ساندويتشات كبده بالنمل داخل كليه تجاره

بسم الله الرحمن الرحيم


انا مش عاوزه اطول عليكم بس حد يشوفلى حل ازاى الواحد يكون طالع من بيته واثق فى الجامعه اللى هو رايحها ومعندهوش ادنى شك فى نظافتها انا بتكلم كطالبه مغتربه كل اكلها من مطاعم والجامعه وفجأه اشترى ساندويش كبده والاقى جواه نمل انت هيكون موقفك ايه انا وصلت الموضوع للمسؤلين
على فكره ممكن يكون من غير قصد يعنى مثلا زى ما قال صاحب الكافتيريا ده وارد وايه يعنى نمله اكيد طايره يعنى انا متعمد احطها بس المشكله مش النظافه بس يا جماعه المشكله فى الاسلوب اللى بنتعامل بيه كطلبه جامعه من قله ادب وطوله لسان والمصيبه انهم غلطانين انا مش كاتبه علشان ادوشكم بس والله انا بحزركم من اكل الجامعه بجد لان اكل الشارع انظف منه

اشكرك ياختى ربنا معاكى
انتى ماسمعتيش بحالات التسمم الى كانت فى السنة الى فاتت 11 حالة تقريبا جالهم تسمم من اكل الجامعة
مع احترامى الكامل لاراكم




ThankS

اهلا بيكى اختى موئه فى المنتدى واتمنى ان تزيدى من مشاركاتك احنا كلنا عارفين ان اكل الجامعة مش نظيف وبوجه نصيحتى الى جميع طلبة الجامعة بلاش اكل الجامعة اصلا دلوقتى مفيش ضماير الموضوع دة حصل معايا شخصيا والله العظيم من يومين

شكرا يا جماعه بس والله ناس كتير بتاكل منه يا ريت ننصحها

لا يا موئه اطمنى من حكاية اكل الجامعة دى اسألنى انا دانا شوفت العجب فى الساندوتشات دى ولما بطلتها وبقيت اعتمد ع الشيبسى والحاجات المغلفة فى مرة جبت واحد مولتو لقيتو من جوة مش حلو وزى ما يكون حد اكل منه بصيت على الكيس من بره لقيتو مقروض اللى فهمتو انا وصحباتى فى الاخر انه فار قطم الكيس ودخل يكمل ع المولتو لالالالالا الحكاية دى عايزة وقفة بجد

السلام عليكم .... حلو جدا ان الواحد يطرح موضوع ونتناقش فيه كلنا
____________________________________________________
اول حاجة بالنسبة للنملة : النمل دايما بيروح للسكر .. ازاى وصل للكبده
الموضوع ده عاوز دراسة فعلا ... هل النمل اتجه للكبده بسبب ارتفاع اسعار السكر .... ولا اتجاهات النمل أتغيرت .... كل ده عاوز دراسة
____________________________________________________
تانى حاجة بالنسبة للموضوع بتاع الفار : اللى قطم المولتو بتاع سنديلا انا بتوجه من هذا المنتدى للسادة المسؤلين بتوفير المولتو للسادة الفئران .....
____________________________________________________
وفى النهاية : حقولكم خبر.... بس ده سر ....اللى ماسكين الكافيتريا حيسيبوها أخر الشهر لان الايجار وصل 23 الف فى الشهر وأخدها واحد من أسيوط فى المزاد اللى أتعمل .............أخوكم محمد

ياموئه موضوع الاكل ده والله مش بس فى الجامعه ده حتى بره لانى كل اللحمه والكبده ديه مستورده والله اعلم جايه من فين ولا من ايه ؟؟؟؟ ومعموله ازاى ؟ واللى عامله عنده ايه ؟ البلد خلاص باظط علشان كده كترت الامراض وانتم المفروض تعملوا اكلكم بنفسكم .

no comment

ربنا يستر الناس اللى عندهم ضمير تقريبا بقو نادريييييييييييين جدا
مشكورة يا اختى

بصوا مينفعش مينفعش يا موئة تاكلي لحمة بالتحديد وتاكلي بوجه عام برة البيت لاني اللحمة مستوردة والفول مضروب والطعمية بيزودوها مية وبيحطوا في السلطة بدل البقدونس برسيم ودي حاجة انا شفتها والشعب ياكل ويقولك طعمية فلان جميلة شكلنا حندمن البرسيم

لا تعليق .........................

ايوه يا عم نيمو بصراحه ردك مثير للجدل وعلى فكره النمل مبيصدق
خليه فى جحوره احسن
ويا موئه اكل الجامعه معروف انه مشى حالك
وانتى بنت ادرى مننا ان الواحد مينفعش ياكل بره البيت الا نواشف
لكن مطاعم وفى ظل الوضع الحالى والضمير الحى بتاعنا
صعب اكيد
ولا ايه يا عم محمد سورى نيمو

فعلا مصيبه .. ده نتيجه الاهمال

بجد حرام الى بيحصل ده معقول ؟! وصلت لكده ؟!
(لا حول ولا قوة الا بالله) ربنا يعينك بس حاولى تلاقى حل للموضوع ده اولا لازم توقفى حوار الكل ده وقدمى شكوى للمسؤل واشرحيلو كل حاجه

انا وموئه اصحاب والمشكله دى حصلت واحنا مع بعض وفعلا كتبنا شكوى ووصلناهالنائب رئيس الجامعة بس منعرفش ايه اللى حصل بعد كدة واحنا مسكتناش لان الساكت عن الحق شيطان اخرس

طب انت لقيتي نملة في السندوتش امال لو لقيت برص (رجلة -ديلة-شنبة-كبدتة-كلة)حتعملي اية نرجو الرد سريعا

والله يا زيزى شكلهم سابو الموضوع علشان عارفين ان الطلبه دول غلابه مش بادهم حاجه غير انهم يقولو حصل خير ومفيش مشكله

شكرا علي التحذير يا اختي العزيزة

كتر خيرك ياموئة ان شوفتى المنظر ده وانا دخلت كفتريا تجارة لقيت الراجل لابس حزاء (بوت) ابيض بيعفص على العيش بيه وبيعملو ا السلطة فى الارض فكان منظر مقزز وحتى الهمورجر صحيح مغلف لكن بيمسكوا بادهم وانت نتعرفيش ان كانت اديم نضيفة ولا لا عموما اعملى زى سادوتشك فى شنطتك وكمان المية ومنهم لله

خلاص ياعم محدش يشتر حاجه من ام الكافتريه خالص عشان انا بطني وجعتني الصراحه .
وبعدين ياموئه مين قال انه الطلبه دول غلابه احنا لو الاعضاء بتوع المنتدي بس اتجمعنا ع راي واحد وقولنا لا اكيد هنعمل حاجه