منع طلاب انتساب من الدخول !!!!!!!!!!!!!

الناهرة اتفاجئت انا وبتكلم مع صحاب ليا انهم منعو قال بتوع انتساب من دخول الجامعه وانهم خصصولهم 6 محاضرات في الترم والمصيبه الكبيره قال انو اللي عايز ينجح من طلاب انتساب يروح بقي يشحت محاضرات او يترمي ادام التليفزيون بنتظار قناه تعليميه تفتح انا مش فاهم احنا رايحين نتعلم ولا رايحين السفاره علشان يمنعو طالب من دخول الجامعه واشمعنا انتظام بس هي اللي تدخل يا ريت يا جماعه كل المشرفين علي كلية تجارة يردو ويقولو ايه حكاية الموضوع ده لاني بجد اتنرفزت جدا من كلمة منع طلاب انتساب من الدخول هو ايه يعني يا نسقط يا نسقط ولما احنا ملناش مكان في الكليه قبلونا ليه من الاول اساسا الحقيقه لو الكلام ده صحيح يبقي فعلا ظلم كبير وربنا يستر علي اللي جاي بقي اتمني من كل زمايلي انهم يشاركو ونشوف هنعمل ايه!!!

دا ظلم على طلاب انتساب بس كان ممكن يعملوا انهم يقسموا الدفعه الواحدة على كذا فرقه وبعدين احنا مش كتار للدرجه يعنى ومش مستاهله الحكايه

انا معاك ان انتساب كان منظرهم بايخ لما مردوش يدخلوهم بس هما بيعملوا اللي عليهم يعني الكلام ده علي مستوي الجمهوريه مش عندنا بس وبجد الله يكون في عونهم بس الاحتياط واجب برضه يعني هما مايعرفوش ان المرض ممكن كان ينتشر او حاجه بس بيعملوا احتياطتهم اما بالنسبه للنوات التعليميه فانا متهيالي جنوب الوادي مش حتذيع حاجه علي التليفزيون لان حيعملوا حساب الناس اللي في القري والي معندهمش ريسيفر مثلا او حاجه مش حيقدر يتعلم وفي ناس في الصعيد ظروفها صعبه بس حيخلهوم منازل في الغالب وربنا يستر والله يكون في عون انتساب بجد لان ظروفهم السنه دي مش كويسه

شكرا ليك يامحمد علي التوبيك

والله ياخي عندك حق انا ههههههههههههههههه بضحك من الهم مش بعيد يقلك كمان اقفلو الجامعه الغو العمل وكل واحد يقعد فبيتو استغفر الله العظيم وحسبنا الله نعم الوكيل سوري يا جماعه لو كان موضوعي دايق حد

هما عملوا كدة علشان طلاب انتساب عددهم ضعف انتظام يعنى عددهم كتير بس المفروض يوفرولهم وسيلة لمعرفة المحاضرات

اولا شكرا يا محمد علي التقرير.................
للا سف اني احنا في جامعة او دولة المصالح
احنا عرفين اصلا اني في وقت لمحاضرات انتساب وانتظام لكن الدكاترة
بيخلوا المحاضرة مشتركة طيب لية ميخلوش ايام معينة للانتساب او ايام اخري لانتظام بعدين اني المحاضرات لكل شعبة علي حدي في ثلاث ايام ............ بس عموما كل واحد بيدور علي مصلحته . علينا اني ننتظر لاني بيقولوا انهم حايخلوا يوم لانتساب ازي ست مواد في يوم معرفش.....................

ربنا يكون في عون طلبه الانتساب ..

عندى معلومة سمعتها انى طلاب انتساب ليهم يوم الخميس بس محاضرة واحدة وليهم ست محاضرات فى الترم

عندى معلومة سمعتها انى طلاب انتساب ليهم يوم الخميس بس محاضرة واحدة وليهم ست محاضرات فى الترم

اولا شكرا لمشاركتكم في الموضوع ده ثانيا يا جماعه يا زملاء يا اصدقاء يعني بتوع انتظام المفروض يقفو معانا مش يقفو ضددنا هما سدقو ملقوها ولا ايه الكل فرحان عموما ربنا موجود واكيد اللي بيحصل ده مش هيستمر لانو غلط اولا لان عدد انتظام كافي جدا لانو ينشر الوباء فبلاش يتحججوا ويقولو انتساب اللي المفروض من رايي كان يحصل انو يعملولنا فترات ايام كده ولا هما مش عايزين يتعبو بقي الدكتور يا عيني كفايه عليه محاضره بقي وتطلع عينا احنا دروس ومصاريف حسبي الله ونعم الوكيل وبجد ميرسي لكل اللي بيساهم في الموضوع ده

كأن بتوع انتساب هم اللى هاينشرو الوباء وينقلولهم العدوة

mohamed a.elwahed كتب:: اولا شكرا لمشاركتكم في الموضوع ده ثانيا يا جماعه يا زملاء يا اصدقاء يعني بتوع انتظام المفروض يقفو معانا مش يقفو ضددنا هما سدقو ملقوها ولا ايه الكل فرحان عموما ربنا موجود واكيد اللي بيحصل ده مش هيستمر لانو غلط اولا لان عدد انتظام كافي جدا لانو ينشر الوباء فبلاش يتحججوا ويقولو انتساب اللي المفروض من رايي كان يحصل انو يعملولنا فترات ايام كده ولا هما مش عايزين يتعبو بقي الدكتور يا عيني كفايه عليه محاضره بقي وتطلع عينا احنا دروس ومصاريف حسبي الله ونعم الوكيل وبجد ميرسي لكل اللي بيساهم في الموضوع ده

السلام عليكم
اولا احب اقول اني احنا رافضين موضوع عدم حضور انتساب في الكلية لاني انا مشيفش فرق بين انتظام و انتساب لاني كلة محصل بعضه في النهاية احنا واقفين معاكم ..................................
و انا بدعي جميع زملائي في انتظام انهم يحالوا يساعدوا في كتابة المحاضرات علي المنتدي علشان نساعد اخونا في انتساب و ربنا معاكم و منقدرش نقول الا حسبي الله و نعم والوكيل .
احب اقول نقطة اخري اني اصلا الكلية والحمد لله بقي ليها مبيني سبع دوار يعني في اماكن اكثر في الجامعة يعني ايه القرار دي ....؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بجد يا محمد موضوع جامد اوى ....... يعنى كده طلبة الانساب مش مشكلة يدبلرو السنة عادى معاهم ولا ايه بجد انا مش عارف افكر في الحوار ده وربنا معانا يا مان .......... الانتظام وخدين حقهم في كل حاجة واحنا غلاااااااااااابة اوى هههههههههههههه

انا ممكن اساعد طلبة انتساب سنة اولى بس عايزة اعرف هى مواد اولى تجارة عربى هى نفسها انجلش

هما منعونا من دخول الجامعة عشان الانفلونزا طاب ياتري هيبقي في ملتقي ودوري خماسيات اللي بتاجيلنا من برة واللي مش عارفين انهم مصابين ولا لا ياريت ياجماعة نعمل اي حاجة عشان ميجوش وينقلو العدوي لينا

ياريت اللي موافقني علي الراي ده يقول انا موافق

اولا بحب اشكر صاحب الموضوع ده
فى بداية الكلام عن هذا الموضوع الذى انتشر واخذ القرار فيه سريعا وتم تطبيقه بالفعل وتسبب فى عمل مشكلة لكل طلبة انتساب فى جميع الكليات بالجامعه والله أعلم ان كان تم تطبيقه فى جميع جامعات مصر ولا لا .
المهم انا عاوز اعمل دراسة عن هذا القرار وسأفسرة وسأبدى رأى فيه بشكل منطقى وسأتناولة من جميع الجوانب.
== الذى قرر هذا القرار هو سيادة الوزير \ هانى هلال وزير التعليم العالى وليس السيد رئيس الجامعة \عباس منصور , يعنى رئيس الجامعة ملوش ذنب يا جماعه ومش بأيده حاجة اللوم والعتاب على د\ هانى هلال " ثم انه عمل حل بس حل غير منطقى خالص خالص خالص هو عمل ايه؟ حل مشكلة العدد بس على حساب مين حساب الانتساب الغلابة اللى بيتعلموا بفلوسهم وفوق ده كلو مش واخدين حقهم خالص المهم د\ هانى هلال حله غير لائق جدا كما ذكرت .هو حل مشكلة عدد بس على حساب الانتساب وليس مشكلة مرض ولا انتو مش معايا . لانه لو زى ما بيقول انه حل مشكلة مرض ,كان قسم جميع الكليات التى بها انتساب زى تجارة وحقوق واداب إلى عده مجموعات فقط لا غير مش يقول انتظام بس وليه هو طالب انتظام لم يمرض ولم يتأية المرض؟؟؟؟!!!!!!كلام غير منطقى خالص وحل غير مقنع وكمان ان الجامعة مفيهاش غير تجارة وحقوق واداب وبس لا الجامعة ماشاء الله تعددت بها الكليات يعنى برضوا فيها عدد كبير
برجوا من الطلبة فى جميع محافظات الجمهورية الوصول لسيادة الوزير وعرض التعديل عن هذا القرار اللى اتخذه وظلم فية انتساب . والدراسة بدأت خلاص امتى هيعملو قنوات انا متخلفين فى كل حاجة صعب انهم يعملو قناه خلال فترة قصيرة
صحيح ان دول الخليج واغلب الجامعات اللتى فى العالم قامت بإلغاء الدراسة وخصوصا الترم الاول بس هذة الدول عندها امكانيات عالية لكى تعطى الجميع حقة وتقوم بعرض جميع المحاضرات لكل الطلبة وبكل سهولة وفى منتهى الرفاهية
اللى مش عاجبة رأى يا ريت يوضح فين الجملة والتعبير اللى مش عاجبة على رسائلى الخاصة وشكرا لكم وان كنت اطلت عليكم فهذا مجرد راى

وانا رايى كدة وقولتها برضو مش الجامعة اللى ليها ذنب ومش معانها انى طلبة انتساب هما اللى هيجبو المرض المشكلة انى طلبة انتساب عددهم ضعف انتظام ويعنى عددهم كتير مش قليل

شكرا ليك يا سوبر ستار

وانا معاك في الرأى ده

ويا تينا انا معاكى ان عدد الانتساب ضعف عدد الانتظام

بس مبنى كلية التجارة خلص

وما شاء الله المبنى كبير جدا

واكيد هيكفي الكلية كلها

وهم برده قسموا الانتظام الى ثلاث مجموعات

وممكن يقسموا انتساب اللى مجموعات برده

وبالشكل ده العدد مش هيبقي كتير في المدرج

ثم ان انتظام ليهم جدول وليهم ايام بيحضروا فيها

وانتساب ليهم جدول وايام بيحضروا فيها

بس هم الدكاترة اللى لغوا محاضرات انتساب

وخلوهم يحضروا مع انتظام

ولو رجعو زى ما كانو الاول والانتظام ليهم ايام والانتساب ليهم ايام

مش هتبقي في اى مشكلة

السلام عليكم ورحمه الله
احنا مش هنقول قرار الوزير /هاني هلال صح ولا غلط ، لان القرار فعلا اتنفذ ؛ بس دا اكيد مش معناه اننا نفضل ساكتين ولازم نشوف حل لانها ازمه بكل المقايس ازاي يفضلوا تعليم طلاب علي حساب طلاب اخرين ، لازم الطلاب كلهم تكون ليهم وقفه لوقف تنفيذ القرار دا واللجوء الي اي قرار اخر . ولغايه ما دا يحصل لازم احنا طلبه انتظام نساعد طلبه انتساب علي قد ما نقدر .
اكيد اغلبكم يعرف ان المرض مش بالخطوره اللي الكل متصورها بس خطوره المرض الحقيقه في تحور او تطور الفيروس المسبب ليه ، وان كمان المرض مش بينتشر في الاماكن المفتوحه يا اعني داخل الجامعه مافيش مشكله المشكله هتكون داخل المدرجات وفصول السكاشن ، ولو تم التنظيم بشكل او اخر اكيد هيلاقوا حل لمنع الازدحام وهيقدروا ينظموا المحاضرات والسكاشن علي مجموعات عددها مناسب ، بس طبعا الكلام دا هيكون في جهد كبير جدا من هيئه التدريس في الجامعه لانهم هيشتغلوا اكتر بكتير ..، بصراحه لغايه دلوقتي انا مش لاقي حل جذري ياريت تشاركوني وتفكروا ممكن الحل يكون علي ايد اي واحد مننا .

لا اله الا انت سبحانك اني كنت من الظالمين

بص ياحمد احنا فى موضوع الانتساب هيروح ولا لأ
فى قسم رئيس الجامعه قولنا ان احنا هنتجمع وهنكون مسيرة احتجاج
وكل حد هيجيب أصحابه وكل الناس اللى يعرفها
لو مشاركنا الرأى ياريت تنضم لينا
وتقول لكل أصحابك ومعارفك

والله يا جماعه بجد انا بشكر كل اللي شارك معايا فموضوعي والحقيقه انا مبسوط باراءكم كلكم في الموضوع ده وانا حابب اقول رايي تاني في الموضوع ده يا جماعه احنا مش عايزين نعمل مشاكل كل اللي عايزينو انو يكون لينا حتي يومين في الاسبوع اننا نحضر فيهم زي باقي خلق الله انما هي انفلونزا الخنازير مش هتيجي غير علينا احنا ولا ايه ثم انا سمعت انهم هيعملو الكارنيه بتاع انتساب مميز طب انا عايز اعرف يا ناس يا متحضرين يا مميزين يا دكاتره مش دي اسمها تمييز بين الطلبه لما طالب يتكسف يطلع كارنيه جامعتو وبكده هما هيدفعو الطلبه انهم يزورو كارنيهات وبقت سهله جدا حتي لو كانت كومبيوتر فأي استوديو ونعملو انتظام كمان وندخل براحتنا بس انا بقول اننا مش بنحب الاساليب دي احنا بس بنطالب بحقنا انو الواحد يعرف يدخل جامعتو ويحضر زي خلق الله حتي لو كان يومين زي مقلت انما يرمونا كده من غير لا قنوات ولا محاضرات ولا اي حاجه فاسمحولي دي حاجه مش لازم نسكت عليها وبوجه سؤال للعضوة بنت الاسلام الحقيقه انا بشكرك بس يا تري انتي متاكده من القانون اللي وضحتيه لانو انا مش بفهم كويس الحقيقه في القانون او مش مهتم من فضلك اتاكديلنا من الموضوع ده وانا من هنا بدعي طلبة كل انتساب اننا نحدد يوم ونروح الجامعه نشوف هنعمل ايه بالظبط لان لازم حد يقعد معانا مسؤوول يقلنا احنا ايه موقفنا بالظبط وبجد ميرسي ليكم كلكم .

بنت الاسلام كتب:: بص ياحمد احنا فى موضوع الانتساب هيروح ولا لأ
فى قسم رئيس الجامعه قولنا ان احنا هنتجمع وهنكون مسيرة احتجاج
وكل حد هيجيب أصحابه وكل الناس اللى يعرفها
لو مشاركنا الرأى ياريت تنضم لينا
وتقول لكل أصحابك ومعارفك

شكرا للرد اولا ..؛
معلش اذا كان رد فعلي خرجني عن الموضوع
باذن الله انا معاكوا وكل اللي هقدر اجبهم عشان مسيره الاحتجاج، بس اعرف المعاد؟
يارب يكون الحل في المسيره ..،

» تعليق بعض الجرائد علي منع طلاب انتساب
» طلاب كلية الاثار
» هااااااااااااااااااااااااااام لطلبة انتساب
» محاضرات انتساب
» ضرورى جدول انتساب