رسالة الي ادمن برجاء الاهتمام

يا هشام
انا من رايى مش هينفع انا كنت بفكر فى كده
لو اللى بتقوله ده يبقى نعمل منتدى لينا احنا مع نفسينا
يعنى مستقل عن المنتدى بتاعنا
وده هيكون مستحيل
فاهم قصدى
ومش كل الناس هتكتب فى الاقسام او القوانيين لانى فى ناس ملهاش ميل لقانون معين

أنا هسألك سؤال بما أنك رايح رابعة اتخصصت ولا لسه ؟؟؟
علشان نعمل اقسام للتخصصات
و انا مع تيتو في أن الفكرة مش هتنفع و ده عن دراسة من منتديات تانية كتير الواحد شافها فيها تقسيم لأقسام القانون زي ما حضرتك عاوز و اصبحت ( كوسه )
شكرا عي فكرتك

أنا لما قلت انه المنتديات ديه اصبحت كوسه قصدي ان كل حاجة فيها مش في مكانها و مككن اديك لينكات لمنتديات و منتديات معروفة كل حاجة فيها بايظة (قصدي أيه من الكلام ده ) <لقيت مواضيع تخص القانون المدني في قسم الأداري -الجنائى مواضيعه في الدولي > و هكذا و بعدين التقسيم اناشايف انه مش هيضيف جديد للقسم و ده رايي اقولك ليه مواضيعنا و طريقة دراستنا مرتبطة ببعض يعني هسألك سؤال أنت إنشاء الله لما تتخرج إذا اشتغلت محامي و جاتلك قضية فيها جزائين جنائي و مدني بترفع الشق الجنائي و بعد ما تخلص بترفع الشق المدني (التعويض) لأن مش كل المحاكم الجنائية هتديك الشق المدني يبقي ليه نقسم و نفصل ده عن ده
ممكن فكرتك تبقي في صورة موضوع مثبت بعنوان
(كل ما يخص القانون ........ )
وعلي فكرة ديه هتجذب الطلبة اكثر ليه لما تبقي المواضيع عن (الجنائي ) الي انت بتحب تكتب فيه مسلسلة و مرتبة وراء بعض
ابتداء من التعريف بالقانون - نشأته - تطوره - اخر التعديلات عليه
وممكن نجيب نصوص مهمة منه - تعليقات محكمة النقض علي فقرات مهمة في القانون ده ) و علي فكرة في الموضوعات المثبتة تستطيع أن تكتب ردا بعنوان مختلف عن عنوان الموضوع الأصلي
يعني مثلا لو الموضوع عنوانه (كل ما يخص القانون الجنائي ) مثبت
و حضرتك عاوز تكتب عن (نظام العقوبات في القانون الجنائي ) هتجيب عنوان الموضوع الي حضرتك هتكتب فيه و تدخل علي موضوع القانون الجنائي و تروح كاتب عنوان موضوعك في مكان عنوان الموضوع و بعد ذلك تكتب موضوعك عادي و هتدخل عليه هتلاقي العنوان الأصلي للموضوع أعلي الصفحة و اضافتك مكتوبة بالعنوان الي حضرتك اخترته
أتمني أنك تكون فهمت وجهة نظري

يعني يا اخ فوكس انت قلت بنفسك انك لقيت في المنتديات ديه مواضيع مكتوبة في غير اماكنها ودا عيب من الاعضاء والمشرفين اللي كان المفروض عليهم يضعوا هذه الموضوعات في اقسامها الصحيحة مش عيب التقسيم علي فكره يا فوكس في منتدي اتعمل جديد لكلية الحقوق مقسم علي هذا الاساس مع اني انا والله قلت الفكرة دي من غير ما اشوف المنتدي ده علي العموم هاتشوف المنتدي دا هايبقي ايه بس ماتفهمنيش غلط انا مش باتحداك لان المنتدي بتاعنا ده انا من اشد المعجبين بيه وبالاعضاء والمشرفين اللي فيه.
ثانيا انا عايز اقلك انه ما فيش تناقض بين التقسيم ده وبين اني اشتغل محامي زي ما انت بتقول طب ما احنا بندرس كل مادة في كتابها وكل ماده ليها الدكتور اللي بيدرسه ونفس الكلام في المنتدي انا كنت اقصد من التقسيم انا المنتدي يبقي كمرجع يعني انا عايز اشوف حاجة في قانون العقوبات او المدني ادخل علي القسم الخاص واطلع ماهو اللي هايطلع او هايكتب مش هايكتب في قسم واحد .
وعلي العموم الف شكر علي فكرتك برده بتعات المواضيع المثبتة فعلا فكرة حلوة وممكن الواحد ينفذها مشكووووور مرة اخري يا فوكس اتمنالك التوفيق .

إذا كان قصدك المرجع العلمي يبقي انا معاك فيها و ربنا يوفق و الإدارة توافق علي فكرتك
شكرا عليها أخي هشام
أنا فهمت وجهت نظرك و موافقك عليها

الحقيقة اني الاخ هشام عضو مجتهد جدا اتمني له النجاح والتوفيق
بالنسبة لاقتراحه انا موافق عليه لاني اقسام كلية الحقوق ممكن نخوض في مواضيع كتيرة جدا خاصة بكل قسم سواء مدني او جنائي
............الخ و علشان كثرة الموضوعات ياريت نقسم قسم كلية الحقوق الي مجموعات فرعية خاصة بكل قسم في الكلية ...
عي فكرة انا تجارة لكن مهتم جدا بالقانون و احب اعرف اكثر عنه ,,,,
بالتوفيق للجميع ........السلام عليكم ..