حد فاهم يفهمنى

يا جماعه لوسمحتو عايزه اعرف اللى هايتخرج من كليه الحقوق
اولا يكون عايز يبقى محامى ويفتح مكتب خاص يعمل ايه؟
ثانيا يكون عايز يشتغل فى النيابه الاداريه يعمل ايه؟
ثالثا يكون عاوز يشتغل فى الشئون القانونيه فى شركه خاصه او في الحكومه ؟
رابعا يكون عاوز يكمل دراسات عليا ودى هتكون فى قنا ولا فاسيوط؟
بجد اللى عارف حتى حاجه واحده يقول
عايزه اعرف ايه الاجراءات اللى يعملها الواحد عشان يكون اللى عاوزه

بسم الله الرحمن الراحيم
الاول لو عايزه تشتغلي محاميه وتفتحي مكتب خاص بيكي دي سهله
فالاول هتخلصي الكليه انشاء الله ربنا يكرمك ويكرمنا جميعا
بعد كده هتعملي كارنيه المحكمه الجزئيه ده ف البدايه غالبا بيتعمل ف القاهره ف المحكمه الجزئيه الى هناك ودلوقتي سهلوها شويه وبقي ممكن تعملي الكارنيه ده ف قنا بس الرسوم بتاعت الكارنيه بتبقي زياده100ج
بتعملي دول وبعدين بتشوفي محامي ممارس يعني قديم ومعاه مكتب بتشتغلي معاه سنه او اتنين حسب ماتبقي متمرسه ومتمكنه من المهنه وبعدين بتبدائي انتى شغلك الحر بتاعك لوحدك طبعا اثناء فتره العمل الى ف الاول دي
بتحاولي تكسبي خبره وتربي زبون يعني ع اساس انك بتعملي حساب اليوم الى هتشتغلي فيه لوحدك.
وانشاء الله تقدري بعد كده تفتحي مكتبك الخاص بتاعك وتشتغلي فيه لوحدك.
وبعدين تاني حاجه بتسالي عليها النيابه الاداريه دي هيه والشئون القانونيه ف الشركات الخاصه والعامه دي ع ما اظن يعني انهم حاجه واحده .
باختلاف المسمي الوظيفي.
وبعدين الاوراق المطلوبه لتقديمها مع ملف النيابه الاداريه....
1- شهادة الليسانس ( الشهادة الموقته )
2- شهادة ببيان التقديرات على مدار السنوات الاربع ( بالنسبه لكليات الحقوق) او الخمس بالنسبه للشريعه
3- صحيفة الحاله الجنائيه للمتقدم فقط
4- صورهالبطاقه الشخصيه للمتقدم ولوالد المتقدم
5- بيان حالة لوظيفة الوالد وبيان بالمرتب (مفردات المرتب يعني)
6- صور لعقود الاملاك (ولو مفيش املاك يكون احسن)
7- عدد 6 صور
8- بيان الموقف من التجنيد للذكور وشهادة اداء الخدمه العامه للاناث
9- شهادة ميلاد للمتقدم
وثمن الملف للتقديم ف النيابه الاداريه 50ج

عايزه بقي تكملي دراسات عليا دي بقي عليكي وع مكتب الدرسات العليا لكليه الحقوق ف الجامعه عندنا وهمه هيقولوك ع كل الشروط المطلوبه للتقديم حسب الى عايزاه يعني(دبلومه او الماجيستير)
ولو المكتب ده موجود ف جامعه جنوب الوادي يبقي الدرسات بتعتك هتكون ف قنا...
وبالتوفيق انشاء الله ليكي ولينا كلنا
وع فكره مش تاخدي ع كلامي ده كله انه صح يعني عشان مبقاش ظلمتك ده الى اعرفه بس

شكرا على الرد وبجد معلومات مهمه

اي خدمه احنا تحت امر اي حد محتاج اي حاجه...

اهم حاجة يكون المحامى اللى هتدربى عنده يكون قديم

شكررا ليك يا حودة ع المعلومات الجميلة دى يا بوب

العفو ياحاتم....
ودي اقل حاجه الواحد يقدر يقدمه لزمايله ف كليه الحقوق
اجدع نااااااس

بجد معلومات هامه جدا يا محمود وتسلم عليها

بصراحة موضوع جميل جدااا وكلنا استفدنا منه
ومكنتش متوقعة محمود ده مثقف كده

الحمد لله قولتي اخيرا كلمه كويسه ف حقي
شكررررااا

لا بجد واضح ان حضرتك عندك معلومات كتير
وبجد انا نفسي ابقي كده حقيقي انت هايل

ربنا يخليكي يارب
وتبقي اللى انتى عايزه

انت يا احمد شوقى ولد جميل و بتعرف تقراء الاراء بسرعة وتسلم يا احمد صديق المفدل احمد البوب

هههههههههههههههههه
دي حلقه من مسلسل انت شوفته وبتحكيه ولا ايه بالظبط عشان مش فاهم...........

معلومات قيمه فعلا

اه الثقافة دى يا عم محمود ما شاء الله ريت على طول كده من ده

ان شاء الله ع طول كده ومن ده وكل حاجه
شكرا ليك

ياراجل قول كلام غير دة
اصلة كبير عليك

متقولنا انت
الى ع مقاسك

جامد يا مان

اشطة يا مان سلامى لاحمد ابو عبد الله وباقى الشلة واحب اقول ان الموضوع دة جامد طحن واحب اقول برضو ان المنتدى دة فى احسن ناس واكتر ناس محترمة جدا اوى


موضوعك جامد يا بوب
اخوكم ليدوس

احلي تحيه من اخوكم ليدوس ف الفرح