سؤال حساس, ومهم, ويضع يده على الجرح

السلام عليكم ورحمه الله وبركاته

سؤال حساس, ومهم, ويضع يده على الجرح
كثير من الطلاب المتفوقين, بعد تخرجهم من الجامعة يقتدمون للمنح ويحصلون على منحة لدراسة عليا والبعض يدفع من جيبه ليكمل دراسته العليا والبعض يعمل و يكمل دراسته العليا...

السؤال لماذا؟
أتوقع أن أي شخص يحصل على هذه الدرجة العلمية المرتفعه سيكون بعد عودته مدرس \"دكتور\" في أحد الجامعات, هناك البعض يقول , أنا أريد أن أكمل دراستي العليا لأني لا أريد أن أصبح مدرس ! لا أدري ماذا تتوقع أن تصبح بعد عودتك ؟

إذا هل الهدف فقط هو الحصول على مقعد في الجامعة كمدرس, أم أن هناك أسباب أخرى كـ المكانة الإجتماعية, هل هناك سبب ثالث لا نعرفه وراء استكمالنا للدراسات العليا ؟؟؟؟

كثير ممن حول العالم ممن يشهد لهم الجميع بالمعرفه الكبيرة و الخبرة في مجالهم لا يحملون شهادات علمية عاليه, بس بعضهم ليس لديه إلا الثانوية

أكرر السؤال لماذا
هل هناك فائدة, اليوم نستطيع تحصيل العلم باستخدام الانترنت من أي مكان في العالم , العالم أصبح قرية صغيرة, لم يعد السفر و قضاء السنوات في الخارج سبب مقنع للدراسة, أو هل هو مقنع أنا لا أدري!؟ وأنا هنا أطرح الموضوع للنقاش
ليه بنكمل دراستنا العليا؟؟
للأسف اصبح طلاب المدارس والجامعات في مجتمعاتنا يحصلون على شهادات مع أن كفاءتهم قليلة، لذلك اصبح عدد الحاصلين على شهادات جامعية كثيرا جدا، وفرص العمل تقل شيئا فشيئا.
واصبح اكثر الاهتمام الآن على الشهادة الحاصل عليها الشخص، فقد يكون شخص عنده خبرة واسعة في مجال معين إلا انه لا يحظى بفرصة عمل بسبب عدم حصوله على شهادة، او وجود شخص حاصل على شهادة اعلى منه.
فيحصل صاحب الشهادة على العمل بغض النظر عن الخبرة (وهذه هي المصيبة).
لذلك اصبح لزاما على الشخص الذي يريد الحصول على فرص عمل جيدة ان يحصل على شهادة عالية (او واسطة بدون شهادة).
كل تحياتي لكم
نوووووووووووووووووووووووسه

موضع رائع كما اتعودنا منك يا نوسه شكرا لكى

شكرا شكسبير المنتدى على المرور والاهتمام بقسم الدراسات العليا
لكن .............
مجاوبتش على السؤال المطروح

وهو ياترى فى رأيك ايه الهدف وراء استكمال البعض للدراسات العليا
هل هو الحصول على لقب مدرس او دكتور ؟؟؟؟؟؟؟؟
ام للمكانة الاجتماعية؟؟؟؟؟؟؟؟؟؟؟
ام هناك سبب اخر وراء استكمالنا للدراسات العليا ؟؟؟؟؟؟؟؟؟؟
ارجو الرد

فين ياجماعة دكاترة ومعيدين المستقبل
ولا ايه ؟

وهو ياترى فى رأيك ايه الهدف وراء استكمال البعض للدراسات العليا؟؟؟

هناك الكثير يبحثون عن المكانه الاجتماعيه ...

وفى طبعا اثبات للذات

شكرا لكى موضوع رائع

عن نفسى
اكيد لو حستكمل دراساتى العليا
حيكون عشان اثبت ذاتى بس
بس مش عشان عايزة ادور على لقب
محروقه أوى والله من أولاد ال ..... اللى واكلينها بالساهل
دكاترة .. دكاترة .. من أول متولدوا يعنى
وتقبلوا رأيى

هناك الكثير يبحثون عن المكانه الاجتماعيه
طبعا انا مع الادمن وفعلا ده هو الحاصل .... العلم من اجل التفاخر وليس من اجل العلم

بصراحه الناس فى مصر لاتساعد على العلم بل تساعد انك تكون لاشئ

شكرا شكسبير المنتدى
بجد الناس فى مصر وخصوصا اقرب ماليك هى اللى بتساعد على انك تبقى لاشئ
شكرا على المرورررررررررررررر

الموضوع مثير للجدل لان فعلا في ناس دكاترة خبرتها تنحصر بين اغلفة الكتاب فقط حتي يلاحظ ذلك من اسلوبهم في التعامل مع الطلبه والزملاء و في رايي المتواضع ان العامل او المدرس او اي انسان مهما كان موقعه وهو يجيد عمله وناجح به افضل من الوزير الفاشل ( سوري في اللفظ ) وانا عن نفسي بأسعي للدراسات العليا وباكمل دراسة وذالك للتنميه المهنية المستدامه لابد من ان يطور الانسان نفسة

احمد مراد كتب:

وانا عن نفسي بأسعي للدراسات العليا وباكمل دراسة وذالك للتنميه المهنية المستدامه لابد من ان يطور الانسان نفسة

اهلا بيك اخ أحمد
نورت التوبك

ومرسى جدا على المروررررر الجميل

وفعلا لابد ان يطور الانسان نفسه بصفة مستمرة

احيانا المرحلة الجامعية الاولي بتبقي فترة جموح وطاقة ممكن الانسانيستغلها خطأ ويندم بعد ذلك لان التقدير العام مقبول ويقف امام الانسان كحائط مسدود امام اي دراسة اخري لكن القرارات الجامعية احيانا تعطي فرصة ثانية للانسان فيجب عليه ان ينتهزها ويستمر في الدراسة ماامكن

انا مش عاوز ابقى دكتور لاو مدرس
بحضر برة الجامعة عشان بعشق المجال بتاعي فعلا
و ليس لسبب أخر

مضووع جميل يا نوزا

احمد مراد كتب:

احيانا المرحلة الجامعية الاولي بتبقي فترة جموح وطاقة ممكن الانسانيستغلها خطأ ويندم بعد ذلك لان التقدير العام مقبول ويقف امام الانسان كحائط مسدود امام اي دراسة اخري لكن القرارات الجامعية احيانا تعطي فرصة ثانية للانسان فيجب عليه ان ينتهزها ويستمر في الدراسة ماامكن

فعلا
عندك حق فى كلامك
الطالب مننا بيكون داخل اولى كليه فى استهتار

ولما تخلص السنة ويجيب مقبول

ده فى حد ذاته كارثة كبيرة ميحسش بيها الا لما يوصل سنه رابعة

لأن التقدير تراكمى ومترتب عليه باقى سنين الدراسة
وفعلا فكرة التعليم المفتوح
ادتنا فرصة طبعا للدخول لكليات اخرى والدراسة

وايضا
استكمال الدراسات العليا وتحسين المستوى لأن هناك ملايين المتخرجين اللى حاصلين على تقديرات مرتفعة ولا يعملوا
لكن اللى حاصلين على مؤهلات عليا كالماجستير ده ضئيل
فالدراسات العليا بتعطى الفرصة للطالب بعد التخرج للحصول على فرصة وظيفية لأنه له الاولويه بعيد عن الخريج

قائد منتخب الجوالة كتب:

انا مش عاوز ابقى دكتور لاو مدرس
بحضر برة الجامعة عشان بعشق المجال بتاعي فعلا
و ليس لسبب أخر

مضووع جميل يا نوزا

نوزا
ماشى ماشى

عموما مشكور اخى القائد على التفاعل معنا فى قسم الدراسات العليا
وربنا يوفقك فى دراستك قائد المنتدى
نوووووووووووسه

بصى يا نوسة انتى اكيد عارفة ان الحكاية دى محتاجة كوسة وانا شوفتها بنفسى السنادى وفى دفعتى الاتنين الاوائل ع دفعتى يعنى دكاترة المستقبل بنات دكاترة فى الجامعة عندنا مش موضوعنا بس والله فى ناس كتير غيرهم تستاهل المنصب ده وانا عن نفسى بعد ماكان عندى امل انى اشتغل فى مركز اللغة فى الكلية والكوسة موجودة بردو بس مش بقيت حباها خالص لانى شفت حاجات مترضيش حد ابدا واهو انشغل السنة دى فى الدبلومة بتاعتى وربنا يكرم الجميع

السلام عليكم ورحمة الله وبركاته..
صراحةً أول ما حددته من تقدمي للدبلوما.. هو "تحصين" لي للغد ان واصلت مهنتي في التدريس بأذن الله.. لانه كلما كانت درجاتك العلمية اعلي كلما كان لك احقية في الترقيات المالية و المكانية في المدرسة..
لكن الأن اصبح لدي دافع لأن اتابع بعد الدبلوما بأذن الله..
صحيح أني لم أبدأ بعد فيها.. لكن التوفيق من الله.. وادعو الله أن يوفقني ويوفق الجميع لما هو خير..

ربنا يوفقك يا موناليزا باللى فيه الخير دائما ويوفق الجميع ان شاء الله..

دومتى بكل خير..

كويس بس المهم انك اتكونى مقتنعة لانة مشوار صعب وطويل عاوز طولة بال ومش عاوزيم انقول ايخوفى من اخرة المشوار اى؟

فى طبعا اللى بيكمل عشان منصب المدرس او الدكتور وفى اللى بيكمل عشان الوضع الاجتماعى
وجايز فى اسباب تانية للبيكمل
بس انا من رايى
ان التفكير فى الدراسات العليا بعد الكلية مهما كانت الاسباب وراء التكميل
دى حاجة كويسة خالص
بغض النظر عن الدوافع من التكميل

وبجد ده موضوع مهم للغاية

nice topic
تقبلى مرورى