قصه واقعيه زواج الانترنت بين الحقيقه والسراب

بحثت سيده تخطت الخامسه والثلاثين من عمرها عن من تريد ان تعيش باقى عمرها معه فلم تجده فتسلل اليها الملل سريعا وكانت نصيحه احدى اصدقائها باحضارجهاز الكومبيوتر لاكسر هذا الملل ووبالفعل احضرته وبدات بتشغيل الانترنت وبدات رحله البحث عن عريس من خلال مواقع الزواجوبالفعل دخلت على موقع وكتبت جميع بيناتها الحقيقيه وبدات تستقبل الراسائل من اعضاء الموقع واستلمت ف اول يوم اكثر من خمسه وثلاثون رساله ففرحت جدا وبدات تقرر من تبدأ معه بالحوار وبعد مرار اختارت شخص مناسب لها من كل الظروف وتكلمت معه وتبادل الايميلات وبدأ التعارف الحقيقى ولانها كانت صريحه عرفته عن كل حاجه بحياتها وتبادلو ارقام الهواتف وبدأ الاتصال الشبه يومى لاكثر من عشر ايام وتعلقت بيه جدا وعندما ارادت ان تراه بدا ف الاعتذار وكل مره يخلق اعتذاراخر وعندما قررت ان تنفصل عنه قال لها مين اهبل الى يفكر يتجوز من النت
طبعا اختنا اتصدمت والمفروض تريح نفسها بس عشان هى فاضيه وقاعده ف البيت طول اليوم اتعرفت باخر وده كان مفهمها انه مهندس بترول وعايش حياه الرفاهيه بس اول ما اتعرفت عليه طلبت منه ان يشوفو بعض عشان الجديه بالموضوع طبعا وافق علطول وبدا يقول انا مسافر النهارده الحته الفلانيه وحاقعه فيها كام يوم ولما انزل اجازه اكيد حاشوفك ودنتها معاه على التلفون كام يوم ولما جه معاد المقابله اتصل بيها وقالها انا بالمشفى وحاعمل عمليه وطبعا اقتنعت بكلامه بس جالها احساس انه كداب واتكلمت معاه وعرفت اسم المشفى واتصلت بيه على المشفى ففوجئت بعدم وجود اسمه بالمشفى
طبعا دى تانى صدمه فقررت اختناه ان تبتعد عن الموقع خالص وبدأت تدور على اى مواقع تانيه بس عشان هى نفسها تتجوز رجعت تانى للموقع وزى مابيقولو التالته تابته
اتعرفت على واحد اقل منها ف المستوى واول طلب كان لها انها لازم تشوفوا لو هو جاد واتفقوا على تانى يوم ان يتعرفوا ببعض وفعلا اتعرفو وفرحت وقالت اخيرا نصيبى جانى وتم اللقاء الاول وبعد الثانى وبدا يطلب منها ان تكلم اهلها لكى يحضر ويلح عليها ف الطلب حتى كلمت اهلها واتصلت بيه لكى تخبره بقبول اهلها له فرحب وقال انا ف الميعاد حكون موجود عندكم واتجهزت لهذه المناسبه واحضرت الجاتوهات والساقع والحلويات وكل فتره تتصل بيه لتأكد عليه فيقول انا ف الطريق وحضر الاهل والكل موجود والاخت تتصل بيه تلاقى ايه الهاتف الذى طلبته غير متاح حاليا من فضلك حاول الاتصال فى وقت لاحق وطبعا لاقت الامرين من اهلها ولقد كانت الصدمه الاخيره التى قررت بعدها ببيع جهاز الكومبيوتر الخاص بها حتى لا تتصدم رابع
انا عايزه اعرف رأيكم يا شباب ف القصه دى لان احداثها كلها حقيقيه

ربنا يعوضها طبعا .... بس هى لازم تصبر

لو تفتكرى الموضوع اللى كتبتيه عن البنت العبيطه

هي دي البنت العبيطه

عشان البنت تاخد خطوة زى دي لازم يكون اهلها سئلوا عن العريس الاول واتحققه من مصداقيته قبل الموافقه على لقائه في البيت

اهلها ايه بس اللي سئلوا....دي عايشه لوحدها يا عم

و غير كده

هي ببساطه

اسأت الاختيار...والقصه معجبتنيش .....علشان فيها نوع من الغباء ..مش من كاتب القصه او الموضوع ...لأن من القصه نفسها ...بشكل عام

هى قصه محزنه
اولا الشباب بيحاول يبعد تماما عن الزواج عن طريق النت حتى لوكان هو مشترك فى احدى مواقع الزواج بيكون نوع من الفضول ان هو عايز يعرف العالم دة
بالنسبه للاخت اللى حصلت معاها القصه انا بصراحه زعلان جدا عشان خاطرها
وبعدين هى صدقت مع الناس وتعاملت بحسن نيه
وبعدين الشباب فعلا فاقد الثقه فى البنات اللى بتدخل النت وبتتعرف على شباب كتير
فبيقول انا مش اول واحد ومش هكون اخر واحد فبيقول اخد فترتى زى اى حد وخلاص
وربنا يصلح الحال

بصي يا زملكاوية
يمكن تستغربي من ردي المرة دي 000 لأني أنا دائما بقف جنب المرأة وبكون في صفها لأني بحس أنها دائما مظلومة ومضطهدة من الرجال
بس المرة دي لا000
علشان هي غلطت غلط كبييييييييير قووووووووي
أنا عارفة أنها وصلت لسن يخليها تقبل أي عريس والسلام بدل الوحدة0000 بس الطريقة دي غلط
هي كان ممكن تقيم الليل يوميا وتجعل دعائها الأساسي أن ربنا يرزقها الزوج الصالح
لكن زواج عن طريق النت 000 لا وألف لا
وبعدين أنا بعترض علي الشات جدااااااااااااااااااااا خصوصا مع الشباب0000 يبقي إزاي أوافق علي مواقع الزواج
لازم الشخص اللي البنت ترتبط بيه 000 يكون عن طريق تعارف واقعي000 قريبها مثلا أو جارها أو زميلها في الشغل
المهم أنها تكون عارفة أخلاقه وهو كمان عارف أخلاقها
اكن زواج النت000 غالبا ما يفشل
والضحية مع كل أسف بتكون البنت
لأنه هو في نفس اليوم أكيد حيقنع واحدة تانية000 وتتكرر نفس القصة مع بنت تانية

رد جرىىىىىىىىى جداااااااااااااااااااااااا ياوردة ورأى صائب أحييكى عليه

كلامك كلة صح يا وردة..وهي لو صبرت اكيد ربنا ح يرزقها بااللي بتتمناه

أشكرك يا أحمد وأشكرك يا شعنونة

المفروض الإنسان يجعل دائما توكله علي الله عز وجل وهوسبحانه وتعالي حيرزقه

حقا ان المرء ليطلبه رزقه كما يطلبه أجله


وفى المقابل لابد ان نعى شيئا وهو(ان العبد ليحرم الرزق بالذنب يصيبه)

القصه عجبانى وده مش غباء ده فراغ الانسان لما عاوز يوصل لحاجه ومش عارف يدور على اى طريقه ممكن توصله للى هو عاوزه وان الزواج من النت ده فيه مليون ضرر واولا لا يرضى الله عز وجل لان ده مبنى على الكدب والخداع وبيحصل اضرار نفسيه للبنت
والاجمل ان الانسان يعتمد على ربنا فى كل حاجه عشان ربنا ينور طريقه ويهديه للطريق المستقيم ويستخير ربنا فى كل شىء

البداية خطأ
اذن النهاية خطأ
نايس توبيك