الاستعداد لرمضان

رمضان قرب كلها ساعات ونكون فى رمضان ربنا معانا كلنا ويوفقنا اننا نطيعه فى هذا الشهر الكريم احنا ممكن نجعل من الاشياء اللى بنستخدمها فى حياتنا وممكن نعصى بيها ربنا ممكن تكون مصدر لطاعه ربنا لكن اهم حاجه يكون كل واحد فينا عنده النيه انه يتغير للاحسن من الاشياء اللى بنستخدمها فى حياتنا التليفزيون ممكن نخليه مصدر لطاعه ربنا بدل من اننا نتفرج على المسلسلات والافلام ممكن نتفرج على برامج دينيه تساعدنا فى التغير يمكن من اهم البرامج اللى اتمنى انكم تشوفوها فى رمضان وبالتاكيد هتغيرنا برنامج للاستاذ مصطفى حسنى على قناه اقرا اسمه(مدرسه حب)همتعلم منه ازاى نكون عباد ربانيين وبالتاكيد فى محطات دينيه كتير ممكن نتفرج عليا وكمان ممكن نستخدم الموبايل فى ارسال مسجات لشخص يكون بيحاول انه يتغير زينا ونفكر بعض مواقيت الصلاه والتهجد وقيام الليل والتراويح وبيسعدنا كمان اننانفكر بعض بالاذكار واننا ناخدها فى ميعادها.
لكن اهم حاجه فى كل ده النيه فى اننا حابين نتغير .
احنا ممكن نستخدم شهر رمضان باننا كل رمضان نحاول نتخلص من صفه فينا تكون سيئه وان شاء الله اذا ربنا اراد اننا نعيش هنيجى بعد 4او5 سنين هنلاقى ان فى صفات سيئه بجد احنا اتخلصنا منها.
فى الاخر اتمنى ان كل اللى يقرا الموضوع ده يحاول انه يعمل اللى فيه اويستفاد منه واهم شى النيه.
ملحوظه:.من اهم الاشياء اللى هتنج الموضوع ده عند كل شخص انه يلاقى شخص قريب منه حابب انه يتغير للاحسن لانهم يكونوا مساعدين لبعض وبكده الشخص ده مش هيرجع زى ماكان قبل رمضان وان شاء الله هيكمل طريقه فى الالتزام.