للأهمية توضيح صورة غامضة (تكملة لموضوع امين اتحاد حقوق )

طبعا انا كنت كاتب موضوع عن حوار امين اتحاد حقوق (وليد) مع السيد جمال مبارك
وطبعا الموضوع اتقفل علشان الردود الخارجة الى كتبوها السادة الزملاء
المهم..............
ان كل الناس الى شافت الفيديو استنكرت الى قاله الزميل وليد (انا لا أؤمن بالواسطة)طبعا كلنا فهمنا ان وليد عاوز يقول ان مصر خالية من الواسطة ... صح؟ الى فهمناه كان غلط

(التصحيح يقى )
ان وليد كان عاوز يقول ان العملية هى عبارة عن نصيب لأنة قد يكون لديك الواسطة ولاكن تشاء الاقدار ان تصبح الواسطة عديمة الجدوى (ودا عن تجربة شخصية مع وليد )

وان فيه ناس مش معاها واسطة لكن بالاصرار تنال مرادها مادام يظن فى الله خيرا

حديث قدسى(انا عند ظن عبدى بى)
وبالمناسبة وليد كمان مؤمن ان الواسطة بتلب دور مهم جدا فى بلدنا وتكاد تكون الدور الاساس
ولكن كلمة(انا لا اؤمن بالواسطة) يقصد بيها انه لا يلجأ اليها لأنه يفضل الاجتهاد الشخصى الذى قد يؤتى بثماره التى تكون افضل من الواسطة

انا على العموم حبيت اوصل وجهة نظر وليد علشان منظلمش حد .....

ياريت الردود تكون فى حدود الحوار

على فكره انت شخصيتك جامده علشان عرفت غلطتك وصححت وهو ده الى كان مطلوب منك يا اخ عمر وده مش عيب
وانا كنت عارف وجهه نظر وليد لما قعد معاه وكلمته واقتنعت بكلامه

ده صحيح بس الموضوع ده مش كفاية.... موضوع ان احنا نصحح ما فهمناه من كلام امين طلاب كلية الحقوق ( وليد) ...ردود كتير اتقالت فى حق هذا الرجل الذى يمثل طلاب كلية الحقوق يعنى بيمثلنا احنا.. اى فعل يصدر منه كانه يصدر نيابة عنا واى اساءة فى حقه كانها اساءة لطلبة كلية الحقوق لانه بيمثلنا واحنا منتخبينه فياريت ينزل موضوع فيه اعتذار من كل عضو فهم غلط وكتب رد حاد فى حق هذا الرجل........................................تقبلوا مرورى

خلاص يا شباب و الف شكر يا ترتوز يا كبير علي تصحيحك للموضوع ده
أكيد كل الي فهم حاجة غلط في وليد بعد الموضوع ده هيعرف كل حاجة

على فكره يا عمر , كلامك اللى انت قلته بعد تصحيح وجهة نظرك هو اللى انا كنت بقصده فى كلامى فى الموضوع القديم اللى اتقفل .

مش عيب اننا نخطأ , لكن العيب اننا نصر على الخطأ , وانت بموضوعك ده يا عمر وبعد اعترافك بخطا وجهة نظرك فى فهم كلام وليد , نلت الاحترام والتقدير مش على كلامك وانما على حسن تصرفك فى الموقف بعد ما ادركت حقيقه الامر .

تحياتى لك وتقبل مرورى

اخوك / حسين صبرى

شباب
بصراحه انا كنت حاسس بوجهه نظر وليد من لماشوفت الفيديو
بس مقدرتش اتكلم
لانى لو اتكلمت هتعارض ناس كتير فى الموضوع
و الحمد لله انى بانت وجهه النظر الصحيحه اللى انات كنت اقصدها فيه
مشكووووووووووووووووووور يا عمر
ومشكووووووووووووووور يا شباب على روح الاخوه بينكم
بجد انتو شباب زى الفل

الاعتراف بالحق فضيلة شكرااااا عمر

محمد جاد الاقصر كتب:

ده صحيح بس الموضوع ده مش كفاية.... موضوع ان احنا نصحح ما فهمناه من كلام امين طلاب كلية الحقوق ( وليد) ...ردود كتير اتقالت فى حق هذا الرجل الذى يمثل طلاب كلية الحقوق يعنى بيمثلنا احنا.. اى فعل يصدر منه كانه يصدر نيابة عنا واى اساءة فى حقه كانها اساءة لطلبة كلية الحقوق لانه بيمثلنا واحنا منتخبينه فياريت ينزل موضوع فيه اعتذار من كل عضو فهم غلط وكتب رد حاد فى حق هذا الرجل........................................تقبلوا مرورى

شكرا على المرور يا محمود بس الاعتذار دا لما يكون حد غلط فى التانى او لما نكون احنا قولناه كلام ما قالهوش لاكن احنا كل اللى عملناه جبنا الفيديو بتاعه صح؟
يعنى ما نقلناش كلام غلط عنه لاكن المشكلة ان احنا ما كناش فاهمين وجهة نظره لأنه ماقالهاش ليا غير قريب من يومين تقريبا واول ما عرفت وفهمته على طول وصلت الصورة الصحيحة واعتقد ان دا كفايه
وهو نفسه كان عارف ان محدش فهمه اوكى

شكرا ياعمر على الموضوع بجد نلت احترام الجميع على فكره انا كان رااى كده ومع ذلك اتهاجمت جامد من قبل اعز اصدقائى ودا الشئ المؤسف لذلك انا قررت انى مدخلش المنتدى دا تانى علشان مخسرش حد .كان المفروض اللى عايز ينتقدنى يبعت رساله يطرح فيها وجهه نظر بدل الاسلوب الجارح اللى اتهاجمت بيه من اناس كانو بالنسبالى اخوه وشكرا على الوقت الممتع اللى قضيتوا هنا معاكم ياشباب

الحمد لله
انى الناس هديت واللى غلطان عرف غلطه
والحمد لله
المهم
انكم اصحاب
واختلاف الرأى لا يفسد للود قضيه
مشكوووووووووووور لكل الشباب
على روحكم الطيبه وروح الاخوه بينكم

اذيكم يشباب انا وليد امين الاتحاد في البداية انا باشكركم كلكم على انكم فهمتم الصورةالصحيحة لوجهة نظرى وبشكر زميلنا عمر اللى قدر يوصل وجهة نظرى ليكم جميعا وانا سعيد جدا باني امثل اتحاد كلية الحقوق بس انا طبعا مش هقدر اعمل حاجة لوحدى وبثمنى انكم تساعدونى ولو غلطت ياريت تقولولى الصح فين واند هتقبل وجهة نظركم بكل سعادة واحترام وارجو ان تسامحونى ان قصرت فى شى فى حقوكم جميعا اخوكم وليد بكرى

شكرا يا جماعة انا مجرد وضحت النظرية مش اكتر المهم احنا مش عاوزين يكون حد فى نفسه حاجة وكلنا ننسى اللى راح ونزاكر شوبة
عاوزين نزاكر واللى يعرف طريقة نلحق بيها نفسنا يا ريت يبعتها بسرعة
مستنى ايه بسرعة

شكرا لتوضيح وجههة نظريتك يا عمر
وشكرا لاسلوب وليد الجميل ده
واكيد لو فى حاجة غلط هنقولهالك عشان تصلحها
وربنا يوفقك انشاء الله
اما بالنسبة لعبد النبى طبعاا ا
بقوله انه ميزعلش لان دى كانت مداعبات لاختبار الثبات الانفعالى عندك
بس وطلعت انت عصبى جداااا
ههههههههههههههه
بقولة ميزعلش ولا اى حد تانى يزعل ده كان هزار
وشكرا ليكم يا جماعة كلكم وربنا يوفقك يا وليد

اقتباس :

بس يا عمر الواسطة في البلد محت المجهود وخلت اللي معاه واسطة ينام ويستريح وما يتعبش لانه عارف انه هايوصل للي هو عايزه بالواسطة واللي مش معاه واسطة ينام وما يبزلش مجهود لانه عارف مهما عمل مش هايوصل للي هو عايزه ولانه عارف ان اللي ماتعبش هايوصل وهو حتي لو تعب من غير واسطة مش هايوصل .
معلش يا مان هي دي وجهة بس يا عمر الواسطة في البلد محت المجهود وخلت اللي معاه واسطة ينام ويستريح وما يتعبش لانه عارف انه هايوصل للي هو عايزه بالواسطة واللي مش معاه واسطة ينام وما يبزلش مجهود لانه عارف مهما عمل مش هايوصل للي هو عايزه ولانه عارف ان اللي ماتعبش هايوصل وهو حتي لو تعب من غير واسطة مش هايوصل .
معلش يا مان هي دي وجهة نظري والبلد هاتفضل في النازل ومش هاتقدم الا لما نقضي علي هذه الظاهرة نهائيا ونخلي كل واحد عايز يوصل لحاجة يكون من مجهوده لان الوساطة بتولد في قلوب الناس الحقد والكراهية بسبب احساس الواحد ان غيره اخد مكانه حاجة ما يستحقهاش .

هريدى بيقولك لسه الدنيا بخير

يا هشام حاول تبص على النص المليان من الكباية اوكى
وحاول تحب الناس اكتر هتحس ان كل الناس بتحبك وبتتمنالك الخير دا لوعاوز تحس براحة
وبلاش النظرة التشاؤمية تمــــــــــــــــــــــــــــام؟
ونصيحة اوعى الشطان يوزك وتبص على اللى فى ايد غيرك

انتو كبرتو الموضوع اوى كده ليه
انا كنت مشرف على فى لقاء السيد جمال مبارك وكنت مع وليد
وهو عارف مين كان المشرف بتاعه
الموضوع مش مستاهل وبسيط جدا
ومش هادخل فى تفاصيل لانكم عرفتو من وليد نفسه الموضوع

عندي سؤال ليك يا نائب
انت حضرت معانا في قاعة جمال مبارك ولا قعدت مع المشرفين ع القهوة

هههههههههههههههههه

sandy38 كتب:

عندي سؤال ليك يا نائب
انت حضرت معانا في قاعة جمال مبارك ولا قعدت مع المشرفين ع القهوة

ساندى هو النائب ما حضرش اللقاء بس اكيد حد حكاله اللى حصل

ههههههههههههه

اسمحولى أقول ان مصر في تطور مستمر وجدي بدون وساطة أو بيها في الغالب مش بتفرق .
أظن انكم كلكم عارفين ان المنتدى ده مدخلتش فيه واسطة بإي شكل وبص شكله بقى إيه - وده على حد علمي - .
وفي الناحية التانية حاجات كتير شكلها يبهر ولكن مضمونها أفسدته الوساطة والمحسوبية وإنعدام الشفافية .
الزميل وليد أمين اتحاد الكلية
اشتراكك في المنتدى عشان ترد عن الموضوع يثبت إيمانك بما قلت وإن خانك التعبير ولكن انت بتمثلنا - طلبة كلية الحقوق - وكلنا كنا ننتظرك بصورة أكثر واقعية , ان كانت تجاربك تثبت عدم وجود وساطة فهى ليست بقاعدة عامة من شاهد اللقاء من خارج المنتدى لم يشاهد توضيح لرأيك أو عرف ما تقصد لذلك في الغالب دعاك بالمتملق نحن ننظر إلى مستقبلنا دائما ليكون لنا لا علينا .
والمفروض ياوليد تكون وضحت فكرتك على المجموعة الخاصة بالبرنامج - شارك - بالفيس بوك .
اما احنا فملزمون بالدفاع عن فكرك وقولك في إي مكان داخل الجامعة كان أو خارجها.
وتقبل

احمد صقر كتب:

اسمحولى أقول ان مصر في تطور مستمر وجدي بدون وساطة أو بيها في الغالب مش بتفرق .
أظن انكم كلكم عارفين ان المنتدى ده مدخلتش فيه واسطة بإي شكل وبص شكله بقى إيه - وده على حد علمي - .
وفي الناحية التانية حاجات كتير شكلها يبهر ولكن مضمونها أفسدته الوساطة والمحسوبية وإنعدام الشفافية .
الزميل وليد أمين اتحاد الكلية
اشتراكك في المنتدى عشان ترد عن الموضوع يثبت إيمانك بما قلت وإن خانك التعبير ولكن انت بتمثلنا - طلبة كلية الحقوق - وكلنا كنا ننتظرك بصورة أكثر واقعية , ان كانت تجاربك تثبت عدم وجود وساطة فهى ليست بقاعدة عامة من شاهد اللقاء من خارج المنتدى لم يشاهد توضيح لرأيك أو عرف ما تقصد لذلك في الغالب دعاك بالمتملق نحن ننظر إلى مستقبلنا دائما ليكون لنا لا علينا .
والمفروض ياوليد تكون وضحت فكرتك على المجموعة الخاصة بالبرنامج - شارك - بالفيس بوك .
اما احنا فملزمون بالدفاع عن فكرك وقولك في إي مكان داخل الجامعة كان أو خارجها.
وتقبل

يا أ/احمد صقر يا ريت توضح كلامك وتحاول تبسط اسلوبك شوية لأن محدش بيفهم اى حاجة من ردودك بصفة عامة