ماتيجى نتكلم بصراحه

عاوزين فى نهايه العام الدراسى دا نقف نفكر شويه
نفتكر شويه ونراجع نفسنا شويه وندور فى ذاكرتنا
من خلال السنه دى انا استفدت ايه
ايه اوجه الافاده اللى استفدها من الجامعه
ايه الايجابيات اللى شافها فى الجامعه
وفى نفس الوقت ادور
انا عملت ايه للجامعه
حاولت اساهم تحسين صورتها ع الاقل
حاولت اساعد الجامعه بكلمه
موضوعى النهارده
انا عملتلى ايه الجامعه السنه دى
وانا عملتلها ايه
ايه الحاجات الجميله اللى شوفتها
وايه الحاجات اللى مكنتش طايق اشوفها فيه
ياريت يا جماعه نراعى قبل ما نتكلم او نقول رأى
الكلمه اللى بتقولها هى واجهه لشخصيتك.

ع فكره الموضوع دا مش استفاده ماديه او حاجه ملموسه
ممكن تكون استفد درس عشته فى الجامعه
موقف جميل
اى حاجه حلوه ليك فى اجامعه اى حاجه كسبتها السنادى

واعتبر ان كلامك دا هانتابعه وهانناقشك فيه
__________________________________________________________

ازا كان ع الاستفادة من الدراسة
فمش استفدنا حاجة كالعادة يعني

اما بقي استفدنا اصحاب جدعة كتير

اولا انا استفدت كتير جدا
ومن ناحية الدراسة بردة استفدت واتعلمت كتير من الدكاترة اللى عندى خصوصا اللى بيجو عندنا من خارج الصعيد

وكمان الاصحاب دول نعمة كبيرة جدا
.....................................................

الايجابيات مع كل اسف الجامعة بلا ايجابية تذكر غير اننا طلاب فيها اعتقد دى الميزة الوحيدة
حاولت اساعد الجامعة طبعا لا لان لاحياة لمن تنادى
الجامعة مليانة سلبيات وفى موضوع فى قسم الشباب اسمة قفص الاتهام وقلنا السلبيات

نايس توبيك يا مؤمن

والله احلى في الجامعة الاصحاب ولمتهم ده اولا
ثانيا من ناحية الدراسة اكيد باستفاد والا مكنتش رحت الجامعة اصلا
بس احنا ناقصنا التطوير شوية في المناهج واسلوب الدراسة

والله الجامعة كانت اجمل فترة من فترات حياتى اللى انا عشتها اتعرفت فيها

على ناس رجالة جدا وشباب زى العسل محترمين اللى هما (محمود ومومن

وفاروق وابو عادل ووليد لومان ووائل الواطى اللى مقالش اسمى مع الناس دى

مش عارف هو نسينى ولا بيستهبل ) وبرضوا استفادت حاجات كتير من

الجامعة وعرفت معنى الحياة مع الناس الرجالة وتعلمت انى اكون انسان لبق

فى كلامى ومعملاتى مع الناس وبرضوا كنت منظم فى بعض الحفلات

والحمد لله اتعرفت من خلال التنظيم على ناس كتير كويسة اوى ويارب يفضلوا

كويسين بنفس الصورة اللى انا راسمها ليهم فى بالى ومحدش فيهم يطلع

ندل وكدة يعنى بس زى ما قال وائل ان المفروض يقفلوا الجامعة كلها ويغطوها

ويكيفوها مركزلى علشان الشمس والدنيا حر اووووووى وكدة يعنى وربنا يستر
ويكرمنا جميعا ويوفقنا فى دراستنا ومشوارنا اللهم امين...

اخوكم احمد عبدالله

اول حاجه طبعا اني كسبت اصدقاء مش هيتعوضو
بس من الناحيه العلميه ما استفدتش للدرجه
واستفدت من الجامعه في الرحلات والملتقيات
وافدت الجامعه
كنت بساهم في الانشطه الرياضيه وحققت مراكز

اولا الايجابيات اللي اخدتها من الجامعه معتقدش دراسيا ان اخدت ايجابيات لاني مش بحضر محاضرات بس يمكن من جوه الجامعه نفسها كسبت ايجابيات اتعلمت دروس ف الحياه لو قعدت عمري كلو مكنتش هتعلمها
بجد اجدع صحاب عرفتهم فيها واوحش صحاب بردوا
يعني كل اللي اتعمتوه منها دروس ف الحياه اكتر منها دروس علميه

مؤمن انا استفدت في الجامعه بقدر ما انت استفدت

sandy38 كتب:

ازا كان ع الاستفادة من الدراسة
فمش استفدنا حاجة كالعادة يعني

اما بقي استفدنا اصحاب جدعة كتير

طيب ومش ممكن يكون عدم لاستفاده دا تقصير منك انتى ؟

Faris A7med كتب:

اولا انا استفدت كتير جدا
ومن ناحية الدراسة بردة استفدت واتعلمت كتير من الدكاترة اللى عندى خصوصا اللى بيجو عندنا من خارج الصعيد

وكمان الاصحاب دول نعمة كبيرة جدا
.....................................................

الايجابيات مع كل اسف الجامعة بلا ايجابية تذكر غير اننا طلاب فيها اعتقد دى الميزة الوحيدة
حاولت اساعد الجامعة طبعا لا لان لاحياة لمن تنادى
الجامعة مليانة سلبيات وفى موضوع فى قسم الشباب اسمة قفص الاتهام وقلنا السلبيات

نايس توبيك يا مؤمن

انتا ع فكره ممكن تساعد الجامعه بكلمه حلوه فى حقها انطباع تسيبه لطلاب جامعتك وانت مسافر.
انما ايه اكبر سلبيه ليك فى الجامعه وحاولت جدا انك تحاول تغيرها وكانت مضيقاااااااااك جدا؟

soso كتب:

والله احلى في الجامعة الاصحاب ولمتهم ده اولا
ثانيا من ناحية الدراسة اكيد باستفاد والا مكنتش رحت الجامعة اصلا
بس احنا ناقصنا التطوير شوية في المناهج واسلوب الدراسة

فعلا كلامك بس هل بعد الدراسه وانتهاء الحياه الجامعيه هاتتفرق اللمه والصحبه دى؟

foxtito كتب:

بصراحة الجامعة السنة ديه الواحد شاف فيها حاجات كتير أيجابية
والواحد بردوا أشترك في شغل كتيير جوة الجامعة (نشاطات كتيير)

احلي أيام كانت في الملتقي الفني واحلي يوم فيه كان يوم أسوان لما ربنا رزقني فوق الوفد بتاعي بوفد صاحب الموضوع (مؤمن) (منك لله يا مؤمن في اليوم ده)
فاكر يوم التهزيق ياض يا مؤمن ولا لا (لسانك وإيديك طويلة يا الي في بالي)
وكمان أشتراكي في (نادي شباب مصر معا لمواجهة الإيدز) والدورة الي أخدناها
والناس الحلوة الي أتعرفت عليها فيها منهم أعضاء من منتدانا هنا
ومشاركتي مع أعضاء النادي في الأسبوع البيئي الثالث

حاجة تانية مشاركة الجامعة في الأحتفالية التي أقامتها جامعة قناة السويس
بمناسبة عيد تحرير سيناء وديه كانت في العريش
كفاية اننا رحنا هناك وشفنا أماكن كتير حلوة
وكفاية أننا وبلا فخر الجامعة الوحيدة الي وصلت لمعبر رفح الحدودي مع قطاع غزة الفلسطيني رغم وجود مناوشات علي الحدود في اليوم ده من قبل حركة حماس
وكمان أشتراكي في تنظيم عدد من حفلات الكليات داخل الجامعة
(حفل تنصيب إتحاد حقوق ) (حفل تنصيب إتحاد الجامعة ) (حفل تنصيب إتحاد كلية التجارة)

تعرفي في بداية السنة علي ناس كتير من الأعضاء الي هنا من الناس المحترمة
(أدمن - مصري - مؤمن - أحمد كارم - سمعة - محمود - وائل - محمد سم ون - وطبعا علي مجموعة من أخواتي البنات (بدون ما أقول أسمائهم علشان في ناس مش بتفهم موضوع الأخوة صح ))
السلبيات أني مع كمية الشغل ديه محضرتش عدد كبير من محاضراتي بس مش مهم لأني اصلا مش بحب أحضر المحاضرات
في ناس السنة ديه الواحد أتعرف عليهم وطلعهم علي حقيقتهم وظهروا بشكلهم الحقيقي (منهم ناس كانوا أعضاء هنا )
وبصراحة اتضح ليا أنهم مش رجالة بالمرة

مشكور يا مؤمن علي الموضوع ده وأتمني أني اكون جبت كل الكلام الي عندي علشان في كلام تاني عندي بس ما ينفعش يتكتب وانت عارفه يا مؤمن

الف شكر مرة تاني يا مؤمن علي بداية الحورات الصحفية وكويس أنك بدأتها بحوار مع العضو ونفسه

بجد اغلب كلامك من الذكريات الجميله فعلا بس فى ناس اضحك عليها وسمعت الكلام وسافرت اسوان ورجعت فى يوم ونص ههههههه
كون انك حاسس انك اتخدعت فى ناس دا يقلل ثقتك من الناس كلها ؟
انشطه الجامعه بتمثلك ايه او ايه الدافع لاشتراكك فيها؟

حابس نمله ومعذبها كتب:

انا السنه دى مع انها اول سنه مع انها يعنى احلى سنه لانى اتعرفت على ناس

العسل ومحترمه جدا وبقوا صحابى جدا جدا يعنى وتمام ومافيش حد فيهم مش

تمام وهما يعنى فيه منهم كتير من المنتدى زى

(مؤمن_محمود_اسماعيل_محمدصوم وان _احمدبادى_فارس

احمد_فاروق_احمدكارم_وعبدالرحيم

حسنى_واين الحب_واميرروما_وكاسبر_

وعبدالنبى_وميدو2010_وكريم(بس

كريم صحبى من زماااااااااان)

كفايه عليكم دول دلوقت ودول يعنى صحاب صحاب

بس فيهم اللى مش تمام يعنى ومش عايز اقول مين

ويعنى اللى خلانى اديق السنه دى انى ما كنتش احضر

وماعرفش حاجه ف اى حاجه حتى الان وعايز اذاكر واتلم على

الورق عشان ما بحرضش بس اهو خلاص جبنا كل حاجه

وهانت الامتحانات خلاص قربت وخلينا نفك من الهم اللى احنا فيه

بس اوحش حاجه ف الجامعه الشمس والحر اللى فيها

بس اللى بيصبرك قعدت الصحاب ........

بجد اغلب الناس اللى انت قلتها فعلاااااا مكسب كبير وانتا بالنسبه ليا وللناس اللى قولتها مكسب .
س هل كل مكسبك فى السنه دى من خلال عام كامل فى الجامعه اصحاب وبس؟
كاول سنه ليك فى الجامعه ايه رايك فى الحياه الجامعيه وهل زى ماكنت متخيل ولا اختلفت؟

اين الحب كتب:

والله الجامعة كانت اجمل فترة من فترات حياتى اللى انا عشتها اتعرفت فيها

على ناس رجالة جدا وشباب زى العسل محترمين اللى هما (محمود ومومن

وفاروق وابو عادل ووليد لومان ووائل الواطى اللى مقالش اسمى مع الناس دى

مش عارف هو نسينى ولا بيستهبل ) وبرضوا استفادت حاجات كتير من

الجامعة وعرفت معنى الحياة مع الناس الرجالة وتعلمت انى اكون انسان لبق

فى كلامى ومعملاتى مع الناس وبرضوا كنت منظم فى بعض الحفلات

والحمد لله اتعرفت من خلال التنظيم على ناس كتير كويسة اوى ويارب يفضلوا

كويسين بنفس الصورة اللى انا راسمها ليهم فى بالى ومحدش فيهم يطلع

ندل وكدة يعنى بس زى ما قال وائل ان المفروض يقفلوا الجامعة كلها ويغطوها

ويكيفوها مركزلى علشان الشمس والدنيا حر اووووووى وكدة يعنى وربنا يستر
ويكرمنا جميعا ويوفقنا فى دراستنا ومشوارنا اللهم امين...

اخوكم احمد عبدالله

احمد عبد الله حاسس انك فعلا مستفيد من خلال عام كامل ليك فى الجامعه وحاسس انك راضى عن نفسك فى السنه دى؟
فى موقف حصلك فى السنه اضايقت وحسيت انك مش عاوز تقعد فى الجامعه ؟

eng.ahmed كتب:

ا السنة دي بالذات كانت بطئية جدا
ممكن عشان انا مشاركتش في اي نشاط او رحلات
اكتر حاجة عجبتني في الكلية انهم عملوا معرض فني لابراز مواهب الطلاب
وكان فيه لوحات واعمال غاية في الجمال.

وكمان اتعرفت علي ناس كتير جديده بما فيهم اعضاء المنتدي الكرام.
والايجابيات مش قليله بس مش فاكرها .
السلبيات مش كتيرة بس مؤثرة , الكلية فيها حاجات كتير عايزة تتغير.

انا عارف ان كلامي عام ومفيهوش تفاصيل , بس هو ده اللي عايز اقوله
ممكن ابقي اكتب تاني بعدين عن الحاجات دي بتفصيل اكتر.

بما ان كل اللى شاركو فى التوبيك قنا وانت فرع اسوان يا بش مهندس
كلمنا بصراحه عن الحياه فى فرع اسوان
شكل الحياه الدراسيه الانشطه الطلابيه رعايات الشباب ؟
ومش محتاجين تعرفنا من كلامك عن اسوان وصحبه اسوان لانهم بجد اجدع صحاب.

Bady كتب:

اول حاجه طبعا اني كسبت اصدقاء مش هيتعوضو
بس من الناحيه العلميه ما استفدتش للدرجه
واستفدت من الجامعه في الرحلات والملتقيات
وافدت الجامعه
كنت بساهم في الانشطه الرياضيه وحققت مراكز

طبعا الانشطه دى كنت بتمثل كليتك احساسك ايه وانت حاسس انك قدمت حاجه لكليتك
وهل حسيت بالتقدير من كليتك تجاهك ؟
ايه الرحلات الى طلعتها السنه دى وكلمنا عنها شويه؟

zamallekawaya 4 ever كتب:

اولا الايجابيات اللي اخدتها من الجامعه معتقدش دراسيا ان اخدت ايجابيات لاني مش بحضر محاضرات بس يمكن من جوه الجامعه نفسها كسبت ايجابيات اتعلمت دروس ف الحياه لو قعدت عمري كلو مكنتش هتعلمها
بجد اجدع صحاب عرفتهم فيها واوحش صحاب بردوا
يعني كل اللي اتعمتوه منها دروس ف الحياه اكتر منها دروس علميه

اتعلمتى دروس فى الحياه يا ترى ايه اكبر درس اتعلمتى منه جامد ومش هاتنسيهابدا؟
وبما انك مش قناويه اما بترجعى بلدك بتكونى فخوره انك طالبه فى جامعه جنوب الوادى
وقولى اسبابك فى الحالتين؟

فارسه الاسلام كتب:

السلام عليكم ورحمه الله وبركاته

اولا :والله الواحد كان فاكر انه المدرج العام هو اللى بتحصل فيه كل النقاشات لكن ده المنتدى طلع تبارك الخلاق قمه فى الروعه

ثانيا :ربنا يبارك فى كاتب الموضوع ربنا يوفقه ويرزقه رؤيه وجهه الكريم اللهم ءامين

ثالثا بقى :

انا عن نفسى من اول ماعرفت الشات والنت والمنتديات والبرامج اللى ع التلفاز ومشاهدتى الكتيييييييييييييييييييييره اووووووووووووووووى للبرامج الدينيه وبالذات البرامج بتاعه الدكتور "طارق السويدان" و "محمد الثوينى" ومحمد العوضى" و"ومصطفى حسنى"
و"عمرو خالد" و"محمود المصرى" وكتيييييييييييييييييييير اووووووووووووووى من الدعاه والمشايخ حفظهم الله

علمونى انى استفاد من كل شيئ حووووولى حتى لو كان سيئ


علمونى انه كل حاجه بتحصل فى الدنيا دى بحمكه ربنا
وعلمونى انه الواحد لازم يكون ايجابى بالذات لما يغلط او يحس نفسه انه ندمان على حاجه حصلت ويااااااه


المهم:

استفدت حااااااااااااااااجااااااااااااااااات كتتتتتتتتتتتتتتتتتتير بفضل الله تعالى

السنه دى كان الاعجاز العلمى حلووووووووووو اووووووووووووووووى جداااااااااا فوق الخيال

وفعلا ربنا اراد انه احضره واتعلمت حاجات فادتنى كتير

كنت بدعى ربنا انى اتغير للاحسن كتييييييييييير اووووووووووووووى لدرجه انى مليت من اللى حولى

وكمان لدرجه انى افضلت احلم بالتغييييييييييييييييييييييييير

فاراد ربى الكريم الحليم انى احضر اول يوم فى الاعجاز وكانت اخر فقره فيه للدكتوره "نهى محمد سلامه" عن التغيييييييييييير للافضل


واستفادت حاجااااااااااات كتيرررررررررررررر فوق ما تتصوروا

رابعا

لما اتأخرت ع السكشن طبعا الدكتووووووره مش دخلتى لانه اهملت وجيت متأخره

اتعلمت بعدها انه كل شيى وله التزاااااااااااااااامته وقوااااااااااانيه

اتعلمت انى لازم ارتبطت بموااااااااااااعيدى واكون انسانه لها احترامها وتقديرها وسط الكل













طووووووووووووووووووووووولت عليكو اووووووووووووووووى معلش استحملونى اصلكوا فتحتوا نفسى للكلام





اما السلبيات فهى

بتكون فى الطلبه اللى فى دفعتى نفسهم مش كلهم صراحه معظمهم

لما نكلمهم فى موضوع الوحده واننا لازم نكون ايجابين

يردوووووووووووووووووا بكل لامبالاه

يا شيخه رووووووووحى يالا واللى التزم بقى ايه؟
طنشى ؟


والكلام اللى بيغيظ الواحد




واتعلمت صراااااااااحه انى مش اتعلق بانسان عارفه انه هفارقه اووووووووووووووى

بلاش اتعلق بيه لانى جربت قبل كده واتعلقت بانسانه
كنت لازم اكون معاها فى كل مكان وكنت مضيعه وقت جاااااااااااااااامد مووووووووووووووت ع شان خاطرها

يالا ربنا يهدينا جميعا ويعوض علينا من عنده





واتعلمت كمان انى احاول الا اضيع وقت واحاول استفاد من كل شيئ حوليا

واتعلمت انى لما نكون فاضين بين المحاضرات او فى السكشن المعيد(ه)طلعت

اطلب من البنات اننا نقول احاديث
وطبعا بينا ابتدأت المنافسه مين يحفظ اكتر

وبكده حاولنا ننظم وقتنا


اسفه للاطاااااااااااااااااااااااااااااااااله

هختكم بحديث

قال رسول الله صلى الله عليه وسلم:
(من تمسك بسنتى عند فساد امتى فله اجر شهيد)
رواه الترمذى
صدق رسولنا الكريم

من خلال حضورك لاسبوع الاعجاز الدينى ايه السلبيات اللى حستيها فى الملتقى دا؟
تعليق عام عن الحياه الجامعيه من خلال رؤيتك.

mohamed_someone كتب:

مؤمن انا استفدت في الجامعه بقدر ما انت استفدت

بس انا يا محمد ميولى وحياتى فى الجامعه مختلفه عنك خالص بس ماعلينا
ايه رايك فى صداقه الولد والبنت فى الجامعه ؟
اما تخلص من الحياه الجامعيه ايه الحاجه الى هاتكون مرتبطه بذكره الجامعه معاك؟
بمعنى اول ما افتكر الجامعه افتكر الموقف او الحاجه دى؟