واحشنى صوتك

انا بصراحه ما كنتش افتكر ان المنتدى هايوحشنى قوى كدا لما اغيب عنه شويه بس والله بجد المنتدى وكل اعضاء المنتدى اللى اعرفهم واللى ما اعرفهمش وحشونى جدا وعشان كدا انا باهدى الكلام دا لكل اعضاء المنتدى الجميل دا

واحشنى صوتك
واحشنى صوتك ولمسه ايديك
نفسى اضمك وابص فى عنيك
لو تعرف قلبى ازاى مشتاقلك
لو تعرف حنينى اليك
....
ده اليوم بيعدى كانه سنه
وبقلبى معاك وبروحى انا
لو كنت بعيد عن عينى حبيبى
او حتى قريب منى هنا
......
ايامى معاك زى الاحلام
وف بعدك عنى الليل ما بانام
بافضل اسمع كل كلامك
ارجع حبيبى كفايه حرام
......
واحشنى صوتك ولمسه ايديك
نفسى اضمك وابص ف عنيك
نفسى الحنان يفضل ما بينا
تفضل شارينى وانا افضل شاريك
.....
باحلم بيوم يجمعنا لقا
وانسى معاك انا اى شقا
حن عليا حرام يا حبيبى
وارجع يالا تعالى بقى
.....
ننسى ليالى البعد كده
ونكيد بقى كل العزال
ولا نسمعش لدا ولا دا
خلى اللى هايتقال يتقال

بقلم /محمد الرفاعى
الفرقه الرابعه اداب انجليزى