عبد الرحمن الابنودى

1-علي ليسانس الآداب قسم اللغة العربية – جامعة القاهرة
صدر له ما يقرب من خمسة عشر ديواناً شعرياً
2-أهم مؤلفاته التي لاقت أهتماماً واسعاً لدي الكثير خمسة كتب عن الملحمة العربية سيرة بني هلال عن دار أخبار اليوم والتي قضى 30 عاما من عمره يلملم أشتات ملحمتها في الصعيد المصري وفي تونس والمغرب وعدة بلدان عربية أخرى إيمانا منه بان الهلالية مرآة حقيقية لعمق القيم الخفية في ضمير الشعب العربي.
3- له دراسة عن سيرة بنى هلال ترجمها المفكر التونسي ( الطاهر قيقة) إلي اللغة الفرنسية عن الهيئة العامة للكتاب
4- أقام أمسيات شعرية كثيرة جداً في جميع أنحاء مصر والعالم العربي0
5- عضو لجنة الشعر بالمجلس الأعلى للثقافة والفنون0
6- تغني بمعظم أشعاره المطربين المصرين والعرب0
7- وألف 15 أغنية لعبد الحليم حافظ اغلبها وطنية مثل " يا بركان الغضب و" عدى النهار" و"احلف بسماها وبترابها" إبنك يقولك يا بطل إضافة إلى ثلاث أغاني عاطفية أبرزها "الهوى هوايا" و"التوبة".

إنه أشهر شعراء العامية في العالم العربي







كتب أيضا لفايزة أحمد " يما القمر على الباب" و"تحت الشجر يا وهيبة" عدوية ، وغيرهما لمحمد رشدي0
نجاة الصغيرة : عيون القلب .
شادية : آه يا اسمراني اللون .
صباح : ساعات ساعات .
وردة الجزائرية : طبعًا أحباب .
ماجدة الرومي : جايي من بيروت ، بهواكي يا مصر
محمد منير : شوكولاتة ، كل الحاجات بتفكرني ، من حبك مش بريء ، برة الشبابيك ، الليلة ديا، يونس و عزيزة.





من أشهر دواوينه الشعرية :
المشروع والممنوع0
الموت على الأسفلت 0
جوابات حراجي القط 0
الأرض والعيال 0
الكتابة 0
صمت الجرس 0
الزحمة .





كتب أغاني العديد من المسلسلات ، منها : ( النديم ) ، وكتب حوار و أغاني فيلم (شيء من الخوف ) ، وحوار فيلم ( الطوق والإسورة ) وكتب أغاني فيلم ( البريء )0





كتب أغاني العديد من المسلسلات ، منها : ( النديم ) ، وكتب حوار و أغاني فيلم (شيء من الخوف ) ، وحوار فيلم ( الطوق والإسورة ) وكتب أغاني فيلم ( البريء )0
و من أشهر كتبه كتاب (أيامي الحلوة) و الذي كان نشر في ملحق أيامنا الحلوة بجريدة الأهرام في حلقات منفصلة و تم جمعهم في هذا الكتاب بأجزائه الثلاث ، و فيه يحكي قصصاً و أحداثاً مختلفة من حياته في صعيد مصر ، و في الكتاب تظهر علاقته بالشاعر المصري أمل دنقل صديق طفولته وقد قام بدوره في مسلسل (العندليب حكاية شعب) الفنان محمود البزاوى وقد أدى الدور بإتقان يحسد عليه ترى محمود البزاوى وكأنك تراه0





كرمه مهرجان الحمامات الدولي بتونس في دورته 43 بصفته احد ابرز الشعراء العرب الذي ألف قصائد بالعامية للوطن والأمة وللنكسة والنضال والحب أيضا واختار منظمو مهرجان الحمامات ابرز مهرجان ثقافي في البلاد أن يكون تكريماً بسيطا بساطة الشاعر الذي اصطحب معه فرقة شعبية مصرية ليقدموا معا عرضا بعنوان التغريبة الهلالية0
وبعد إلحاح طويل من الجمهور الذي تدفق على مسرح الحمامات قرأ مقاطع من قصيدته الشهيرة "يامنة" عن امنة عمته.
وقال " والله وشبت يا عبد الرحمن.. عجزت يا واد.. متى وكيف.. عاد اللي يعجز في بلاده غير اللي يعجز ضيف".
وأضاف يقول "على قد ما سرقاك الغربة والله وليك قلب.. موش زى أولاد الكلب".
ولم تفارق خفة روح الصعيدي المصري الذي كان تارة يحدث الجمهور وتارة يضحك مع عناصر الفرقة الشعبية.0
وقدم عازفي الربابة في الفرقة قائلا بأنهم "يحملون تراث الصعيد المصري وتراث الأمة العربية بأكمله".





وحول تسميته "شاعر الناس" التي أطلقها عليه النقاد
قال :"جميلة أرجو أنني استحقها فنحن لأجل الناس نستمتع بالحياة وهم شيليني في العيون"
الرئيس التونسي زين العابدين بن علي قلد ه الصنف الأول من وسام الاستحقاق الثقافي 0
عاصر جيل الحداثة في مصر وشهد تحولات سياسية واجتماعية مختلفة0





يامنه
والله وشبت يا عبد الرُّحمان ..
عجّزت يا واد .؟
مُسْرَعْ؟
ميتى وكيف؟
عاد اللي يعجّز في بلاده
غير اللي يعجز ضيف.!!
هلكوك النسوان؟
شفتك مرة في التلفزيون
ومرة .. وروني صورتك في الجورنان
قلت : كبر عبد الرحمان.!!
أمال انا على كده مت بقى لي ميت حول.!!
والله خايفة يا وليدي القعدة لتطول.
مات الشيخ محمود
وماتت فاطنة ابْ قنديل
واتباع كرم ابْ غبّان
وانا لسة حية..
وباين حاحيا كمان وكمان.
عشت كتير.
عشت لحد ماشفتك عجّزت يا عبد الرحمان.
وقالو لي قال خَلَّفت
وانت عجوز خلَّفت يا اخوي؟؟
وبنات..!!؟
أمال كنت بتعمل إيه
طيلة العمر اللي فات؟
دلوقت ما فقت؟
وجايبهم دِلْوكْ تعمل بيهم إيه؟
على كلٍّ..
أهي ريحة من ريحتك ع الأرض
يونسُّوا بعض.
ماشي يا عبد الرحمان.
أهو عشنا وطلنا منك بصة وشمة.
دلوك بس ما فكرت ف يامنة وقلت: يا عمة؟؟
حبيبي انت يا عبد الرحمان
والله حبيبي .. وتتحب.
على قد ماسارقاك الغربة
لكن ليك قلب.
مش زي ولاد الكلب
اللي نسيونا زمان

حلوة مرتك وعويْلاتك
والاّ شبهنا..؟
سميتهم إيه؟
قالولي : آية ونور.
ماعارفشي تجيب لك حتة واد؟
والاّ أقولك :
يعني اللي جبناهم..
نفعونا في الدنيا بإيه؟
غيرشي الانسان مغرور.!!

ولسه يامنة حاتعيش وحاتلبس
لمّا جايب لي قطيفة وكستور؟
كنت اديتهمني فلوس
اشتري للركبه دهان.
آ..با..ي ما مجلّع قوي يا عبد الرحمان.

طب ده انا ليّا ستّ سنين
مزروعة في ظهر الباب
لم طلّوا علينا أحبة ولا أغراب.
خليهم..
ينفعوا
أعملهم أكفان.!!

كرمش وشي
فاكر يامنة وفاكر الوش؟
إوعى تصدقها الدنيا..
غش ف غش.!!
إذا جاك الموت يا وليدي
موت على طول.
اللي اتخطفوا فضلوا أحباب
صاحيين في القلب
كإن ماحدش غاب.
واللي ماتوا حتة حتة
ونشفوا وهم حيين..
حتى سلامو عليكم مش بتعدي
من بره الأعتاب

أول مايجيك الموت .. افتح.
أو ماينادي عليك .. إجلح.
إنت الكسبان.
إوعى تحسبها حساب.!!
بلا واد .. بلا بت..
ده زمن يوم مايصدق .. كداب.!!
سيبها لهم بالحال والمال وانفد
إوعى تبص وراك.

الورث تراب
وحيطان الأيام طين
وعيالك بيك مش بيك عايشين..!!

يو.....ه يا رمان..
مشوار طولان
واللي يطوِّله يوم عن يومه يا حبيبي .. حمار
الدوا عاوزاه لوجيعة الركبة
مش لطوالة العمر.
إوعى تصدق ألوانها صفر وحمر.

مش كنت جميلة يا واد؟
مش كنت وكنت
وجَدَعَة تخاف مني الرجال ..؟
لكن فين شفتوني ..؟
كنتوا عيال.!!

بناتي رضية ونجية ماتوا وراحوا
وأنا اللي قعدت.
طيِّب يا زمان..!!
إ
إوعى تعيش يوم واحد بعد عيالك
إوعى يا عبد الرحمان.

في الدنيا أوجاع وهموم أشكال والوان.
الناس مابتعرفهاش.
أوعرهم لو حتعيش
بعد عيالك ما تموت.

ساعتها بس ..
حاتعرف إيه هوّه الموت.!!

أول مايجي لك .. نط

لسه بتحكي لهم بحرى حكاية
فاطنة وحراجي القط..؟

آ.. باي ماكنت شقي وعفريت
من دون كل الولدات.
كنت مخالف..
برّاوي..
وكنت مخبي في عينيك السحراوي
تمللي حاجات.

زي الحداية ..
تخوي ع الحاجة .. وتطير .
من صغرك بضوافر واعرة .. ومناقير.
بس ماكنتش كداب.
وآديني استنيت في الدنيا
لما شعرك شاب..!!

قِدِم البيت.
اتهدت قبله بيوت وبيوت.
وأصيل هوه..
مستنيني لما أموت..!!

حاتيجي العيد الجاي؟
واذا جيت
حاتجيني لجاي؟
وحتشرب مع يامنة الشاي .؟؟

حاجي ياعمة وجيت..
لالقيت يامنة ولا البيت ..!!

ومن روائع الشاعر الكبير
الذكريات
فــــات ..
أيوه فـــــــــــات ....
على الفراق .. سنــــــــــــــوات ..
لا اتغيرت قلوبنــــــــــــا ....
ولا اللى بينـــا .. مــــــــــات ..
مشيـــت إنت فى طـــــــــريق ..
وانا مشـــيت فى طــــــــــريق ..
اتارينـــــا يا حبيـــبى ..
شايلــــين نفـــس الحـــاجات ..
اتارينــــا تهنــــــــا ..
عن كــل حــــاجة ..
إلا الذكريــــــــات ..
إلا الذكريــــــــات .....





من المواقف الطريفة التي تعرض لها شاعرنا :
يروي أنه أتيحت له قبل منتصف الستينيان فرصة يقدم فيها كل يوم قصيدة من ديوانه بعد التحية والسلام من خلال البرنامج العام بالإذاعة المصرية , وحقق هذا البرنامج الرسائل والذي كان يحمل اسمه الديوان جماهيرية واسعة وساهم بشكل مباشر في عقد صلة قوية وحميمة بين الجماهير المصرية وكلماته 0
وقد طلبت منه إحدى دور النشر جمع هذه الرسائل في ديوان , فجمعه وسلمه لها وقامت بطبعه عدة مرات 0
والطريف ولم تكلف دور النشر هذه نفسها عناء وأن تعطيه حتي نسخة واحدة من هذا الديوان علي سبيل الهدية أو علي سبيل الأجر 0
والأطرف من ذلك , بل والأغرب من ذلك أن دور النشر هذه تعاملت مع الديوان كأنه لشاعر راحل أو مجهول المؤلف!
مما جعله يقوم بإعادة طبعه ليثبت :
أولاً- أحقيته في ملكيته 0
ثانياً – لأن الإنسان لا يجب أن يتبرأ ولا يخجل مما صدر عنه في أية مرحلة من المراحل

ثالثاً- لأن الكثيرين حنو إلي هذه الرسائل ويسألوه عنها في الكثير من أمسياته الشعرية التي كان يقيمها في الأماكن البعيدة
يقول شاعرنا يبدو الشعر في هذا الديوان تداعياً مرسلاً علي سجيته , لا إحكام , ولا بناء , ولا اهتمام بموسيقي , فقد كنت أعتمد فيه علي الأداء كعنصر أساسي من عناصر الكتابة , إذ كان شعراً ( للقول) ولمخاطبة الأذن العامة في علاقة تجاوب سريعة 0
وهي تجربة قد يراها البعض مفيدة و يراها البعض بعيدة الإفادة خاصة بعد أن تغير الزمن , وإنهارت الأحلام واكتشفنا أن الحياة ليست بسيطة إلي هذا الحد000
ولد عام 1938 بقرية أبنود محافظة قنا جنوب صعيد مصر0

الشاعر الكبير عبد الرحمن الأبنودي 0





وديوانه بعد التحية والسلام 0000000

والآن مع أول ما بدء به ديوانه بعد التحية والسلام:
بعنوان : رسالة من أول شعرة شايبة في رأس عبد التواب إلي عبد التواب:
يا عبد التوا ب000 شعرك شاب 000 شعرك شاب يا عبد التوا ب0
وأديك يا حلو 000 معدتش قدام نفسك أو قدام الخلق شباب 0
أنا أول شعرة شبت ف راسك
أديني بتكلم 0
الشباب بيرحل منك 000 والشيب واقف يتسلم
العمر الأخضر طاب يا عبد التواب 0
طول عمرك بتأجل 000 بتأجل000 بتأجل000
أجلت الصدق لبكره 000 وأديك شبت وأنت كداب0
أجلت التعليم وادي شعرك شاب 000 وانت ما رحت كتاب 000 ولا بتفك الخط 000 ولا تفر كتاب 0
شعرك شاب يا عبد التوا ب0
اللي شعره شاب 000 يبقي جسمه شاب 000 يبقي قلبه شاب 000
أبكي وقول ارجع يا شباب
أبكى000 يا عبد التواب 0
أجلت العمر لبكره واديك واقف علي الباب 0
أجلت الإخلاص 000 التضحية 000 الـــــــود
واديك نصاب0
أجلت الحب لبكره وأديك شبت 000 ولا فيش حواليك أصحاب0
ياللي عاوز تقرأ كتاب عن راجل 000 أجل عمره 000 لحد العمر ما غاب 0
اقرأ 000 عبد التواب
عبد التواب اللي خيب عمره بالتأجيل لحد ما خاب
ده العمر سنين ودقايق وعمل وحساب000
فيه شيء سبته للشمس والمطرة 00 سنة واتنين 000 إلا ما داب ؟
جاوب يا عبد التواب 0
الشعرة البيضا الواقفة علي راسك 000 فضحاك 000 بتقوق زى غراب 000 وسط الأحباب والأغراب 0
اتبعتر عمرك من إيدك 000 زى حبوب العقد المقطوع 0
أيشي ضاع منك في الطين 00 و أيشي غاب في التراب0
وجاي دلوقتي تجري ورا عمرك 000 اجري 000 ما عادشي إلا سراب0
سامعني يا عبد التواب 000؟
الشعرة البيضا الأولانية بتتكلم000 من علي راس عبد التواب
اللي ف عينه حلم 000 يقوم دلوقتي يحققه 000 إلا بكره ده كداب0
وكمان كداب اللي يقول بكره000
إنه ف بكره شعر الإنسان بيشيب زى ما شاب 000 شعر الراجل ده اللي با كلمكم من علي راسه 000 عبد التواب

إمضاء
الشعرة الشايبة الأولانية
ف راس عبد التواب


والآن مع رد عبد التواب علي رسالة الشعرة البيضا :
فضحتينى 000 في وسط الناس فضحتينى000
كسفتيني 000 خزيتيني 000 وطلعتيني من توبي0
يا شعرة بيضا000
يا نهاية شبابي وابتدا شيبي 0
دبحتيني وقتلتيني000 ووديتيني 000 جبتيني
ومن كدبي ومن زيفي نزعتيني0
وعريان الجسد والراس في وسط الناس 000رميتيني0
أنا الكداب 000 أنا النصاب 0
أنا الواقف هناك لسه أمام الباب0
وكان حلمي ذي حلم الناس 0000
ما مديتيشي الخطاوي في سكته الصعبة 000 عشان يبقي0
ما فضلتيش أسير وأشقي 000 عشان الحلم يتحقق000 عشان يبقي وأنا أبقي 000 فضلت العمر ع الطُرقة000
أزين بالخداع للنفس عجزي – وف عيون الناس 000
وكان بدي أكون 000 وبقيت0
لكن غير اللي انا اتمنيت!!
ومرت تحت مني سنين تسخر مني وتعدي
سحاب طايع 000 لا بيمطر 000ولا يندي0
لحد ما مات في أرض القلب 0
سبلي 000 وحنتي 000 ووردي0
وطفى الكدب حلمي ونار شبابي الحي0
واديني عشت ميت حي0
بدال ما اشد عمري 000 شدني000وطواني 000 تحته طي0
كدب وزور 000 يا عب تواب
قلبته 000 وعشت في نهايته من المبدا0
كان العمر 000 كان عندك قضا مُـده0
وكانت الناس بتتغير قصادك كل يوم 000وتكون000 تقول بكره0
وفات في عماك يا عب تواب ميتين بكره000
ما حبيتش اللي كان لازم احبه 000 ولا كرهت اللي لا بد اكره
فضحتينى يا شعرة يا بيضا 000 بتنادي ككرباج ف ايد جلادي
كبرت وشخت0
ومات الحلم في صوابعي الضعاف الليف
واديني بابص ع الجاي الهو المخيف
يا أهل الريف والبندر
يا أهل التل والوادي
بانادي اسمعوا ندايا
خدوها مني انا000 أرحم ما تزعقها لكو شعراية
إذا كان فيه هدف ليكم
ما تتتاوبوش في ايامكم ولا تناموش لياليكم0
لإن بكره ده مش جي
لإن البكره هو اليوم وامباح0
وإذا امبارح وقع منكم 000 ما هوش طارح000 علي شجرة النهاردة
000 غد

الموضوع الرئسيى بالصور فى منتدى محافظة قنا
www.awld.co.cc/vb