ابليس على باب السفاره

دى قصيده من الاخر سمعتها ويارب تعجبكم ( على بابا سفارة كندا-لعلى سلامة )

على باب سفاره كندا
لمحت أبليس وف أيده
أستماره
بقوله على فين
قالى بص
يا هجره يا أعاره
يا عم كفرت زهقت
ألاقيش معاك سيجاره
أنا أنتهيت خلاص
لا نافع وسواس ولاخناس
ولا ليا عيش وسطالناس
دى عالم مجرمين
عندكوا فائض ف الفساد
فى كل البلاد
ومش محتاجين شياطين
مليش عيش ف البلد دى
بقالى سنين عاطل
وأنتوا بتعرفوا تقلبوا الحق باطل
وتسلكوا القاتل
وتمشوا ف جنازه المقتول
ومفيش مشاكل
يا عم ده أنا بقيت أوسوس
بالمقلوب
وأقول للحرامى كفايه بقىتـــوب
أنت هتعمل كل الذنوب
لوحدك
وأنا أبليس أشتغل واعظ ولا كمسارى ف أتوبيس
يا عم دا أنا زمان كنت أستنى حد ينسى يسمى
وهو بيأكل لقمته
دلوقتى كل أكلكم ملوث
وبصراحه الواحد خايف على صحته
ده مفيش ضمير أساسا
علشان أموته
كل واحد بمزاجه خربانه ذمته
يا عم دا كل حاجه أتسرقت
وكده الأجيال الجديده من الحراميه
... أتظلمت
يا راجل دا من كتر ما لطشت معايا
خرجت ف مظـــاهره مع الناس اللى بتقول كفايه
!!وبرضـــه مفيش فايــــده .

ياترى البلد دى ممكن يتغير حاله ولا اتكتب علينا الفساد والظلم والغش انتوا شايفين ايه

هي شكلها البلد حتفضل علطول كده الا لو حد صحي ضميره وصلح منها شوية

ايه رايك فى الشاعر دا جامد صح هو دا دور الشباب وياريت نشتغل بضمير وشكرا على ردك

اللهم اهدى حكام المسلمين الى مافيه الصواب والخير للشعوب


اللهم امين

ينقل لقسم الشعر

قول يا رب

والله انا شايف ان البلد مش هيتعدل حالها الا بثوره او حرب
وربنا يجعل كلمنا خفيف عليهم
شكرا عل الموضوع

ربنا يسترها

ربنا يبعدهم عنا

الحل ان الناس ترجع لفطرتها ودينها وتنفذ المهمة اللى ربنا خلقها عشانها وهى اعمار الكون مش هدمه وده محتاج صحوة ضمير كبيرة عند الحكومة والناس ادعو بقى ان ده يحصل

الحكومه لازم تتغير الاول وبعدين الشعب هيتغير تلقائى

قصدك الريس مش الحكومة والبلد دي حتفضل كده ع طووووول مدام مبارك وعيالوا ف الحكم

تعبير عن ما تشعر به فى بلدك
تعبير جميل بأسلوب شعرى خاطرى محنك
رائع انت

قال تعالي " ان الله لا يغير ما بقوم حتي يغيروا ما بأنفسهم "
يعني لازم احنا نتغير الاول علشان ربنا يساعدنا ونحاول نغير حال البلد دي
تقبلو مروري

after departure كتب:

قال تعالي " ان الله لا يغير ما بقوم حتي يغيروا ما بأنفسهم "
يعني لازم احنا نتغير الاول علشان ربنا يساعدنا ونحاول نغير حال البلد دي

بس فيه حاجة طول ما الوالد فاسد اغلبيه اولاده حيكونوا زيه اكيد فاهمه قصدي

طبعا فاهمك
بس الوالد دا المفروض انه يغير اللي بيعمله او يتغير خالص وهي دي المشكلة
تقبل مروري

ميرسى ياجماعه بس انا احب اقولكم انه للاسف عندنا هنا الوعى السياسى مش موجود هنا غير القاهره والمحافظات التانيه انا شفت شباب زى الورد فى حركات سياسيه وحزبيه فين احنا هنا من دا

ربنا معاكوا

ميرسى ع الردود

لا مرسى على واجب

هههههههه طيب متشكرين

لا شكر على واجب بردو


any service

اسعدنا مرورك