلش لو حد يساعدنى انا دبلومة مهنية واريد ان اعرف مواعيد المحاضرات وكمان نفسى اتعرف اكتر على ناس معايا انا معرفش حد وجزاكم الله كل خير

السلام عليكم ورحمه الله وبركاته
ازيكم جميعا
انا خريجه تربيه نوعيه قسم تربيه فنيه
نفسى اكمل دراسات عليا بس مستنيه النتيجه
عاوزه حد يفيدنى ويقولى ازاى ابدء فى تحقيق حلمى
وهو الماجستير والدكتوراه

السلام عليكم
لو سمحتوا مفيش حد بيعمل دبلومه خاصه السنه دي

عايز اعرف ميعاد تقديم الدبلومة العامة ولكم جزيل الشكر

السلام عليكم أنا قدمت للدبلومة الخاصة بس فى امتحان انجليزى لو سمحتو اللى عنده أى معلومة عن الامتحان ياريت يفيدنى خاصة انى سمعت انه صعب ولكم جزيل الشكر