فين المستقبل؟!

بات تعلم اللغات الأجنبية حاجة ملحة ومطلبا أساسيا في الحياة المعاصرة التي تشهد ثورة معلوماتية كبرى نتيجة التقدم في تقنية الاتصالات، التي ساهمت في إذابة الحواجز بين الشعوب، والثقافات، وجعلت من العالم قرية كونية صغيرة يحاور بعضها الآخر، ويستفيد كل منها من الآخر. فتعلم اللغة الأجنبية - أياً كانت - يساعد على الفهم، والاستيعاب، أو «الود» الثقافي بين الأمم، كما يساهم مساهمة فاعلة في نقل العلوم والمعارف والتجارب، والثقافات وترجمتها.
ولما كانت اللغة الإنجليزية هي من أكثر اللغات شيوعا، غدا من الضروري تعلمها وتعليمها لتيسير التواصل بين الأفراد، والمجتمعات من الثقافات المختلفة لكونها وسيطا عالميا للتعبير والتفاهم. كما أن توفر الكتب والمؤلفات، والمراجع على اختلاف مجالاتها وتخصصاتها باللغة الإنجليزية أدى إلى زيادة الوعي بها، وزيادة التشجيع على تعلمها وتعليمها، من أجل نقل تلك المؤلفات وترجمتها .. إلا أن ذلك لا يعني تفضيل تعلم وتعليم اللغات الأجنبية على تعلم وتعليم اللغة الأم - اللغة العربية في هذه الحالة، بل لا بد أن تعطى الأفضلية للغة الأم، لأنها دلالة على الانتماء الثقافي والوطني.
ويمكننا القول ان اللغة الانجليزية كانت الوسيط الوحيد بيننا وبين الغرب, اما الان ان اردت ان تحصل علي تواصل حقيقي فعليك تعلم العديد من اللغات الغربية او علي الاقل تكون لديك لغتين, وتكون علي دراية بلغة اخري او ربما اثنين.
(((((اقتراح)))))
لماذا لا يدرس لدينا لغات اخري داخل كلية الاداب خلاف اللغة الانجليزية والفرنسية, مثل الالمانية والايطالية والروسية الخ..............
(((((تجربة شخصية)))))
لقد درست (عذرا) ولا اقولكم انا هتكلم بالعامية علشان اعرف اعبر احسن
انا درست ف سنة اولي وتانية "الماني" كان مقرر علينا كلغة اجنبية تانية _في ناس اخدت فرنسي وفي ناس اخدت الماني_ والله الموضوع مكنش صعب للدرجة كان ايزي يعني وجبت تقدير فيه احسن من مواد التخصص بتاعتي.
كان معايا واحد صاحبي جابلي شغلانة ف الغردقة وقالي انت بتعرف انجليزي كويس ..قلتلة "انجليزي كويس" انت اكيد بتهزر دا انا من الاخر يا عم. حاجة اوعي وشك يعني. قالي طيب تمام
وروحت وانا فارد عضلاتي المهم .... دا كان الموقف.
الراجل "صاحب شغل كاميرا بيتش في الغردقه"
س سوال؟ انت معاك اية ياحبيبي؟
انا معاي انجليزي
كويس ولا نص نص؟
تمام يعني .
طيب احنا هنتكلم 3 دقايق انجليزي؟
اوكي.
الراجل قعد يتكلم معايا وكل اللي جمعته من كلامة يجي عشر كلمات.
قالي طب كلمني انت شوية, اتكلمت حوالي دقيقتين ورا بعض وبعدين وقفت.
وقالي يا بني اقل سرفيس شغال ف اي فندق او ف الغردقة عموما بيتكلم لغة او اتنين. هو انتوا امال بتدرسوا اية ف الكلية .. قلت ف بالي لو قلتلة ان احنا بندرس دراما ورواية ومستر شكسبير وحياتة ومسرحياتة هيضحك عليا .
قلتلة انجليزي والله ......... قاللي يابني اي حاجة ف الدنيا لازم تمارسها علشان تغلط وتتعلم . هو انتو مش ملكمش حصة بتتكلموا فيها انجليزي بس_قلتلة محاضرة_ حصة ولا محاضرة يعني هي دي اللي وقفت معاك, قلتلة علي رايك.
يا عيني علي اللي حب ومطلش..........

ميرسي ليكم علي مروركم واحب اعرف رايكم؟
ich lebe dich
ich lebe dich
ich lebe dich

الموضوع بجد جميل بس انا كنت عاوز روسى علشان بيقولوا اللغة الروسية جميلة ....

thanks angel of mercy
بس لما الواحد لة اربع سنين بيدرس قشور.......امتي هنتعلم بجد بقي؟؟؟؟؟؟؟؟؟؟؟؟!!!!!!!!!

شكرا يا اسماعيل بس هو دا الحال ف التعليم عندنا للاسف

بالنسبة لmr magic
ممكن تاخد ف اي مركز لغات يا معلم في مركز عند الكورنيش ممكن تسال هناك
ميرسي ع الرد

كلامك صح ب مش عارف لية حاسس في نبرة تشائم ولا اية؟
يا انجل مش لازم حد ع الاقل ف السن بتاعنا دة يبقي عندة حتي ذرة تشائم لاني احنا اللي هنحارب وهنرجع كل حاجة او علي الاقل نحاول.

تحارب ايه بس ياعم بيسو اوعى تكون بتتكلم بجد نحارب قال ونرجع كل حاجه طيب يا سيدى فين الشباب اللى يعمل كدا دا
بص لحال الشباب النهارده وفكر تانى فى الجمله دى بس فكر صح المره دى
وشكرا على الموضوع تقبل مرورى

موضوع هاايل يا بيسو
تسلم ايدك

ميرسي يا حودة ربنا يكرمك .

يا جدعان السياحه بس هى اللى متطلبه لغات لكن الشغل الحكومى والشركات الخاصه معظمها طالبه انجليزى


وبالنسبه ليك يا مستر ماجيك


الروسى لغه تقييييييييييييييييييييييييييييييله فحت

نايس توبيك بيسو

ياجماعة ازاى هنتعلم شعر ودراما وادب واحنا لسه متاسسناش صح المفروض
نتعلم اساسيات اللغه وقواعدها وبعدين ندرس شعر ودراما
انا كنت فاكرة ان انا هتخرج من قسم انجليزى perfect فى اللغة وممكن اتكلم مع اى حد بطلاقة بس انا لسة فى اولى وحاسة انى مستفدتش اى حاجة خالص وبصراحة ندمت انى دخلت القسم ده لانى نفسى اتعلم لغة
يعنى حرام يكون واحد فى رابعة اداب انجلش وميعرفش يقول كلمتين على بعض
انا نفسى اعرف العيب فين فينا ولا فى الدكاتره

متزعليش روحك
هتوصلى رابعة وهتتخرجى ويمكن اهو يمكن تشتغلى مدرسة انجليزى كمان وبردة مش هتعرفى اللغة؟؟

شكرا قوى يا بيسوا بس الموضوع ده على كل الكليات
ندرس ومنشتغلش يبه شكرا والغات مهمة للكل

يا جماعه المستقبل بايد ربنا

موضوع هايل يا بيسو بجد متميز
انا عندى استفسار صغير!!!!!!!
انا ياشباب فى كليه الاداب قسم الاثار المصريه طبعا حتقلولى ازاى ده القسم ده اقفل اقلكوم انى انا تبع الجماعه الى مدبلرين لو فى حد من اثار حيفهم الكلام الى حقوله ده انا نفسى اعرف ايه الفايده الى انا حستفدها لما اعرب جمله مكتوبه بلغه الهيروغليفيه او الهيراطيقى او القبطى احنا عندنا حاجه اسمها commentدى حاجه كده لازم تكتب فيها بعد ما ترجم طبعا فين الفعل والفاعل والمفعول وماشابه كانك بتعرب جمله عربى هوه ممكن يكون قيمته الوحيده انو يقرف الطلبه فى عشيتهم لاكن انا كا طالب حطلع انشاء الله مرشد اثار ولا مفتش اثار ايه لزمتو معايه بعد كده حد يفهمنى ياريت!!!!!!

اللغه لازم تتفهم فى كل حاجه

متنساش ان انت بتدرس لغه

واللغه دى اهم حاجه فى الكليه بتاعتنا

وربنا معاك ومعانا

ربنا يوفقنا كلنا ان شاء الله

بشكر جميع الاعضاء المتافعلين وخاصة المجروحين like me كدة بس هنعمل اية؟
واحد يقوله اعرب لي الكلمه دي بالهيروغليفي علشان لما تقابل جدك ف الاخرة تعرف تتفاهم معاه ههههههههههههههههههههههه.
انا اسف يا هيثم بس مش عارف اقوللك اية ؟ ربنا يصبرك ويطلعك منها بالسلامة
اما بقي بالنسبه لعمنا حبيب الكل منشستراوي
مقلناش حاجة المستقبل بايد ربنا " ونعمه بالله "
لكن لازم عليك تعلمني صح علشان اعملك مستقبل كويس للبلد ولنفسي اولا ولا انت رايك اية ؟
يعني بالله عليك لا معمل لغة ولا اي ابن لذين ولا بنسمع انجلش ولا حتي محاضرة واحدة ف الاسبوع نتكلم فيها حتي يا راااااااااااااجل.
ياريت يا منشستراوي متجيبش سرتي ف الكليه . اتفقنا هههههههههههههههههههههههههههههههههههههههههههههههه
اما بقي بالنسبه لسندريلا ف انتي لسة ف البداي وهتعرفي ان شاء الله الكلام فين بالظبط عندنا ولا عند ال...............
وبشكر توتي دايما رافعه من روحي المعنوية.



شكرا لحبيبي فارس فكرك عالي ودماغك حلوة وتقريبا اللهم لا حسد فاهم كل حاجة الله اكبر عليا

ههههههههههههه احنا فى الهوا سوا

انت فاكر تجارة انجلش وعاملين شغل وبنتنك على خلق الله

هنخلص ونتركن بردة ونقضيها كورسات

كلنا فى الهوا سوا

نايس موضوع بيسو دايما كدة بتجيب التمام يا كبير

يا حج ربنا يوفقنا

وانت ادام عاوز تفيد بلدك

هتعرف بس

خد كورسات

افتح عياده واشتغل مهندس

عادى

وربنا يوفقك ويوفقنا