ذنبنا ايه علشان يلغوا الكورسات هما كده اللى بيخلونا نروح للمكتبات اللى بره

يا جماعه ذنبنا ايه علشان يلغوا كورسات الجامعه
طيب ما هما كده بيخلونا نروح للدروس الخصوصيه
والمراجع اللى بره
مهما ذاكرنا فى الكتب او المحاضرات لازم برضه حد يراجه معانا اول باول
طيب على الاقل يخلوا المعيدين تنزل الكورسات دى وتحل فيها الاسئله بطريقه مرتبه بدل ما نشترى الحاجات دى من بره

فعلا ولله معاكي حق بس خلاص اخدنا علي كدة

ذنبنا اننا دخلنا الكليه دي مالها آداب

على فكرة المشكلة مش اننا دخلنا الكلية دى
المشكلة فينا احنا
علشان ايام الكورسات ما كانت شغالة كان الطلبة بتعتمد على الكورسات ومش بتشترى الكتب
علشان كده الدكاترة زعلوا ومنعوا الكورسات
يعنى السبب فينا احنا

طيب ما هيا هيا ما احنا برضه راح ناخد كورسات بره الجامعه وبالعكس
المعدين كانوا ديما بيطلبوا الكتاب لما كنا بناخد كورسات علشان يعرفوا يشرحوا منه
اللى عايز يشترى الكتاب بيشترى الكتاب
المشكله فى حاجه وحده ان اغلبنا طبعا وانا منكم بناخد تمن الكتب من اهلينا ونصرفها فمنشتريش كتب
او اننا نصرف نصها ونصور الكتاب تصوير علشان نوفر صح ولا مش صح
اوعى حد ينكر
فلو كان الحل انهم يسجلوا اسماء الطلبه اللى بتشرى الكتب مقابل انهم يرجعوا الكورسات ياريت او يعملوا حكايه الشيت دى والطالب اللى مش معاه الكتاب اكيد مش راح يقدم الشيت دا
يا جماعه ريحونا بقى على الاقل فى التيرم التانى

صح بناخد تمن الكتب ونصرفها برة وكمان علي البليستيشن والنت وكافية شقاوة انتي ميه ميه بس ياريت نصرف نصها بس ونصور بالنص التاني دا بنصرفها كلها وبنقول في البيت إن نزلوا كتب جديدة وطالبينها ضروري وغالية كمان يعني الكتاب بتمن كتابين ياريت تاجي علي كدة وبس وفي الاخر منشتراش الكتب وندور علي المحاضرات من اي واحد كمان ..............وانا معاكوا ....

السلام عليكم
اولا تمن الكتاب في جامعة القاهرة 7جــ او 8جــ الكتاب في جامعة جنوب الوادي 23جـــ .
ثانيا مش من حق الدكتور انه ينزل طالب علشان الكتب .
ثالثا محتوي الكتب كلام كله عقد عندك مثلا كتب د/جمال مكتوبة باسلوب عقيم و معتمدة علي مراجع اثرية .
بالنسبالي انا مش بشتري الكتب الا اذا كنت حستفيد منها فعلا .
علشان كده هما لازم يحدثوا الكتب بتعتهم يعني يبقي ليها قيمة طبعا مش كلهم لاني في دكاترة اسلوبها و كتبها منتهي القوة .
تقبلي مروي ............ جزاكم الله كل خير

اهلا بيك يا محمد
بس مش للدرجه دى الكتب مش ليها قيمه
الكتب كويسه جدا بس مشكلتنا احنا اننا الكتب لها فايده بالنسبه لينا لاننا عايزينها تفيدنا يوم الامتحان وخلاص ودا عموما اللى بيحصل فى كل الكتب من اول اولى ابتدائى يعنى فينا اللى كان بيجيب النهائيات فى مواد من ايام ابتدائى بس لو جبت له الامتحانات مش يقدر يجيب نفس المجموع لان اهم حاجه لينا دلوقتى اننا نذاكر يوم الامتحان او وخلاص
حتى بعد الامتحان اى حد طالع بيكون نسى هو حل ازاى ودا عيب التعليم فى مصر عموما لانه بيعتمد على الحفظ مش الحاجات العملى اللى هيكون الواحد عملها بايديه
دا الواحد مننا فاكر الرسم بالاستمبات والحاجات دى اللى كنا بناخدها فى الرسم ومش فاكر الدراسات والعربى
سيبنا بقى من موضوع مفيد او مش مفيد
اهم نقطه هيا تحديث الكتاب او على الاقل مش يملوه بحاجات وبعدين يحذفوها يعنى يجيبوا الكتاب وهو بعد الحذف علشان نفرح على الاقل لما نلاقى الكتاب صغير
وحكايه مراجع اثريه يا ابنى من فات قديمه تاه وياريتنا نبقى زى بتوع زمان كان الواحد يبقى بارع فى الرياضيات والعلوم والكيمياء وانا الواحد مش قادر يعدى من كليه
بس فينا حاجه وحده زى العلماء الكبار دول اننا لما بنتزنق فى الامتحانات بنخترع قوانين ونكمل عليها ونبنى رسومات ومراجع بجد احنا شاطرين قوى رغم ان القوانين ممكن ميكنش ليها دعوه بالامتحان اصلا
اوعى حد يقولى انه معملش كده يالا كل واحد يقول كام مره معملش كده مش عمل
هههههههههههههههههههههههههههههههههه

شكرا يا شوقمهوءه علي فكرة انا مش عارف ليه انت اخترتي الاسم ده.....عموما اظن انك بتتكلمي عن وجهة نظرك الشخصية.مش في فيما ينبغي ان يكون بمعني اني فكرة الكتاب علشان الامتحانات و بس المفروض الفكرة دي نكون استبعدنها عن ذهننا لاني المفروض الكتب دي احنا نستفيد بها فعلا في الحياة و شخصيا هدفي اني استفاد من الكتاب فعلا مش علشان الامتحان و موضوع الامتحانات والتقديرات دي بالنسبالي رزق من عند ربنا و علي فكرة الدكتور اللي مش بقتنع بيه
بشيل المادة بتاعتة في اغلب الاحيان و الحمد لله بتعدي علي خير
بالنسبة للمراجع الاثرية ممكن نستخدمها في الاساس يعني سنة اولي لكن مش في المالية العامة او الاقتصادي الاداري لانها مواد معاصرة و هدف الكيلة انها تجهز الطالب لسوق العمل يا ستي علي الاقل كانوا عملنا مادة في دارسة البورصة ..............
جزاكي الله كل خير و اتمني لكي التوفيق و للجميع انشاء الله ..

مرسى جدا يا محمد على ردك
بس انا حاسه برضه اننا بعدنا عن موضوعنا الاساسى ازاى نرجع الكورسات
ياترى لو كل طلبه تجاره راحت للدكتور جمال ابراهيم وطلبت منه دا ياترى هيوافق
ولا احنا ايه مش دى كليتنا برضه وهو العميد بتاعنا يعنى المفروض مسئولين منه
ولا ايه يا جماعه

انا واثق ان لو حد رحنالة مش هيوافق ..... لان قالها في محاضرة السنه اللي فاتت الترم التاني ان الكورسات بتخلي نسبة مبيعات الكتب منخفضة والطلبة بتسيب الكتب وتجيب الكورسات .... علشان كدة اول ما مسك عميد الكلية الغى الكورسات .......بس ممكن نجرب يارب تتسهل معانا ويرضي علينا ...... وتقبلوا مروري....شكرا

عندك حق

تم أرشفة الموضوع لقدمه