ماذا حدث للصعيد الجميل

السلام عليكم ورحمة الله وبركاته
اسمحوا لى ان اكتب النهاردة موضوع اعبر فيه عن استغرابى للى بيحصل فى الصعيد اللى كنت اعتقد ان تمسكنا بديننا وقيمنا واخلاقنا هو اهم ما يميزنا فى هذا المجتمع الجميل الاصيل ولكن ما نراه فى الشوارع والجامعة اشياء خارجة عن مباىء هذا المجتمع الواعى المطلع على العالم ودة ناتج من الفهم الخاطىء للحرية والتعليم والانفتاح وهو ما دامت البنت والولد دخلوا الجامعة يبقى خلاص نعمل اللى عازينه من رحلات وفسح وخروج وحفلات بس يقولوا لازم نعيش حياة الجامعة دى مش حياة الجامعة الكلام دة اسمحوا لى غلط لان لابد ان نراقب انفسنا ونكز فى اللى بنعملة ما نخليش شوية مصطلحات تغير من حياتنا الجميلة الى حياة كلهافوضى وعشوائية خالية من التنظيم

اخواتى البنات واخوانى الشباب راقبوا انفسكم وعاودوا التفكير فى بعض الافكار الغلط اللى دخلت دماغكم ارجوكم

كلام جميل ممكن تتكلمى شويه عن ملاحظاتك ونعرف انت مش راضيه عن ايه

وبعد كده الجامعه مفهاش من الصعيد بس دى فيها تقريبا من مدن مصر كلها

نتمنى لهذه الجامعة ان تصل الى التصنيف العالمى فى الجامعات وان تكون ضمن افضل 10جامعات فى العالم *** طبعا هذا حلم ويا رب يتحقق

طبعا نتمنى ذلك ان تكون جامعه جنوب الوادى الافضل

شكرا شيماء على موضوعك بصراحه اكتر حاجه مش بحبها وهى لبس البنات
فى الجامعه البتلبس بنطلون جينز وتيشترى او بدى او تلبس جيب ضيقه تظهر جسمها
بصراحه هى بتلفت جميع الانظار اليها ولكن الكل يحتقرها . دا راى اينعم جارح

ولكن البنت بتلبس كده ولما حدا يعاكسها تزعل ؟ انت خليتى الناس تتجرا عليكى بلبسك
انتى غلطانه........

شكرا لكى شيمو على الموضوع بجد جميل اوى
الصراحه انا مش بحب لبس البنات داخل الجامعه لان تلاقى البنت متحجبه اى مغطيه من فوق ومعريه من تحت بلبسها للبنطلون البراموده والله حاجات غريبه فى الجامعه بنشوفها ربنا يرحمنا برحمته

شكرا لكى يا شيمو واتنمى لكى التوفيق فى حياتك كلها


وجزاكى الله كل خير على اثارة هذا الموضوع


ساره

شكرا ليكى بجد على كلامك الواعى لكل اللى بيدور فى مجتمعنا من فساد للقيم الى إتربينا عليها كلنا ...
بس ياترى الاهل عارفين باللى بيحصل دا مظنش واتمنى انهم يكونوا كدا وميكونوش عرفين ومبسوطين من بنتهم وهى كدا او ابنهم وهو كدا ... وبرضه مصيبه انهم يكونوا مطنشين ...
شكرا ليكى وتقبلى مرورى ..

شكرا على مرورك وربنا يهدى شباب وبنات المسلمين

الله عليكي يا شيماء و ع الموضوع اللي اثرتيه

تعرفي انا مفيش 10 ايام كنت ف بورسعيد و بورسعيد الكل عارف انها مدينه ساحليه ف احنا كنا فاكرين بقي هيبقي البنات فيها زي ما بنشوف ف التليفزيون

تخيلي اقسم بالله 90 من بناتها الصغيرين قبل الستات الكبار منقبات ....بصراحه انا صعقت لما قعدت ف البلد 14 يوم و فين و فين اشوف واحده ماشيه وشها مكشوف بدون نقاب

قولت امال لما دول كده ...احنا ازاي صعايده و بسم الله ماشاء الله البنات زي ما بيقولوا

بقوا مودرن و كول اخر حاكه ................................................فعلا والله الموضوع بقي مثير للجدل

اللهم اصلح حال بنات و شباب المسلمين يا رب

على فكره الموضوع جميل جدا وبعدين دة موضوع مش عايز كلمة شكر وبس وايضا دة مش موضوع عادى دة موضوع عايز نقاش
اولا بالنسبة للبس بتاع البنات البنات اللى بتلبس بنطلونات وبتمشى بشعرها دى عنده قصور فى التربية وناسها ناس ناقصين لانهم لو ربوها من الاول على القيم عمرها ماحتعمل كدة
وبعدين اى واحد بيسمح لبنته انها تلبس ماصف ويشفويرضالها بكدة ده ديوث وليعاذ بالله
والديوث ملعون كما ذكر الرسول الكريم صلى الله عليه وسلم
والحاجه اللى انا بستغربلها بره الجامعه ان البنات المحجبات فى بيوتهم مثلا واحدة واقفة فىالبلكونه وبشعرها وبنص كم وعادى خاالص ومحجبة يعنى حاجه تنقط
ربنا يهدى

شيماء مش عارفه اشكرك ازاى موضوعك فعلا جه ف وقته فعلا والله انا نفسى باتكسف لما اشوف واحده مش محترمه بلبسها الجماعه بقيت لعرض الازياء مش للتعليم والله مره بقول لواحده الله الطرحه النهارده محترمه وطويله وجميله جدا فيكى قالتلى ليه زعلتينى بصراحه انا اللى زعلت يا جماعه ربنا يصلح حالناوحالهم .

على فكرة الموضوع جميل ولامس حياتنا وانا كمان مستغربة جدا على اللى بيحصل خصوصا بين البنات بحس انى فى صراع فى اللبس والافعال لدرجة انى بحس انى انا انسانة غريبة من عالم تانى

الله عليكم كلامكم جميل وجاى من ناس فاهمين ومدركين اللى بيحصل حواليهم
الله يعز بيكم الاسلام

السلام عليكم
موضوع مهم جدا
البنت جايه الجامعه علشان تعمل عرض ازياء للبس
والعيب فى كدة عالتربية فى الاسرة
والمشكلة البنت بتحب التقليد لوشافت واحدة لابسة حاجة لازم تجيب زيها
حتى لو كانت غلط
ربنا يصلح حال المسلمين

وبعدين يامحمود الواحدة اللى لبسها مش كويس وعايزة تجذب الناس
الناس فعلا بتنجذب لها بس مش حب فيها لا بيبقو طمعانين وبس
وهى تكون فاكرة ان الشباب بيحاول يتقرب منها عشان هى حلوة وشيك وهى فى الحاله دى تفكيرها بيكون غللطططططططططط لانى زى ماقلت مبيكونش اعجاب بيكون طمع

البنت الى بينجذب ليها الولاد دة بيكون انجذاب طمع فيها
مش اعجاب
وبعدين تحصل مصايب ونجيب الغلط عالولاد
رغم ان البنت بتكون السبب
شكرا جدا ياحمد

ربنا يصلح حال الامه الاسلاميه كلها

اااااااااااااامييييييييييييين يااااااااااااارب

بصي يا شيماء انا مش ح اقولك ان لبسي كلة محترم الاحترام التام اللي نفسي اوصله بس بحاول بجد بحاول يعني كل سنة بخلي لبسي محترم عن السنة اللي قبلها وربنا يهديني
..............................ادعولي...............

ربنايهدى الجميع

موضوعك بجد هايل يا شيماء

علي فكرة كمان مشكلة الميك أب عند البنات بقت حاجة فظيعة

تبقي الواحدة في عز ما الشمس نااااااااااار في الجامعة وهي حاطةfull make up

مش معني كدة أني موافقة علي وضعه بالليل00 لا

لا ليل ولا نهار000 ومالها البشرة الطبيعية بدون أي تزييف

ربنا يهديكى ياشعنونة
ااااااااااامييييييييين يا رب

بصراحه رايك جميل وعاقل جدا ياورده ربنا يعزك
انتى بجد انسانه رائعه

مع ان اللبس المحتشم افضل و اكثر جازبية لدي الشباب مش عارف ليه فيه بنات بتصر علي اللبس الخليع
ربنا يهدينا و يهديهم

يعني لو حتي البنت من عائله منفتحه يا ريت البنت تراجع نفسها و تعرف ان اللي بتعملو ده غلط لانها هي اللي حتتحاسب على التبرج مش حد تاني

و على فكره فيه دراسة اثبتت جسم المرأة اكثر عرضه للامراض و السرطانات التي تسببها كثرة التعرض للشمس
ذي الذهب يسبب امراض للرجل في حال ان الرجل يلبس الحلي من الدهب