الواحد مكنش متوقع كدا !!!

بسم الله الرحمن الرحيم

الواحد فعلا مكانش متوقع ان اعضاء المنتدي ممكن يتجاهلو طلب مهم حد طلبو منهم وبالزات ان الطلب ده متعلق بالدراسه يعني متعلق بالمنتدي وموضوع المنتدي الاساسي
ياريت ياشباب تركزو شويه اليومين دول فتنزيل مواضيع المحزوف لكل ماده واللي معاه معلومة بالنسبه للمواد ميبخلش علينا بيها وسيبكم من المواضيع اللي متعتبرش مهمه بالنسبه للدراسه اليومين دول ..
وانا شخصيا زعلان من اعضاء المنتدي عشان طلبت محزوف المواد للفرقه التالته وشوفو فاضل كام يوم علي الامتحانات ومحدش عربني
علي العموم شكرا جدا ياشباب كليتنا ...

معلش يا لودا
بس ان شاء الله حد ينزل المحزوف
وربنا معاكي ومعانا

اولا شكرا علي ردك
ثانيا انا اسمي حودا = محمود
هههههههههههههه

ااااااااه نسيت ثالثا انا براهنك لو حد عبر وجاب محزوف

ثالثا اراهنك لو حد عبرنا اساسا ونزل محزوف او حتي مقرر

بص ياااحوده انا فى تالته حقوق بس والله معرفش اى حاجه

ع فكره مع احترامي لحضرتك محدش مطالب انه يجيب المحزوف بتاع اي فرقه
بس الناس الى بتنزل المحزوف دي الناس الى بتحضر
وبتحس انها بتساعد زمايلها
انها تنزل المحزوف و الكلام ده.....
ولو كان ف حد من دفعتك اكيد كان نزل المحزووف والمهم ف المواد الى عليك ده لو كان معاه اصلا
ولو كان في حد من دفعتك كمان.

ومعلومه ليك محدش هيخاف ع مصلحتك اكتر منك......

علي فكرة يا استاذ محمود (مع انك اصغر مني ) انا مطلبتش المحزوف من المنتدي الا لما حسيت ان في ناس ممكن تساعدني علي اساس اننا كلنا اخوات
ثانيا انا مقولتش ان في حد مطالب انو يخاف علي مصلحتي ومقولتلكش خاف علي مصلحتي
وبعدين انا زعلان من عشمي فالناس اللي هنا مش زعلان عشان اي حاجه تاني
وبعد الرد الجاااااااااامد اوي بتاع حضرتك والسخن اوي واللي المفروض ميكونش بالطريقه السخنه اوي دي انا مش هطلب اي طلب تاني عشان متزعلش زي منت زعلان دلوقت

محمود بيتكلم صح محدش هيخاف عليك اكتر منك وحكاية انه اصغر منك دى متفرقش كتير هو موضوع عقلية مش سن احنا اغلبنا فى ثانية ومفيش حد فى ثالثة انت ممكن لو مشوار بسيط لاى حد من اصحابك تجيب منة المحذوف وبس دة كل الموضوع وعلى فكرة اللى ذاكر ذاكر من زمان واللى ما ذاكرش مفيش وقت يذاكر واللى ذاكر من زمان اكيد نسى فانت روح حورس او الفرقان وهات مذكرات الملراجعة وعيش حياتك ولا اية تقبل مرورى اخوك احمد عبدالله

شكرا علي مرورك يااخ احمد
اكيد طبعا محمود لازم يطلع بيتكلم صح
علي العموم انا مش داخل قافيه عشان اطلع انا او اي حد تاني صح وبعدين فكك من حكايه المقارنات والعقليات
لانها لو مساله تفاوت عقليات مكنتش قولت اطلع علي حورس او الفرقان او اتمشي علي واحد صاحبي لاني لو كان الكلام ده كلو فامكاني مكنتش بقيت فالموقف الكويس ده .. لاني مش من قنا يعني صعب اعمل الكلام ده كلو
علي العموم شكرا وياريت محدش يكتب كومنت عشان احتمال مش هعرف ارد عليه لاني ناوي احرم نفسي من المنتدي اللي كل الناس بتقف جمب بعض فيه
تحياتي لكل----------> (الرجااااااااااااااااااااااااااااااااالة)

يا مان براجتك بس فكر كويس لان محدش غلط فيك

مفيش حاجه حصلت يا جماعه صلو ع النبى

ع فكره ياحودا انا مقصدتش ازعلك مني ولا اي حاجه
انا بس حسيت ان بتجيب اللوم علينا احنا هنا ف القسم انه محدش جابلك المحزوف
بناء ع طلبك وانا حبيت بس اوضحلك الوضع الى احنا فيه من حكايه المحزوف دي مش اكتر .
عشان بس متفكرش انه حد مننا اتاخر عليك او انه كان معاه المحزوف مثلا ومرضيش ينزله.
وكلامي ليك كان جاف كده عشان بس تحس بشويه مسؤوليه ف حق نفسك وانك ف الاول ولاخر متعتمدش ع حد.
وانا اسف ليك مره تاني.
واحب اعرفك انه احنا من سن بعض يعني انا مش اصغر منك ولا حاجه......

خلاص ولا يهمك يامحمود حصل خير
وشكرا لكل اللي اهتم بالموضوع

وبكد الموضوع يتقفل ويتارشف