زمن الكوسه هينتهى امتى ؟؟؟؟؟؟؟؟؟

طبعا يا جماعة الموضوع ظاهر من عنوانة لأننا اصبحنا فعلاا فزمن مش قليل خالص عليه انه يتوصف بالكوسة عشان تعبر عن الفوضى الاا متناهيه اللي فيه خصوصا فبلدنا مصر حبيبتنا كلنا اللي هيا المفروض قلب العالم واللي كـــــــــــانت فيوم من الأيام من اعظم الدول تقدما وعلما فكل المجالات سياسيا واقتصاديا وعلميا وكل حاجه

لكن الظاهر حاليا العكس تماااااما

منتهى التدهور والتخلف بردو فكل المجالاات العلمية والسياسية والاقتصادية

والعيب فمين ؟؟

العيب فالمحكوم قبل الحاكم لأنه هو اللي سكت وقبل انه يتظلم قبل انه يكون اقل من غيره

قبل ان حاكم ورا التاني ياخدها كدهو عشان نفوذة

وغيره وغيره

والحاكم اللي بيكون كل همه طول ماهو قاعد انه يلم ففلوس والناس اللي حوليه تكون تبعه وتنصفه ياما تتسجـــــن

طبعا آخر حاجه حصلت حادثة خالد اللي كلنا عارفينها واكيد كلنا اتأثرنا بيها والله بجد ربنا يرحمه ويتولااه برحمته ويكون فعون اهله يعني هو كان عمل ايه عشان يحصله كده وده كله عشان قانون الطوارئ

والتعليم

والله انا كل اما اخد بالي من نظام التعليم اللي احنا فيه بتخنئ واتحسر

بشوف اخواتي الصغيرين واللي بيدرسوه

ولا الناس اللي مبقتش شايفه غير كليه الطب غير كده لاااا منفعشي الواد مستقبله ضاع

ولا الناحية الاقتصاديه

كل يوم والتاني الأسعار غلت طب ما تغلو المرتبات يا جماعه

يعني مثلاا موظف عادي مرتبه 200 جنيه من خمس سنين

تكلفته الشهريه من 5 سنين كانت 200 هو ومراته وعياله ( نفترض يعني )
دلوقتي بئا هو هو المرتب وهيا هيا الحاجات اللي بيشتريها

لكن طبعا الحاجات بئت تمنها 500 جنيه ولاا حاجه

ده هيعمل ايه بئا ؟

يا جماعة بجد لاازم نفوق السلبيات مش دي وبس

اكبر حاجه سلبية فينا احنا جوانا احنا

اولها اننا رضينا باللي بيحصل ده ليه محدش قال اننا بلد ديموقراطي ومش هسيب حقي يروح

لاازم نتغير

كل حد يبدأ بنفسه يقول دي بلدي وبلد عيالي

يعني مثلاا احنا كطلااب

يا جماعة ياريت نتعلم صح واحنا بندرس لاازم نكون بنذاكر عشان نتعلم ونفهم مش عشان نروح الامتحان نفضي الكلمتين وخلااص

لاازم كمان مش نكتفي بالكتاب لا نروح ندور عالنت كمان ونعرف معلومات اكتر واكتر عشان نتساوى بغيرنا

ومحدش يسكت عن حقه بعد كده

خلااااااص

بجد لاازم نتغير لاازم الفوضى دي تنهتي

ممكن حد يقولى اصل استخدام كلمه كوسه فى كل احوال الخراب والواسطه الان

انا معاك فى كل ده
لكن لازم نتحرك ونقول للظلم لااااااااا
حرااااام الى بيحصل ده من تزوير وتزيييييييف وفساااااااد

زمن مبارك هو زمن الكوسه
ولكل طاغيه نهايه

لازم الشعب يقف وقفت رجل واحد ويقول لالالالالالالالالالالا للظلم والفساد والغش. البلد دلوقتى اى حاجه علشان تخلص عاوزه فلوس عاوز تبقى ظابط وكيل نيابه عضو مجلس شعب تتدفع كام كل سلطه وليها سعرها الدنيا كدا انتهت حرااااااااااااااام تقبل مرورى

دا صحيح
والناس سلبيه جدا

معلش يا جماعه الكلام دا مشكلتنا احنا دايما نتكلم نتكلم وم بنعمل حاجه وطبعا الكلام لهيودى ولا يجيب وطول محنا مش بنعمل حاجه يبقى محدش يستنى تغير الاوضاع دي مش هتتغير غير بثوره ثوره بجد ثوره الشعب على الظلم وكل اللى بيحصل لو حصل دا ممكن اقولك ان زمن الكوسه هينتهى
تقبل مرورى

هو دا ........ دايما نتكلم ونتكلم وهنفضل نتكلم المشكله اننا كلنا بنخاف من لا شئ بنخاف من حاجه تافهه
يا سبحان الله شعب بأكمله بيخاف من حكومه لا تتعدى الالف يا سبحان الله
عجبينى قوى شباب 6 ابريل واللى عملوه
امتى هيجى اليوم اللى ننطق ونتكلم من غير اى خوف انا مش بحرض على مظاهرات او بحرض على فلسفه التغير عن طريق التخريب لا انا من اهم الموضوعات اللى كتبتها كان موضوع اسمه ذنبها ايه زنبها ايه مصر لما نتكلم عنها ونشتمها ونبهدلها زنبها ايه علشان كده لو عايزين الصح والحقيقه لازم نكون ايجابيين فى البحث عنها

» طريقة عمل محشى الكوسه على الطريقة الصعديه!!!
» لغاية امتى؟
» النتيجة امتى ؟؟؟
» امتى اخر اسبوع فى المحاضرات
» هترجعى امتى وحشتينى بحبك اوى