هل توافق على خلع المنقبات للنقاب

احتجاج منقبات جامعة جنوب الوادي لمنعهم من الامتحان أجبرت إدارة فرع جامعة جنوب الوادى فرع أسوان الطالبات المنقبات على خلع النقاب أثناء أداء امتحانات نصف العام فى كليلت الآداب والخدمة الاجتماعية والعلوم والتربية والهندسة والتكنولوجيا والمعهد العالى للطاقة.

وتجمهر العديد من الطالبات المنقبات أمام لجان الامتحانات رافضات خلع النقاب وحملن قرار المحكمة الإدارية العليا مطالبات بعقد لجان امتحانات خاصة لهن فى حالة إصرار إدارة الجامعة.

فى حين أكد أعضاء اللجان والمراقبين، أن هذه القرارات ليس لهم يد فيها وإنما هى قرارات رئيس الجامعة وأنهم غير مسئولين عنها.

كما تعالت العديد من أصوات الطلاب بمؤازرة الطالبات المنتقبات، بينما هدد رؤساء اللجان هؤلاء الطلاب بعمل محاضر شغب لهن وإخراجهن من اللجان.

وقد عبرت الطالبات المنتقبات عن استيائهم من تعسف إدارة الجامعات ضدهن واعتبرته مخالفا لقرار المحكمة الإدارية العليا الذى قضى بالسماح للطالبات الجامعيات المنتقبات على حضور الامتحانات وهن يرتدين النقاب أنا بعترض على قرار الجامعة وعاوز كل واحد فيكم يقول راية بصراحة وبدون خوف

هوه اكيد غلط انهم يجبروا الطالبات المنقبات انهم يقوموا بخلع النقاب
اللى هما اختاروه لمرضات الله وحبا ف الله بالتزامهم باوامره ونواهيه
وده اللى ربنا هيجازيهم عليه خيييير انهم اتمسكوا بحقهم ومااغضبوش ربنا انهم موافقوش علي خلع النقاب.
ف حاجه كمان انه الجامعه ليها الحق ف التعرف علي شخصيه الممتحن مش بالاسم بس كمان بالشكل .
عشان كده كان في اعتراض من الجامعه علي النقاب انه ممكن تحصل حالات الغش عن طريق تبديل الممتحن واخفائه خلف النقاب ودي حاجه معروفه وياراتها جات ع الاستغلال الخاطئ للنقاب ف الامتحنات بس ده وصلت انهم بيلبسوا لرجاله نقاب ويخلوهم يفجروا نفسهم ف اماكن عامه وكمان ف حالات تحرش جنسي بتحصل من خلال الاستخدام السيئ للنقاب عشان كده الجامعه كان ليها الحق ف انها تعمل كده.
المشكله بقي ان الموضوع ده حله بسيط جدا
انهم يعملوا لجان خاصه للطالبات المنقبات عشان يمتحنوا فيها ومظنش يعني دي حاجه صعبه ع اداره الجامعه
وكمان ده حق مكفول لهن من قرار المحكمه الاداريه العليا.

لا طبعا

ادام اتنقبوا

دى حاجه من الحاجات الجميله للنساء

يبقى ليه تقلعه

بس فى حالات لو غصب عنها

ده محدش يقدر يقول لا

الموضوع جميل وبحب اهنيك مستر ماجيك على الموضوع ومن راى ان النقاب زى اسلامى منقدرش نستغنى عنة واكيد كل واحد فينا يحب اختة او مراتة منقبة انا واحد احب اختى تكون منقبة

بجد ربنا يجزيك عنا خير

موضوع رائع طبعا
وانا عن نفسي ارفض تماما خلع النقاب ومتقوليش حق الجامعة ومش عارف ايه يعنى هوا يرضي مين اجى الجامعة وانا لابسة بادى وبنطلون يضربلي تعظيم سلااام واما البس نقاب اخد بالجزمة ومدخلش الامتحان لا طبعا والقرار اصلا من اوله غلط ولو جينا من ناحية قانونية اكتر بمعنى من حق الجامعة تتعرف علي شكل الممتحنين يبقي كمان من باب اولى ان الجامعة دار علم ولازم اللبس يبقي محتشم والمفرض اللى يخالف كده يتحرم من دخول الامتحان بردو

راى جميل لولو

لكن بالنسبه ان الجامعه تعرف الممتحنين فى ايام الامتحان

فالمفروض بتدخل واحده من اللجان تتاكد ن كده

ويا ريت يبقى فيه حاجه زى دى على البوابه وخلاص

النقاب حرية شخصية لازم منتعداش على الحرية دي بان نجبرهم على خلع النقاب

عندك حق يا سوسو

لاتعليق_ولاتاسفن ع غدر الزماااااااااااااااااااااان

اللهم اهدى شباب المسلمين الى الخير

بكل اسف اللى بيحصل دة المنتقبة تتهان المنتقبة تتمنع من دخول الامتحان واللى مطبقة شريعة ربها تتمنع من دخول الامتحان بدل مانحترمها ونقدرها نمنعها من دخول اللجان دا يرضى مين قوقولى مش ذنب المنتقبة ان فية ناس اسائت للنقاب لية مش بنبص لباقى الدول الاسلامية النقاب فرض هناك يا جماعاة. النقاب الامام احمد بن حنبل قال انة فرض وباقى الامة الثلاثة قالوا انة مستحب واعتقد دول الائمة الاربعة اللى احنا بنمشى ليهم احمد بن حنبل والشافعى ومالك وابو حنيفة لما 3 منهم بقولوا انة مستحب وواحد يقول انة فرض واد كلام محسوم من الف ومتين سنة يارب الكل يفوق بقى ويبقى فية احترام للمنتقبة وللنقاب

انا احب اقولكم حاجه طريفه بعض المنتقبات مش فاكر فى اى جامعه لما منعوهم وضعوا كممات انفلونزا الخنازير وحضروا الامتحان وتحايلوا على القانون المهم انا معنديش اعتراض على النقاب وانا بازن الله احاول اقنع الانسان اللى هرتبط بيها بالنقاب

طبعا تلبس النقاب او لا....تلبس بدى او تى شيرت او لا...مش تلبس حاجة خالص ........تلبس اللى ع الحبل كله....؟؟

كل ده ماليش دعوة بيه دى حرية وكل واحد عارف الغلط ومحدش يكابر ولا يتحايل فى الدين

احنا كدة مسكنا فى النقاب وسيبنا الاهم كالعادة
هو النقاب فرض ولا سنة؟؟ طيب لو البنت خلعت النقاب تاخد ذنب؟؟

مش المشكلة فى النقاب المهم اللى تبقى لابساه تبقى قدة ؟؟

الجامعة مش يهمها النقاب او لا المهم عندها تمنع المشاكل اللى بتحصل من ورا ارتداء النقاب

انا مش بدافع عنها لان الجامعة غلطت واختارت الحل الوحيد للمشكلة ان النقاب يتشال خالص ودة مش حل طبعا

زى الدقنة كدة للشباب هى سنة وناس بتقول انها فرض كمان

طيب فى الجيش لازم تشيلها خالص
اغلب الشركات والبنوك بتجبرك على حلقها....هبقى انا مذنب؟؟

انا شايف البنت اللى لابسه النقاب لو هيعملها مشاكل فى زمنا الاسود ده وهيمنعها من دخول الامتحان طبعاااااااااااااا متلبسهوش وتلبس اى حاجة مناسبة تغطى جسمها كله
هو احنا نلبس نقاب او بدى مفيش حاجة تالتة

وبعد الجامعة لو ربنا كاتبلنا عمر تلبس نقاب براحتها ومش اعتقد ان عليها اى ذنب

والله اعلم

انا مع فارس

(واطيعوا الله واطيعوا الرسول واولى الامر منكم)



وده طبعا مش زى الزوجه التانايه


بس النقابى ما قالت بيرو مستحب من 3 ائمه

والبنمات المحترمه بردوة مش كلهم بيلبسوا نقاب

فى اللبس الشرعى الاخر

اللى ممكن يتلبس


وبعد كده تعمل اللى هخى عاوزاه




وده طبعا مش ان الجامعه صح

















وده رايي

ميرسى ليك مانشيستر وانا متفهم وجهة نظرك وكويس كمان من بيرو ان النقاب يهمها قوى كدة

ولاد وبنات اتفقنا ع حاجة اهو.........بداية كويسة بردة

ان شاء الله