اتخرجت.. وبعدين

السلام عليكم ورحمة الله وبركاته

اسمحوا لى ان اشارك معاكم فى المنتدى ودى اول مشاركة وهتكون عن ما بعد التخرج كنا اول ما دخلنا سنة اولى كنا بنبكى ونقول امتى بقى نخلص والحمد لله ادينا خلصنا وقعدنا فى البيت لا شغلة ولا مشغلة يعنى نصيحة الى اللى بيقول امتى هاخلص هتخلص والله ان شاء الله ما تستعجلش وهتقعد فى البيت

هاااااااااااااااااااااااااااااى شوشو
اهلا بيكى فى المنتدى وان شاء الله نبقى على تواصل دائم
ومتزعليش أوى الكل حيحصل بعضه ويتركن فى البيت اجلا اوعاجلا
بس شكلك عاطلة جديدة معلش بقا وربنا يكرم الجميع

وانا اكتر منك اتخرجنا واصبحنا من العاطلين الى منتظرين فرج ربنا

بارك الله فيكم على مروركم

دى اجمل ايام والله الجامعه واروعها ومافيش اجمل واحلى منها

كفايه اللحظات الجميله ومن بعد الجامعه الواحد يعيش وحيد

فعلا ايام الجامعه من اجمل الايام والسنين
ويارب ايامنا كلها تكون جميله وسعيده يارب...

واى واحد بيتمنى ان يخلص بعد التخرج بيندم والله على الايام العدت كلها

ولكن بعد فوات الاوان بيحس بكده

يارب يكرم الجميع ويوفقهم فى حياتهم العملية بعد التخرج وعلى فكرة انا خريج جديد وبقول ان ايام الجامعة دى احلى ايام ومش ممكن تتعوض وتلاقى فى حلاوتها ايام تانى

انا اتخرجت لكن لم اندم علي اي لحظه قضيتها في الكليه لانها ايام جميله لكن كنت افضل ان ابقي في الجامعه لكن التقدير لن يساعدني علي ذلك لكن اعمل في مجال التحاليل الان

ربنا يوفقك وتلاقى شغل تحبيه وتنجزى فيه

شكرا لكى شيماء على موضوعك الجميل , وفعلا ايام الجامعه لاتعوض

ويارب يعديها على الخير

انا حبيت الجامعة جدا و لغاية دلوقتى بدرب منتخب جوالة الجامعة

بس عملت دبلومة ارشاد سياحى عشان انا خريج آداب فرنسى

موضوع جميل يا شيماء تسلمى عليه

ما شاء الله عليك والله
الله يكرمك

ازيكم ع فكره موضوع شيماء جميل جدا ايام الجامعه مافيش اجمل منها بصراحه قضيت اربع سنين كانهم اربع ثوانى اجمل صحبه وايام وحاكمل ان شاء الله بس نفسى اعمل ارشاد سياحى ف مجال تخصصى ممكن يا قائد منتخب الجواله تقلى ازاى من فضلك.
متشكرم سيار .

ليه يا جدعان تقعدو فى البيت
انا هسيب القطاع الخاص اللى شغال فيه وهعمل شركه اشغلكم فيها ماتقلقوش
الكلام دة لمحمود الفنان على الخصوص

ماشي يا أحمد إحنا مستنين الشغل في شركتك

أنا يا جماعة حاسة بنبرة يأس عندكم 000ليه؟؟؟

هو علشان اتخرجت تبقي الدنيا انتهت

لا طبعا000 كل واحد منكم يدور علي عمل مناسب000 محدش يقول لي دورت ومش لاقي

لا 000 دور تاني وحتلاقي إن شاء الله

وبعدين كلكم روحوا قدموا في الجامعة دراسات عليا00 ومتقفوش عند البكالوريوس

وبكدة حترجعوا الجامعة تاني

بس يا ريت التقديم للدراسات العليا يكون بعد الوظيفة

لأنه عيب جدا في حقنا إننا نطلب من أهلنا يصرفوا علينا تاني 000 هما كدة عملوا اللي عليهم وزيادة000 وجه بقي دورنا إحنا في صناعة مستقبلنا بإيدينا

بلاش أرجوكم نظرة الحزن واليأس والإستسلام دي0000 وابدأوا تاني من جديد

انا ووالله كرهت حاحه اسمها شغل فى القطاع الخاص لانه علشان يديك مرتبك بيحرق دمك فى الشغل اخر النهار بتروح معندكش وقت لاى حد
وبعدين تعب بتعب يبقى الواحد يعمله مشروع يكون بتاعه هو يتعب فيه مش يدى تعبه لناس تستغله
وشكرا ليكى ياوردة على المداخلة الجميله
بس انا موضوع الدراسات العليا بالرغم من انى جاد فيه بس خايف ما اعرفش اوفق بين الشغل وبين المذاكره

علي فكرة يا أحمد تمهيدي ماجستير عايزة تفرغ تام لأن الدراسة صعبة جدا وبتعتمد علي مجهودك بنسبة 100%

وأنت في البداية بتمضي علي إقرارات أنك لا تعمل في القطاع الحكومي

بس بصراحة في كتيييييييير بيشتغل من غير ما حد يعرف

وكمان نسبة الحضور 70% ومهمة جدا في أعمال السنة

انا والله مش عارف اعمل ايه بالضبط كدة الحكاية بقت صعبه جدااااااااا يعنى الواحد يايدرس يايشتغل وبعدين اللى بيشتغل اكيد من قنا نفسها اومن مركز قريب انما انا المسافة من ادفو لقنا بعيدة شويه
والله ربنا يقدم اللى فيه الخير

ممكن يا أحمد تيجي تعيش في قنا وتشتغل أي شغل بسيط مش محتاج لمجهود جامد

لحد ما تنتهي فترة الدراسة

كنت أعرف واحدة من أسوان بتدرس في تمهيدي وبتشتغل مشرفة في سكن طالبات وكانت ساكنة معاهم

وكانت بتسافر في نهاية الأسبوع

ان شاء الله ححاول اظبط امورى بقدر الامكان وربنا يقدم مافيه الخير

الموضوووووووووووووووووع جميل جدا

لكن الجماعة الشغل مش سهل ولازم نتعب ونصبر اصل الحياه كده وندور ومنستاش الفرصه احنا اللى نروح

احلى ايام ايام الجامعة فانا لا اشتاق لاصدقاء الحامعة فقط بل اشتاق لجدار كليتى

هوفعلا الشغل صعب
بس أى شغل تلا قيه اشتغله

اييييييييييييييييييييييييييييييييييييييه اليأس دا اللى انا شايفه فيكم تفألوا ياجماعه انا مخلص من 3 سنين والحمد لله الواحد اشتغل لغاية دالوقتى حوالى 7 أو 8 مرات كل واحدة منها تختلف عن التانية خالص ولكن حعمل ايه دا مكتوووووووووووب من عند ربنا ولا حيلة فى الرزق
كل المطلوب منا هو الحمد لله رب العالمين وطلب القناعة فى ناس كتير اشتغلت فى احسن شغل لكن مش مبسوطين وفى مشاكل كتير فى حياتهم قولوا الحمد لله على اللى انتم فيه الحياة حلوة للى يعرف ليها .. وعلى فكرة الحياة الجامعية حلوة جدا بس الحياة العملية جملية بردوا

اسحب بالماوس من هنا اضحك للدنيا تضحكلك

شكرا يا شيماء على موضوعك وانا من اول الناس اللى بدات تعانى من الملل فى البيت وبالرغم ان فى ايام عدت علينا فى الكليه فى وقتها كانت بتضايق لكن دلوقتى بنفتكرها نضحك ونتمنى ترجع الايام او تكرر تانى