موضوع جاد للنقاش!!!!!!!!

السلام عليكم ورحمة الله وبركاتة

اخوانى طلاب قسم اللغة الانجليزية دلوقتى حنا بندرس مواد كتير اوى منها "الترجمة" ومنها اخدنا ترجمة نصوص ونصوص ساسية ورياضة حكم وامثال وكحجات كتير ولقينا بردوا فى ترجمة للقران الكريم!!!!!!!!!!!!!!

انا ضدد ان القران يترجم لاى لغة لان القران الكريم يحمل معانى كثيرة لا يستطيع اى بشر ادراكها ياجى واحد يقولى انتة بتتكلم ازاى كدة امال الغرب ازاى هيفهموا الدين الا من الدستور بتاع المسلمين وهو القران ,,,,,!!!!!!!!! اقوله طيب لية ربنا سبحانة وتعالى خلى لغة القران اللغة العربية
لية مخلاش ربنا سبحانة وتعالى لغة القران اللغة الانجليزية مثلا ,,,,, عشان العربى لغة سلسلة وممكن اى غربى يتعلمها ................................

القران الكريم فية معانى كتير ممكن تتفهم اكتر من طريقة فلازم اللى يقرأ القران يكون ملم بشؤن اللغة العربية
وانا اسف لو كنت طولت عليكم

دة رأى الشخصى والله اعلى واعلم

الموضوع مطروح للمناقشة للاستفادة

اسمحلي اشارك معاك ياملك روحي في الموضوع اللي انت بتناقشه

دلوقتي بما ان انت في اداب انجليزي(علي ما اظن) في مثل بيقول"adress people the language they understand" يعني انت دلوقتي لو حد من اي بلد اجنبيه زي روسيا او المانيا مثلا وحبيت تعرفه عن الاسلام وايه هو القران ومين هو النبي محمد وقلتله لازم بالعربي اكيد مش حيوافق ومش مشكله ان القران يترجم للغات تانيه في سبيل انه حيكون بيدعي الناس للاسلام وبيعرفهم يعني ايه قران وهو ربنا اختار فعلا اللغه العربيه انها تكون لغة القران بس في سبيل الدعوه انا شايف ان القران لما يترجم حيقدر يوصل للناس التانيه اكتر ويعرفهم بيه اكتر ولو التجربه مش ناجحه مكنتش السعوديه طبعت مصاحف باللغه الانجليزيه ولغات تانيه وبقت موجوده في المسجد النبوي او في مكه

دي وجهة نظري وشكرا لك علي التوبيك الجميل ده للمناقشه

انا بشكرك على ردك عليا وبشكرك تانى مرة عشان رايك IFIMTM انا معاك ان الواحد يتكلم على الاسلام طبعا باللغة الانجليزية بس كلام ربنا سبحانة وتعالى محدش يقدر يترجمة لان فى معانى لحد دلوقتى الدعاة والمفسرين بيوصولوا للمعنى الحقيقى بتاعها ........

والاختلاف فى الرأى لا يفسد فى للود قضية

العفو ياملك انا اللي كان ليا الشرف اني اشارك معاك بس بالنسبه للمعاني اللي المفسرين لغاية دلوقتي مقدروش يفسروها معرفش الحقيقه بتترجم ازاي بس اللي اعرفه ان في لغه اسمها islamic english اللغه دي استخدموا فيها الاسامي الاسلاميه بدون تحريف زي كلمة(حج-haj)بدل كلمة pilgrimage وحاجات تاني بس مش فاكرها الحقيقه

اشكرك مره تانيه علي التوبيك

انا بشكر على تفاعلك مع الموضوع.....

اما بالنسبة لاستخدام بعض المصطلحات مثل (حج-haj)بدل كلمة pilgrimage فدة بيأكد كلامى لان القارئ الاجنبى لما يجى ويقرأ مقالات اسلامية وكلمة Haj مسمعهاش قبل كدة هيوقف تفكيرة عند الكلمة دى لانة لم يلم بمعانى ومفردات اللغة العربية وهى لغة القران

بشكرك بجد ifimtm لانك متابع الموضوع
All My Respect To U

علي فكره ملك روحي بيتكلم صح جداً الموضوع ده انا اتعرضتله ف دراستي بصوا دكتور احمد حسين مختص الترجمه عندنا ف الكليه قال

Translation can not be right but it possible بمعني ان الترجمه ممكن تكون بتأدي المعني بس مش زي ماحنا عاوز عمليه الترجمه الصحيحه من لغه لاخري مستحيله و خصوصاً ف كتاب زي القرأن انا والله عندي نسخه The holy QUR'AN"text translation and commentry>>by Abdullah Yusuf Ali

طبعاً الكتاب ده مش متوافر غير ف دار الكتب المصريه بالقاهره و النسخه اللي معايا دي نسخه اصليه و عليها امضاء عبدالله يوسف علي شخصياً ... هديه لوالدي جاتله النسخه دي قيقه جداً بس مش لدرجه المعني الاصح ..

دي الصور بس سامحوني هي الكاميرا وحشه شويه

اعترف المترجم نفسه و هو احد اكبر مترجمي الوطن العربي ان هناك معاني تعجز عنها اللغه الانجليزيه و كثير من لغات العالم عن تطويعها لتعطي نفس المعني ... و قال ان القرأن هو كتاب الله الذي لا يوزايه اي من الكتب الاخري .... و علي فكره فكره ترجمه القرأن الكريم الي الانجليزيه تعتبر مستحيله رغم انها (( ممكنه ))

كل اللي عاوز اقوله اني اوافق الرأي جداً مع ملك روحي .. الدراسه شئ و خصوصا ترجمه الكتب السماويه و خصوصاً القرأن الكريم شئ ..... علي فكره يا هيما... كتاب فن الترجمه لدكتور محمد عناني روعه .. ده هيفيدك جداً لو عندك حب اطلاع مش اكتر ...... بس هارجع و اقول الترجمه الصحيحه 100 % ممكنه و في نفس الوقت تعتبر مستحيله(( السهل الممتنع يعني ))........الترجمه تعتمد ف المقام الاول علي حضاره الشعوب ... و العادات والتقاليد و المفاهيم و حاجات كتير جداً مش مجرد كلمات

لو بصيت ع الطبعه هتلاقيها 1984م-1404هجريه... و هي من افضل الطبعات التي ترجم اليها القرأن الكريم ف العالم العربي و الغرب انا مبقولش كده علشان هي عندي لا والله بس علشان هي نسخه تستحق التقدير فعلاً لأن المترجم كان جديراً بالاحترام لمحاولاته المستميته الاتيان بالمعني و اقرب معني للكلمات ...حتي تكون ترجمته صادقه لكل من يحاول تعلم و حفظ القرأن بالانجليزيه ... بس انا افضل ان منهج الله لابد من ان يتم تعليمه و حفظه كما انزل ..

بس لو علي الناحيه العمليه و للي ميقدرش يتعلمه لصعوبه اللغه العربيه وخاصه الفصحي منها اللي مكتوب بيها القرأن ممكن يلجأ لترجمه جيده.... و بالنسبه للدارسين رغم صعوبه ترجمه القرأن الا انها ممكنه ... تقبلوا رأيي المتواضع

Sassy_Classy كتب:: بس لو علي الناحيه العمليه و للي ميقدرش يتعلمه لصعوبه اللغه العربيه وخاصه الفصحي منها اللي مكتوب بيها القرأن ممكن يلجأ لترجمه جيده.... و بالنسبه للدارسين رغم صعوبه ترجمه القرأن الا انها ممكنه ... تقبلوا رأيي المتواضع

ده اللي انا بقول عليه ياسيد ان طالما ممكن ومش مستحيل يبقي الاولي ان احنا نترجمه للغات تانيه علشان الاسلام يقدر يوصل امتر للناس اللي متعرفش عنه حاجه وياسيدي اذا كانت الكلمات الصعبه اللي مالهاش ترجمه مشكله انا شايف ان الشخص لو حب القران واتعمق فيه يبقي ممكن في الحالهه دي يتعلم العربيه ويقرا القران باللغه بتاعته اصلا والترجمه لغرض تعريف الناس بالاسلام اللي مش بيتكلموا اللغه العربيه ده قصدي

اولا انا بشكرك يا سيد على تأييدك لفكرتى وعلى كلامك الجميل دة وبشكر بردوا IFIMTM على متابعتة للموضوع , بس انا مش مختلف فى توصيل الديانة الاسلامية للناس عن طريق ترجمة كل ما كتب فى الاسلام بس كلام ربنا سبحانة وتعالى محدش المفروض يقرب منة لان مهما حصل لا يمكن الترجمة هتجيب نفس تأثير بتاع اللغة الأم وهى اللغة العربية لأن كل لغة لها تأثيرها الخاص على الناس ............

على سبيل المثال مش تشبية:: لو جينا ترجمنا قصيدة من روائع شكسبير اللى اللغة العربية مش ممكن الاقيها نفس التأثير اللى بيحس بيه القارئ الانجليزى............... لان كل لغة ولها سحرها الخاص
Language With Its Own Magic

وبرجع واقول ان اختلاف الرأى لا يفسد للود قضية
وبشكركوا بجد ان الموضوع نال اهتمام الجميع

Maliek_Ro7y

الموضوع نال اهتمامنا فعلاً لأنه هام جداً ف حد ذاته ده مش مجرد مووع دي قضيه تمت و يتم مناقشتها الي وقتنا هذا و تقوم فيها و عليها الصراعات لعدم الاخطاء ف ترجمه كلام الله الذي لا يمكن احيانا ترجمته لأن بعض المترجمين المسلمين اعتبروه نوعاً من انواع التحريف الا واعي للقرأن الكريم و هو ليس بغرض التحريف و انما بغرض ايصال المعني و المضمون ... و لكن.......... ان تتم ترجمه كلام سماوي و خاصه القرأن الكريم.. فهذا صعب للغايه رغم امكانيه هذا

سعدت جداً بالنقاش معاكم يا شباب و وانا معاكم ف اي شئ يخص اللغه الانجليزيه ف المقام الثاني بعد ديني الا و هو الاسلام الذي هو نعمه علينا جميعاً

بارك الله فيكم.... وزادكم من نعمه و فضله .. و طبعاً الاختلاف ف الرأي لا يفسد للود قضيه

الاختلاف ف الرأي مش اكتر وهيه بتفضل مطروحه وان شاء الله