قسوة الفراق وانواعه ...........

أولا
: الفراق بين اتنين بعد اكتشافهم انهم كانوا متوهمين
وده بيكون حب مراهقة او حب مؤقت وبيزول بسرعة
وهتلاقي كتير اللي حب بنت خالته واللي حبت ابن خالها و و و

ثانيا:
الفراق السريع نتيجة عدم التوافق
وده بيحصل نتيجة عدم الاتفاق في كثير من وجهات النظر وبيكون سريع يعني فترة الحب لا تتعدى الشهرين او الثلاثة ويكون النسيان فيها سريعا

ثالثا:
الفراق الناتج عن الحب من طرف واحد
ودي بتحصل كتير ورغم صعوبته بالنسبة اللطرف اللي وقع في الحب لكن سريعا ما يضيع اثر الحب مع ظهور الحب الحقيقي لأن الطرف اللي بيحب لم يجد ما يروي حبه من الطرف الاخر

رابعا:
الفراق نتيجة خيانة احد الطرفين بعد قصة حب
وده بيكون صعب جدا جدا للطرف اللي اكتشف ان الطرف التاني بيضحك عليه او بيخونه او كان بيستغل الحب للمصالح الشخصية
مثلا واحد ارتبط ببنت علشان والدها راجل ذو منصب عالي وبعد ما اخذ مصلحته سابها وقطع الحب بسهولة
وفي الحالة دي يكون الطرف الخائن يلقي كلمات الحب بلا حساب للطرف المظلوم الذي يصدقه ثم تأتي الطعنة الغادرة النافذة للقلب بلا رحمة
ويصعب على الطرف المظلوم ان يصدق ان هذا يحدث من اقرب الناس الى قلبه

خامسا:
الفراق نتيجة وقوف الظروف بقسوة
النوع ده اصعب من النوع السابق لأن في هذه الحالة يكون الطرفين متعلقين ببعضهم لدرجة رهيبة ويحاولوا بكل الطرق التمسك ببعضهم ولكن يحيل الزمن دون ذلك لأسباب كثيرة
وللأسف تاتي لحظة الفراق الحتمية ويودع الطرفين بعضهم في مشهد قاسي جدا جدا وتكاد قلوبهم تتقطع وفي اخر يوم من ايام اللقاء ينظر كل طرف للاخر عالما ان هذه هي النظرات الأخيرة ولن يراه بعد ذلك ومهما كانت صلابة البنت او الولد فالدموع تغلبهم
وفي الحالة دي لا ينسوا بعضهم لفترة طويلة جدا من الزمان عكس الحالات الأولى
ويظلوا فترات طويلة في حزن واكتئاب داخلي حتى اذا اظهروا عكس كدة أدام الناس
النوع ده صعب أوي أوي أوي والله

سادسا:
وهو النوع الأصعب على الاطلاق وفاة احد الطرفين
نتيجة وفاة احد الطرفين هو بمثابة صاعقة تزلزل كيان الطرف الاخر حيث يشعر بحزن رهيب رهيب لا يحتمل ابدا وهو لا يتصور ان من كان يحبه وينسى الدنيا بجواره ويحلم بيه طوال الليل يختفي مرة واحدة من حياته دون حتى لحظة وداع
الفرق بين الحالة الخامسة والسادسة ان في الحالة الخامسة يكون الطرفين عندهم امل ولو ضئيل جدا حدا انهم يشوفوا بعض ولو مرة واحدة تانية حتى لو بعد عشرين سنة
لكن في الحالة السادسة لا امل لا امل
وتظل الصورة حية في قلب الطرف الباقي في الحياة
النوع ده مش صعب وبس ده مدمر للقلب

كل
دى انواع فراق وعشان كده لازم نفكر الف مرة فى الحب حتى لا نصطدم بالفراق

بس انا شايف ان الحب يستاهل المجازفه حتي لو عارفين انى اخرتها فراق ومفيش حلوه من غير نار
وزي ما اتقال
الحياه في وجود الحب هي جحيم يطاق

والحياه في عدم وجوده هي نعيم لا يطاق

ولا مش كدا يا محمود انت مش شايف انوا يستاهل !!!!!!!!!!!!!!!!!!!!!!!!!!!!!!!!!!!!!!!!!!

بجد الحب يستاهل المجازفة

لكن الى بيزعل الانسان الفترة الى بعد الفراق بتكون اصعب فترة

نايس

اكيد يا محمود هى فتره صعبه بس مفيش حاجه صعبه مع الزمن ولا مش كدا
نورتوا التوبيك

شئ رائع جدا انك كتبت هذا الموضوع لان الفراق شئ صعب جدا جدا عارف اصعب شئ لما حبيبك يمموت انا حبيبتى توفت قعدت سنه ونص مطلعتش من البيت ولالااسف انا لسه محبيتش تانى ولا ححب معلش تقبل مرورى

شكرا يا محمد بس احب اقولك حاجه عمر الحياه مبتوقف على حد مهما حبيناه احنا عمرنا مهننساه بس حياتنا مش هتوقف عليه ولا مش كدا يا حمو

خامسا:
الفراق نتيجة وقوف الظروف بقسوة
النوع ده اصعب من النوع السابق لأن في هذه الحالة يكون الطرفين متعلقين ببعضهم لدرجة رهيبة ويحاولوا بكل الطرق التمسك ببعضهم ولكن يحيل الزمن دون ذلك لأسباب كثيرة
وللأسف تاتي لحظة الفراق الحتمية ويودع الطرفين بعضهم في مشهد قاسي جدا جدا وتكاد قلوبهم تتقطع وفي اخر يوم من ايام اللقاء ينظر كل طرف للاخر عالما ان هذه هي النظرات الأخيرة ولن يراه بعد ذلك ومهما كانت صلابة البنت او الولد فالدموع تغلبهم
وفي الحالة دي لا ينسوا بعضهم لفترة طويلة جدا من الزمان عكس الحالات الأولى
ويظلوا فترات طويلة في حزن واكتئاب داخلي حتى اذا اظهروا عكس كدة أدام الناس
النوع ده صعب أوي أوي أوي والله

ده اصعب نوع

هو يا محمود اى نوع من الانواع دى بيتعرضلوا الواحد فينا بيحس انوا اصعب احساس واحساس الفراق صعب في كل الحلات وربنا يصبرنا

جميل خالص

شكرا ليك يا فارس ونورت التوبيك

» ايهما الاكثر قسوة برايك
» هل يتأثر سلوك الطفل من قسوة والديه مستقبلا
» الفراق
» الفراق
» بعد الفراق