ماتيجى نتكلم بصراحه

]quote="shab men hokok"]

eng.ahmed كتب:: ا .

بما ان كل اللى شاركو فى التوبيك قنا وانت فرع اسوان يا بش مهندس
كلمنا بصراحه عن الحياه فى فرع اسوان
شكل الحياه الدراسيه الانشطه الطلابيه رعايات الشباب ؟
ومش محتاجين تعرفنا من كلامك عن اسوان وصحبه اسوان لانهم بجد اجدع صحاب.[/quote]

ماشي يا استاذ مؤمن
اولا لازم تعرفوا ان كلية الهندسة في اسوان بره الجامعة في حته اسمها " ابو الريش"
ودي تبعد عن الجامعة اللي هيا في "صحاري" حوالي 30 كيلو.
يعني مشوار يموت م التعب , انا شخصيا مرحتش الجامعة غير مرتين بس السنة دي
ومدخلتهاش خالص السنة اللي فاتت.

نتكلم بقا علي الحياة في كلية هندسة لانني عارفها وباروح كل يوم .
الدراسة روتين مستمر محاضرات وسكاشن وشيتات وكويزات وريبورتات وغياب يتاخد مرتين تلاتة ف اليوم وامتحانات اعمال سنة وشفوي وعملي ومنحلش " عادي طبعا "
الانشطة الطلابية محدودة مجرد لجنة الاسر تتعمل اول سنة , كل اسرة تعملها مجلة
وشكرا علي كده , وفيه دوري كرة قدم وتنس طاولة وشطرنج والباقي ندوات علمية
مبحبش احضرها بس اعمل ايه احيانا بيكون الحضور اجباري.

رعاية الشياب : مكتب صغير يحتله 3 موظفين لا اكاد ادخله تلت اربع مرات ف الترم
مش اهمال مني بس كل ما اروح هناك اتخانق مع احد الموظفين ويقولي
" انا هاحولك للعميد وهيتعملك مجلس تاديبي " وعشان انا صوتي عالي مبسكوتش
ومحدش منكم لو مكاني هيسكت . المهم كلمة مني علي كلمة منهم تتلم الطلبة
ويبعدوني عن المكان بالعافيه قبل الموضوع ما يوصل رئيس الجامعة.

يعني رعاية شباب خاملة م الاخر ومحتاجين حد ينزلهم نسخة جديدة .

ياااااه انا طولت عليكم قوي .......معلش اصل الموضوع فيه كلام كتير
كفاية كده ..........نسيت اكتب الجملة دي

........ كل الكلام ده يعبر عن وجهه نظري الشخصية فقط ............
............... واحترم كل الاراء الاخري ..................................

shab men hokok كتب:

mohamed_someone كتب:: مؤمن انا استفدت في الجامعه بقدر ما انت استفدت

بس انا يا محمد ميولى وحياتى فى الجامعه مختلفه عنك خالص بس ماعلينا
ايه رايك فى صداقه الولد والبنت فى الجامعه ؟
صداقه الولد والبنت راي فيها ما علينا اصلي معايا كلام كتير وعاوز توبيك لوحده
اما تخلص من الحياه الجامعيه ايه الحاجه الى هاتكون مرتبطه بذكره الجامعه معاك؟
اصحابي والايام الحلوه وبس

بمعنى اول ما افتكر الجامعه افتكر الموقف او الحاجه دى؟
موقف جميل قوي بس خاص جدا

بس انا هسألك سؤال في حوارك ده
حلل المقوله دي
التعليم(الثقافه الحكمه المعرفه ) هو ما تعرفه بعد المدرسه والجامعه ؟!

shab men hokok كتب:

sandy38 كتب:: ازا كان ع الاستفادة من الدراسة
فمش استفدنا حاجة كالعادة يعني

اما بقي استفدنا اصحاب جدعة كتير

طيب ومش ممكن يكون عدم لاستفاده دا تقصير منك انتى ؟

شور تقصير مني انا

ربنا يوفقك يا اخى

بجد الموضوع اكثر من راااااااااااااااااااااااااااااااااااائع

زائر

[/quote]
احمد عبد الله حاسس انك فعلا مستفيد من خلال عام كامل ليك فى الجامعه وحاسس انك راضى عن نفسك فى السنه دى؟ والله انا استفدت كتير يا مومن بس انا مش هحدد اذا كنت راضى عن نفسى او لا الا بعد النتيجة
فى موقف حصلك فى السنه اضايقت وحسيت انك مش عاوز تقعد فى الجامعه ؟ولا هو موقف شخصى جدا وانا صعب جدا انى اقول علية هو الوحيد اللى خلانى مش عايز اقعد فى الجامعة بس انا عندى طبع انى من النوع اللى بقازم ومن الصعب انى استسلم[/quote]

للاسف مافيش اى حاجة استفتها من الجامعة وكلها سلبيات
مش شرط يكون السبب فى الجامعة نفسها ولكن انا ماتعرفتش على اصحاب جديدة ولا شاركت فى اى انشطة
الايجابية يمكن الوحيدة انى كنت بعقد مع اصحابى كتير والحاجة دى كنت مفتقداها قبل مادخل الجامعة
لكن الدراسة مش مستفيدة منها اى شى لانى كل اللى خدتة نسيتة
وانا فى بالى مشروع ما بعد التخرج مالهوش اى صلة بدراستى
برضو فى سلبية مهمة جدا انى فى طلبة كتير مش حاسة نفسها انها فى جامعة
وبلاخص اللى داخلين اولى جداد
افعال صبيانية بطريقة مستفزة للغاية

مشكور على التوبيك

السؤال التانى ده صعب اوووووووووووووووى

عن الحياه الجامعيه كلها

يعنى اكيد لكل واحد وجهه نظر

انا لسه خبرتى قليله بما انى لسه سنه تانيه جامعه
بس كل اللى انا شيفاه الان

انها حياه لذيذه جدااااااااااااااااااااااااا جداااااااااااااا بس للى يستغلها صح للى يعرف يعنى جامعه ويعنى ايه محاضرات يعنى ايه انا اروح ادور ع المعلومه

بجد احساس رائع جدا

وكمان ممكن تكون مش حلوه للى مش حابب قسمه وراضى بيه

لانه الرضا بيلعب دور مهم اوى هنا

ده كل اللى اعرفه

shab men hokok كتب:

zamallekawaya 4 ever كتب:: اولا الايجابيات اللي اخدتها من الجامعه معتقدش دراسيا ان اخدت ايجابيات لاني مش بحضر محاضرات بس يمكن من جوه الجامعه نفسها كسبت ايجابيات اتعلمت دروس ف الحياه لو قعدت عمري كلو مكنتش هتعلمها
بجد اجدع صحاب عرفتهم فيها واوحش صحاب بردوا
يعني كل اللي اتعمتوه منها دروس ف الحياه اكتر منها دروس علميه

اتعلمتى دروس فى الحياه يا ترى ايه اكبر درس اتعلمتى منه جامد ومش هاتنسيهابدا؟

اني مش اي حد اصحبه ع طوووول لازم اختبره ميت الف مره علشان اثق فيه
عرفت اشكال كتيره حلوة وحش بقي عندي قدره اني اتعامل مع الاتنين

وبما انك مش قناويه اما بترجعى بلدك بتكونى فخوره انك طالبه فى جامعه جنوب الوادى
وقولى اسبابك فى الحالتين؟

الصراحه انا كل حد اقوله ف جنوب الوادي يقولولي دي فين محدش يعرف عنها هنا الا قله نادره وكمان لو سمعوا عنها مش بيبقو عارفين مكانها
دا حد زاته بيخليني اقول انا طالبه ف كليه اثار من غير ماقول جامعه ايه

shab men hokok كتب:

حابس نمله ومعذبها كتب:: انا السنه دى مع انها اول سنه مع انها يعنى احلى سنه لانى اتعرفت على ناس

العسل ومحترمه جدا وبقوا صحابى جدا جدا يعنى وتمام ومافيش حد فيهم مش

تمام وهما يعنى فيه منهم كتير من المنتدى زى

(مؤمن_محمود_اسماعيل_محمدصوم وان _احمدبادى_فارس

احمد_فاروق_احمدكارم_وعبدالرحيم

حسنى_واين الحب_واميرروما_وكاسبر_

وعبدالنبى_وميدو2010_وكريم(بس

كريم صحبى من زماااااااااان)

كفايه عليكم دول دلوقت ودول يعنى صحاب صحاب

بس فيهم اللى مش تمام يعنى ومش عايز اقول مين

ويعنى اللى خلانى اديق السنه دى انى ما كنتش احضر

وماعرفش حاجه ف اى حاجه حتى الان وعايز اذاكر واتلم على

الورق عشان ما بحرضش بس اهو خلاص جبنا كل حاجه

وهانت الامتحانات خلاص قربت وخلينا نفك من الهم اللى احنا فيه

بس اوحش حاجه ف الجامعه الشمس والحر اللى فيها

بس اللى بيصبرك قعدت الصحاب ........

بجد اغلب الناس اللى انت قلتها فعلاااااا مكسب كبير وانتا بالنسبه ليا وللناس اللى قولتها مكسب .
س هل كل مكسبك فى السنه دى من خلال عام كامل فى الجامعه اصحاب وبس؟
كاول سنه ليك فى الجامعه ايه رايك فى الحياه الجامعيه وهل زى ماكنت متخيل ولا اختلفت؟

انا يا مؤمن دى اول سنه ليه ف الجامعه ومن خلالها ما كنتش اتوقع اللى كان

بالى خالص بس اهو حلوه برضوا انا كنت متخيل الجامعه حاجه تانيه خالص

بس طلعت حاجه مرار يا راجل بس كفايه انى اتعرفت على ناس زى العسل

زيكم ودا كفايه عليا

زائر

shab men hokok كتب:: بجد اغلب كلامك من الذكريات الجميله فعلا بس فى ناس اضحك عليها وسمعت الكلام وسافرت اسوان ورجعت فى يوم ونص ههههههه
كون انك حاسس انك اتخدعت فى ناس دا يقلل ثقتك من الناس كلها ؟
انشطه الجامعه بتمثلك ايه او ايه الدافع لاشتراكك فيها؟

هههههههه صح يا مؤمن
مش قلت ثقتي من الناس كلها لكن أنا بقيت أشك في كل واحد في اول فترة تعامل معاه واختبره كذا مرة وأنت بنفسك جربت ده يا مؤمن لما جيت النت صح ولا لا ؟ ولما بثق فيه بتبقي الأمور عادية

اما الأنشطة فالواحد بيحس فيها أنه بيعمل حاجة جديدة عليه ده غير الشهادات والحاجات الي الواحد بيحصل عليها من الجامعة
من علاقات ومعارف (طبعا أنت فاهمني )

غير كده أني بحب الشغل الجماعي خصوصا في الجامعة أو الأنشطة عموما
حتي في الحزب نفس الشغل والنشاط

السلام عليكم ورحمة الله وبركاته
انتو عندكو حق انى اجمل حاجه فى الجامعة هى الاصحاب*
بس بجد انا اتخنقت من الحر الى فى الحامعة والشمس سخنة اوى* وبصراحة ملهاش الوضع المطلوب بين الجامعات المصرية
يارب الوضع يتحسن& قولو ااامين

زائر

tena كتب:: للاسف مافيش اى حاجة استفتها من الجامعة وكلها سلبيات
مش شرط يكون السبب فى الجامعة نفسها ولكن انا ماتعرفتش على اصحاب جديدة ولا شاركت فى اى انشطة
الايجابية يمكن الوحيدة انى كنت بعقد مع اصحابى كتير والحاجة دى كنت مفتقداها قبل مادخل الجامعة
لكن الدراسة مش مستفيدة منها اى شى لانى كل اللى خدتة نسيتة
وانا فى بالى مشروع ما بعد التخرج مالهوش اى صلة بدراستى
برضو فى سلبية مهمة جدا انى فى طلبة كتير مش حاسة نفسها انها فى جامعة
وبلاخص اللى داخلين اولى جداد
افعال صبيانية بطريقة مستفزة للغاية

مشكور على التوبيك

تينا مشكور لمرورك
تينا شايفه شكل الجامعه بعد عشر سنين ازاى؟

ممكن تتطور كتير بس عايزة حد رئيس نشيط جدا
لانى الجامعة مساحتها كبيرة جدا
بس عايزة اللى يستغلها صح
على فكرة اللى كان فى الجامعة من 4 او 5 سنين لما شافو الجامعة دلوقتى قالو انها اتغيرت كتير وبقيت كويسة الى حد ما
هى عيبها بس انى الاماكن بعيدة عن بعضها وطبعا الجو حر جدا فى الصيف
وطبعا مافيش موصلات جوة الجامعة

انا اكيد اتاخرت فى الرد اكيد بس استفدت بجد بانو طلعت بمعرفت ناس جديده
وبجد ربنا يحميهم منهم فاروق ومؤمن ومحمود ووائل و احمد وحبيبى احمد عبدلله واكيد ابوعادل واختى ساندى وتينا وريمو والناس دى كلها كفايه الكيبوردددد باظ

زائر

محمد حسين كتب:: انا اكيد اتاخرت فى الرد اكيد بس استفدت بجد بانو طلعت بمعرفت ناس جديده
وبجد ربنا يحميهم منهم فاروق ومؤمن ومحمود ووائل و احمد وحبيبى احمد عبدلله واكيد ابوعادل واختى ساندى وتينا وريمو والناس دى كلها كفايه الكيبوردددد باظ

شكرا لاهتمامك يا حاج ميدو بس يا باشا موضوعى ايه اللى استفده من العام الدراسى
فى الجامعه مش فى المنتدى .
وفى انتظار اى موقف او اى لحظه حلوه منك فى الجامعه او حوار كدا اتعلمت منه حاجه فى الجامعه ؟

السلام عليكم
flower

ايه راى حضرتك

كلنا قلنا راينا فى الجامعه وجاوبنا على اسئله حضرتك

flower

ممكن نشوف راى فخامتك؟

بصراااااااااااااااحه موضوع حضرتك راااااااااااااااااااااائع جدااااااااااااااااا

زائر

شكرا ليكى اختى فارسه .
اولا انا الاستفاده بتاعتى خلال العام دا الحمد لله استفدت كتير
استفدت من خلال مشاركتى فى بدايه العام فى الدوره العربيه الكوره الخماسيه
وعرفت فيها ناس كتير جدا جدعان وفى منهم الى صاحبى دلوقتى
واستفدت منها كتجربه جدااااااااا.
استفدت من دخولى فى الملتقى الفنى والايام الحلوه الى اخدتها فيه
اللى اغلب الجامعات قالت ان اى معسكر بيطلعوه بيحلفو بيوم من ايام
الملتقى الفنى فى جنوب الواى .
واللى فيه عرفت ناااس كتير واتعرفت ع ناس جدعااااااااااااان كتير
وبالصدفه اتعرف ع ناااااااس من المنتدى .
كنت متابع للملتقى السياسى الاخير دا واتعرفت فيه ع ناااس من جامعات تانى جميله.
شاركت فى النشاط الفنى وسافرت الزقازيق وكان معاى جروووب اخر روقااان
ونااااااااااس جدعان جدااااا .
حضرت بعض الندوااااات واللقاءات .
زى نادى الصحافه وزى يوم الشهيد .
واخير واهم حااااجه كسبت السنه دى اهم حاجتين
عرفت منتدى اجامعه ومشاركتى فيه.
عرفت اجدع صحااااااااااااااااااااااااااب السنه دى
بجد اجدع صحاب وربنا يديم الود والمحبه .

زائر

shab men hokok كتب:: شكرا ليكى اختى فارسه .
اولا انا الاستفاده بتاعتى خلال العام دا الحمد لله استفدت كتير
استفدت من خلال مشاركتى فى بدايه العام فى الدوره العربيه الكوره الخماسيه
وعرفت فيها ناس كتير جدا جدعان وفى منهم الى صاحبى دلوقتى
واستفدت منها كتجربه جدااااااااا.
استفدت من دخولى فى الملتقى الفنى والايام الحلوه الى اخدتها فيه
اللى اغلب الجامعات قالت ان اى معسكر بيطلعوه بيحلفو بيوم من ايام
الملتقى الفنى فى جنوب الواى .
واللى فيه عرفت ناااس كتير واتعرفت ع ناس جدعااااااااااااان كتير
وبالصدفه اتعرف ع ناااااااس من المنتدى .
كنت متابع للملتقى السياسى الاخير دا واتعرفت فيه ع ناااس من جامعات تانى جميله.
شاركت فى النشاط الفنى وسافرت الزقازيق وكان معاى جروووب اخر روقااان
ونااااااااااس جدعان جدااااا .
حضرت بعض الندوااااات واللقاءات .
زى نادى الصحافه وزى يوم الشهيد .
واخير واهم حااااجه كسبت السنه دى اهم حاجتين
عرفت منتدى الجامعه ومشاركتى فيه.
عرفت اجدع صحااااااااااااااااااااااااااب السنه دى
بجد اجدع صحاب وربنا يديم الود والمحبه .

[b]اسمحلي أسألك يا مؤمن
بس أنت أيه الحاجة السيئة الي انت شوفتها السنة ديه انا ملاحظ أنك جايب كل حاجة حلوة محصلش معاك حاجة وحشة ؟

وزي ما انت سألتني أيه الي محببني في الأنشطة أنت ايه الي حببك في أنشطة الجامعة وخلاك تشترك فيها ؟ وهل فيها كوسة ؟

[/b]

زائر

بص انا هاقولك الصراحه اوحش حاجه شوفتها السنه دى
كان حركه مش لاقيلها دافع او مسمى
ان الملتقى الفنى ولاول مره كان تنظيمه طلابى بحت
وبالتالى كان نظام الاشتراك فى التنظيم كان عاكك شويه
السنه دى كمان اسواء حاجه شوفتها
معامله طالب الانتساب وهو داخل الجامعه بجد حاجه تكسف
والاسواء والاسواء مشكله المواصلات واستغلال السائقين
ولازم الجامعه تحاااول تعمل اتوبيسات باشتراك للطلاب يضاف تمنه ع الكارنيه
بدل البهدله دى .
_______________________________________
بالنسبه لسبب الاشتراك كان بدايه اشتراكى صدفه واما اشتركت حبيت الانشطه
وحسيت بالاستمتاع بالوقت والاستفاااااااااااااده اللى حصلت عليها
وموضوع الكوسه علشان اشترك دا سايبه لتقديرك انت ههههههههههههههههه

انا بقى استفدت من المحاضرات بس مش كلها هو بس العظيم الى استفدت منة ال د/محمد على اخ لايقدر ولايعوض بيعاملنا كبشر وطلبة جامعة بجد ربنا يحفظة ويخليلة عيالة ويكرمة.
واكيد لقيت صحاب جدعان قوى انا من النوع الى مش بتفرق معاة السن ف الصداقة خالص بس المهم دماغة سواء بنت او ولد ع محدش يفهم غلط
وبصاخب بغباء اقصد ف الكمية
لدرجة ان لما بدخل المدرج بدرى بقعد اجمع ف المدرجات ع نقعد جمب بعض ودايما مكانا جنب الولاد ع محدش يقدر ياخدة
والدكاترة اما تدخل تسلم ع كلنا وتشرح ف اتجاهنا كان مفيش غيرنا والدفعة كلها كرهتنا
هههههه.
معلش طولت بس بجد الموضوع حلو
انا بفضل صحبية الولد عن البنت بس مجتمعنا الصعيدى مش بيعرف بى كدة للاسف .
انااشتركت ف اسرة المستقبل بس مكنتش عضو فعال فيها.
وعمرى مرحت رحلات لانة من الحجات المرفوضة ف البيت
كفياكم كدة ع متقولوش انى غلسة
ههههه

السلام عليكم
بسم الله ماشاء الله عليكم يا شباب الجامعه ... بجد موضوع رائع والاروع هيا مشاركاتكم ... بس انا ملاحظ حاجه ... الناس بتتكلم عن السلبيات والايجابيات طيب ليه منتكلمش عن اننا اذاي نصلح السلبيات؟ واذاي نزود من الايجابيات ؟
........................
الايجابيات والسلبيات معروفيين للكل للاننا بنعيش مع بعض كل يوم فيها لما ننزل الجامعه
بدايه من المواعيد ال م مناسبه .. والامن ال علي البوابه .. والمدرجات ال مش مناسبه غالبا .. وبعض المناهج التفهة او المكررة ... والكتب الضخمه .. واساليب بعض الدكاتره .. والاهتمام بالامتحانات لا بالتعليم ذاته ... وغياب اي نوع من انواع التعليم الحديث رغم اننا في سنه 2010 .. وحركات بعض الطلبه اثناء المحاضرة ... والمعاكسات ال في الجامعه ال مش بتهدي ... ولبس البنات اللي مش مظبوط بردو ... ومفيش ادني احساس بالمسئوليه من جهة الطلبه ولا الاداريين في الجامعه بنظافه الجامعه ... والكافتريات ال مستواها في الحضيض ... والمواصلات ال مش منظمه اطلاقا مع انه من الساهل تنظيمها ... وايام الامتحانات السودة بما فيها من امتحانات عباره عن حرب بين الدكاتره للمكتبات وبنكون احنا الضحايا ... وغيرها من السلبيات .. اما الايجابيات فهيا اننا احسن من غيرنا والحمد لله علي كل شيئ
......... ممكن تحسوا اني ببص للجامعه بمنظور اسود بس للاسف هي دي الحقيقه ال بنعشها كل يوم في كل سنه دارسيه .. وربنا يستر السنه الجايه

اكيد انا موفقاك يانوبى بس الجامعة مخها تخين

طب الحمد لله اني استفدتو من الدراسه بس ياريت حد يلقي لنا الضوء علي السلبيات اللي في الجامعه

الجامعة فهي جامعة لكل شئ ومن كل شئ لازم نتعلم منها كيف تختار وتفرق بين الصاحب الصديق و الصاحب السوء
الانسان علي خلق والانسان علي غير ذلك فلابد من الاختيار الصحيح فهى جامعة الحياة العلمية لكل طالب لابد من الاستفادة بكل ما فيها من عظات وتعليم ومواهب

اولا انا استفدت كتير من الكليه بتاعتى واتعلمت فيها حجات كتير برغم التعب اللى تعبته فيها
اما الجامعه عامه مجرد وجودى فيها استفاده فى جميع النواحى والجامعه فيها انشطه ومسابقات كتير وحجات حلوه كتير

» حاجات وذكريات
» بصراحه
» قول رأيك بصراحه ؟
» مصر تعتبر الاعتذار الاسرائيلي على مقتل جنودها غير كاف وتوافق على التحقيق المشترك في الحادث
» هل الاعتذاراهانة............أم حسن تربية؟؟؟؟؟؟!!!!!!!!!!