صور من الحياه

شايفه ناس بتصون الحب وناس بتاجر في الإحساس
شايفه ناس من غير ذنب شايلة قساوة قلب الناس
***
شايفه ناس عايشة عالفرح وناس غرقانة في بحر هموم
شايفه ناس بتنام للصبح وناس ما بتعرف طعم النوم
***
شايفه ناس بتنام عالأرض ناس مرتاحة وخالية البال
وناس بتنام بالطول والعرض شايلة هموم الدنيا جبال
***
شايفه ناس لها شكل الناس إنما قلب ومعنى ما فيش
ناس معدومة الإحساس دائما تاخذ مابتديش
***
بيني وبينك ..
أنا مش شايفه ناس بصحيح
عايز الجد ورأي صريح
أنا مش شايفه غير أتنين
واحد.. عاش .. الكذب في دمه
وواحد .. مات .. من صدقه وهمه

ينقل لقسم الشعر

شايفه ناس بتنام عالأرض ناس مرتاحة وخالية البال
وناس بتنام بالطول والعرض شايلة هموم الدنيا جبال

تقبلى مرورى
الكومى