قول رأيك بصراحه ؟

ايه رأيكم فى موضوع الكورسات (اللغه _والكمبيوتر _ ومهارات اداريه _واعداد المحاسبين )
وما مدى الاستفاده منها؟
ولو حد اخد الدورات دى كلها كام دوره هيستفاد منها؟
وهتديله ايه فى شغله ؟

انا هقول رأيى بصراحه فى الموضوع ده وقد منكم من يختلف عن رايى
لو هاخد الكورس علشان انا استفاد بيه شخصيا بعيدا عن انها احد والوسائل المسخدمه فى التعين
(يعنى انا اللى عايزه ده مش مجبره عليه علشان اتعين بيه مثلا )فاكيد هكون قد حصلت على اكبر استفاده ممكنه
لكن لو العكس يبقى بضيع (وقت _وفلوس _ومجهود ......الخ)
انا رأيي ان التقدير اهم حاجه لو عايز تشتغل فى الوظائف الحكوميه
اما الاعمال الحره تبحث عن الدورات المفيده لمجال هذا العمل الحر


zizi Z*A

نايس توبيك يا زيزي والله انا بالنسبالي احب الكورس اللي اخده استفاد منه سواء في الشغل بعدين او شخصيا مش فكرة تجميع شهادات وخلاص لان في تاس بتاخد كورسات لمجرد انها يبقي معاها شهاده مش اكتر

بالنسبه للغه انا حتكلم عن نفسي في تجاره انجليزي وممكن ناس تتختلف معايا اللي بياخد كورس لغه وهو بيدرس انجليزي ده تضييع وقت مش اكتر انا شايف كورسات اللغه للناس اللي دراستها بالعربي تكون احسن وممكن لو حد انجليزي وعاوز يقوي اللغه بتاعته مافيش مشاكل بس مش اولويه

بالنسبه للكومبيوتر انا شايف ان دورة ال icdl مفيده جدا رغم انها مش ميزه وكل الناس خدتها انما اللي عاوز يستفاد بجد ياخد الدوره مش واحد صاحبه يجيبله الامتحانات ويمتحن علي طول رغم انها حتاخد وقت بس مفيده عامة

وبعدين الكورس اللي تقدر تشتغل بيه بره هو الحاجه اللي الناس مش بتاخدها كتير يعني مثلا محاسبة بنوك..............طيب ماكل الجمهوريه اللي في تجاره اخدت محاسبة بنوك ايه الجديد يعني؟انما في كورسات تانيه بيبقي ليها ميزه وفي نفس الوقت تقدر تشتغل بيها في مكان نضيف علي سبيل المثال ال oracle finance بس هيا الي حد ما مكلفه شويه يعني ال track الواحد ممكن يكون ب 5000 من اصل 4 tracks ده طبعا بجانب التقدير لان فعلا زي مازيزي قالت التقدير عليه عامل كبير مهما كان

اما دورة اعداد المحاسبين حلوه فعلا انا ليا زمايلي اخدوها وقالوا عليها كويسه بس انا لسه مااخدتهاش

ان شاء الله بالتوفيــــــــــــــــــــق للجميــــــــــــــــــــــــــــــــــع

الكورسات دى طبعا مفيده جدا لو كانت بسسب رغبة وليس اجبارى عشان وظيفه معينه وكمان لازم تتاخد فى المكان المناسب مش فى اى مكان او عند اى احد

موضوع جميل لكن احب اعلق علي نقطة هي اني معظم الناس بتحضر الكورسات علشان الشهادة لكن للاسف دول بتضحكوا علي نفسهم مش حد تاني الصراحة انا لما باخد كورس باحب استفيد منه اكثر استفاده ممكنة يبقي كده معايا شهادة و كمان تدريب كويس
..................................... اتمني للجميع التوفيق

انا رايي بقي سوري بجد يا جماعه انا اشتغلت وشايف انو ولا اي حاجه من اللي بندرسها بنستفيد بيها كليا في مجال الشغل وبالنسبالي ما هي الا تفتيح دماغ انما موضوع الكورسات والكلام ده انا الحقيقه شايف ان في ناس كتير مش بتقدر تاخد الكورسات دي يعني مثلا مش كلو هيقدر ياخد كورسات في icdl ومش كلو هياخد في الكومبيوتر والحجات دي وطبعا كلنا عارفين ان معظم المراكز اللي بتدي الكورسات دي تقريبا معظمها بيكون تهريج حتي الشهادات اللي بيدوها بتكون مش معترف بيها ليه الجامعه متهتمش بالموضوع ده يعني مثلا ليه بدال منقعد ندور فين نقدر ناخد الكورسات دي ليه ميكنش فيه توجيه من الجامعه فاللي ممكن نعملو ؟

عندك حق الكورسات بتنفع كتيير فى الشغل لانها غالبا ما بتكون مطلوبة Thanx