طالب مع ايقاف التنفيذ ..

السلام عليكم ورحمة الله وبركاته

كل سنة وانتوا طيبين السنة الدراسية خلاص كلها ايام وتبدأ باذن الله بس تلاحظوا ان الجامعة مليانة طلبة وطالبات بس تدخل المدرجات تلاقيها مش بنفس الزحمة اللى برة المدرجات تلاقى ناس كتير ينزلوا الجامعة بس ما يدخلوش محاضرات خالص ,وتيجى ايام امتحانات تشوف ناس جديدة ووجوه جديدة ما شفتهاش قبل كدة لانهم بجد مش بيحضروا اى محاضرة او سكشن طب والله ايام امتحاناتنا دخلت اللجنة وخرجت تانى لحد ما واحدة صحبتى ما ندهت عليا وقالت لى رايحة فين قلت لها امال مين دول قالت لى زمايلنا قلت لها انا اعرف الدفعة كلها لكن الاشكال دى جديدة عليا قالت لى دول بيظهروا ايام الامتحانات بس فمن ساعتها وفهمت بقى الموضوع ان مش كل الدفعة هى اللى فى المدرج لكن قدها مرتين برة المدرج
لكن انا باستغرب هما بيعرفوا يذاكروا ازاى او بيعرفوا الاساتذة بيفكروا او بيحبوا اية فى الاجابات طب بلاش كل دة هو ازاى اسمهم طلبة اذا كانوا بنات او بنات ومش بيحضروا محاضرات ولا بيجيبوا الكتب ولا بيدخلوا مكتبة ولا اى حاجة وفى الاخر ينجحوا ما شاء الله وبيجيبوا تقدير اكبر من الملتزمين فى الحضور

حد يجاوب لى على سؤالى هو سؤال قديم شويه معلش استحملونى

شكرا لكم ...

يعنى انتى قصدك ان الكوسه شغاااااااااله
ولا قصدك ان الدكاتره بيجاملوا البنات المحلووه
ولا انتى قصدك ايه..........
هاتى من الاخر..

اجيب من الاخر ان مش قصدى كوسة ولا الدكاترة بيجاملوا البنات الحلوة لانهم اصلا مش بيشوفوهم لانهم ما بيحضروش محاضرات انا قصدى الناس اللى مسجلة فى الكلية بس ما بتحضرش محاضرة واعتقد كلامى واضح ... شكرا لرد حضرتك

الحكايه وما فيها يا شيماء انه فى طلبه اتعودت انها متحضرتش
بتشتر الكتب اول السنه
ومتروحش غير الامتحانات والمهم والمحذوف بيجبووه بالتليفون وبيذاكروا كويس من الكتاب
والامتحان مش بيطلع من الكتاب طبعا
وبينجحوا دى كل القضيه من غير ما تتعبى نفسك

عااااااااادى انا فى تجارة فى تالتة السنة دى الحمد لله انا ما بحضرش غير اول اسبوع كل المحاضرات وبشوف نظام كلدكوتور اززاى وبسال اللى اكبر مننى او اللى معايا كويس اوووى وباخد كورسات والنظرى بذاكره بعد ما يحذفوا واصحابى كلهم كدا وبنروح على اسبوع المحذوف بيبقى مهم اوى والامتحانات بقى بعد كدا والحمد لله بننجح صافى وكل حاجة وربنا يسهل يارب السنتين الجاييين عادى احنا مثلا كدا عشان كنا مدرسة فى ثانوى صغيرة جدا ومش متعودين على اعداد الجامعة من اول مادخلناه م ش قادرين نفهم حاجة فىالزحمة دى فبنقضيها كورسات فعادى مش فارقة دلوقتى معانا يلغوا انتساب يلغوا انتظام عادى مش قضية اوووى والله موضوع الحضور ممكن يبقى حد بيحضر بس بيشيل وحد ما بيحضرش والحمد لله وفى الاخر دعوااااااااااااات

ها السؤال انا بطرحه اكثر من مرة__وعجبى__من يدرى الاجابة يخبرنى