مظاهرة للتنديد بجمال ابراهيم

بسم الله الرحمن الرحيم

الاخوة الكرام......... طلبة و طالبات كلية التجارة
""""""""""""""""""""""""""""""""""""""""""""""""
كفـــــــــــاية جبن وخــــــــــوف ويلا بينا نكون ايد واحدة "تذكرو ثورة 25 يناير"
واية ال حصل لما اتحدو مع بعض عملو اية .......قلولى عملو اية !!!!
لذالك اناشد جميع طلبة وطالبات كلية التجارة بعمل مظاهرة حاشدة فى اقرب وقت لاقالة العميد
" جمـــــال ابراهيـــــــم " فوراً فى ظل الحريات السائدة الان.
والله ومتخفوش على الترم والنتائج كل دة هيكون فى مستوى يليق بينا وكفايا استعباد من الدكاترة
تحل كد ما تحل لا يرضيهم!!!!! طب نعمل اية !!!!!!!!!!!!!!!!!!!!!!!
اذن حان وقت المظاهرة المظاهرة المظاهرة الان لاذالة رموز الفساد امثال جمال ابراهيم وامثالة.
لذالك يجب على الكل ان يرد حالاً ويقول رئية الان موافق ولا لا .علشان نقوم بالمظاهرة وانا اولكم.

السلام عليكم
ممكن حضرتك تكون صح ...........
بس انا ضد اى مظاهرة ضد دكتور جمال لانى مشفتش منه اى حاجة وحشة على العكس كان معانا فى منتهى الاحترام...............
على فكرة ليه حضرتك ساكت المدة دى كلها لوانت شايف فساد مفروض انك تتكلم ولو على رقبتك
"الساكت على الفساد يبقى فاسد"
ووتفضلوا بقبول كامل احترامى

شكرا

شكرا

انا عايز بس تقولي الدكتور جمال ابراهيم عمل ايه
من ساعت ما بقي عميد والنتايج فل بالنسبه لمواده

راجل محترم وبيعرف يتكلم وفاهم اختصاصه

اولاً ... انا مش عايز اخل بأمن الكلية ولا حتى الجامعة وانا فكرتى عن المظاهرة ماهي الا تعبير عن رئينا
وبس... لاكن د/جمال طول عمرة ميحبش اى حد يكون اعلى منة . تقديرته كلها مقبول وبس مع العلم بوجود قلة بجيب معه تقدير" جيد او او جيد ج" انا طالب انتظام وبحل مش هتصدقو من كل حرف بيقولو لاكن اخرى مقبول مش عارف لية !!!!!!!!!!!!!!!!!!!!!!!!!!!!!!!
انا بطالب بان يتقى ربنا ويحسن فى اعطاء التقدير الحقيقى للطالب.وبلاش تنحية
طالما انتو زعلانين اوى.وبلاخص الاخت"زملكوية"
................ومن الاخر خلاص انسو الموضوع دة نهائياً شكلها الثورة مغيرتش .

خلينا زى ما احنا حلوين ناخذ على راسنا ونقول "امين"

السلام عليكم
احب اوضح حاجه للاخت زمالكويه انتى بتقولى انك مشفتيش حاجه وحشه من الدكتور جمال
تعالى شوفى شكل الامتحنات اللى بيجبها وكمان الاسئله اللى بيديها فى الامتحان شكلها ايه
انا مظنش انك مقتنعه بالكلام اللى بتقوليه دا او ممكن يكون خوف منك او عدم توجيه اى كلام للدكتور بس صدقينى الدكتور جمال من اكتر الناس اللى بتظلم الطلبه فى كل حاجه ... نتيجه السنه اللى فاتت اعتمدها على 45% رغم انى دا مش واجها للجامعه يعنى بيلغى مستويات الطلاب وبيلغى التعليم فى كليتنا طب كل دا ليه
انا بتفق من ماجك وانا هكون من مؤسسين الثوره عل الدكتور جمال ابراهيم
وتقبلوا وافر الاحترام والتقدير

السلام عليكم
اولا والله انا مش خايفة من الدكتور جمال انا لااخاف الا من الله
ثانيا انا طالبة فى ثانية انجلش وعايزة حضراتكم تشفوا نتيجة الدكتور جمال بتاعة السنة اللى فاتتت سنة اولى الترم الثانى وشوفوا كام واحد جايب امتياز فى المادة بتاعته وكام واحد جايب جيجد جدا فى المادة بتاعته والنتيجة عامة وامتحانات الدكتور جمال ممتازة يعنى هو حضرتك عايزه يجيب امتحانات تافهة ..مش معقول
واخيرا وبعد ده كله وبعد معاملة دكتور جمال لينا عايزنا نطلع فى مظاهرة ضده وانا باطلب من كا واحد سواء مع الدكتورجمال او ضده ان يدعى له بالشفاء وتفضلوا بقبول كامل احترامى وتقديرى
والسلام عليكم ورحمة الله وبركاته

ياجماعة انا بقول الى بيحضر لجمال هوه الى بيفهم محاضراته ويعرف ايه امتحناته
لكن الى موش بيحضر بيحس انه جاب الامتحان صعب
ودى وجه نظرى
وتقبلوا مرورى

السلام عليكم


والله يا جماعة مفيش احسن من جمال ابر اهيم يبقي عميد
رغم والله نزلني في مادتين لما كنت في سنة اولى
بس بصراحة والحق يتقال انة مفيش حد احسن منة يعرف يمسكها
وتقبلوا احترامي

السلام عليكم ورحمة الله
اولا :اسال الله العلى العظيم ان يشفى كل مريض امين يارب العالمين
ثانيا : انا ياخواننا هحكيلكم على موقف من د/ جمال ابراهيم فى اول محاضرة ليه على ما اعتقد السنة اللى قبل اللى فاتت مع سنة تانية تجارة انتساب
الراجل ده اول ما دخل اول محاضرة اول حاجة مردش السلام على البشر اللى فى القاعة.....
تانى حاجة:اول كلمة قالها: انا عارف انى بينكم فى ضحايا من ضحايا السنة اللى فاتت......(اوعدكم.......السنة ده هتبقى مذبحة ).......وبدا المحاضرة بعد كدة
ووالله السنة ده كانت مذبحة بالفعل ....واللى جاب تقدير معاه كان ضعيف واللى كان بيذاكر طول السنة جاب مقبول ودول اتعدوا على اصابع الكفة الواحدة فى السنة ده......وياريت حد يكون حاضر المحاضرة ده ويفتكرها معايا

يا اخواننا عايزين مطالب تنفع الجامعه كلها

عايزين نحط نظام تقييم الدكتور من قبل الطلاب
يعني دكتور زي علاء تاج لا بيشرح ولاهم يحزنون والامتحان اصعب من قرن الخروب

بطلوا هبل مش كل واحد يركب الموجه جمال كويس وبيعرف ربنا مش زى ناس تانيه تحس انك ارفان من الكلام البارد الى فى المحاضره انا على فكره اخرى مقبول معاه عشان نحدش يقول انى بدافع عنه عشان التقدير فكروا بقلكم مش بمنطلق انا اقدر انكد على اي حده كده وخلاص

عندك حق يا همس النور هو كل واحد عايز يعمل مظاهرة علشان حاجه مش عاجباه
سيبو الراجل ف حاله خليه ياخد فترته وشوفه ايه هيعمل فيها
ولو مش عمل حاجه تنفعكم يبقى اتكلمو وروح قابلوه اكيد مش هيمانع
ولو مش نفع الحوار اعملو اللى انتو عايزينه
بس الاول جربو علشان كده انتو بتعجزه بالظبط زى الشعب وطلباته الكتير
بتعجز القوات المسلحه

السلام عليكم
على الفكره انا معاك ان فى ظلم وفى فساد فى الكليه والجامعه بشكل عام بس المشكله مش فى الدكتور جمال ابراهيم بس لا المشكله اكبر من كدا بكتير دكتور جمال رغم صعوبه امتحاناته الا انه على الاقل بينجح ولو بمقبول لكن المشكله فى نظام الكليه كله
وعلى فكره كل واحد ليه وجه نظر لابد ان نحترمها..

واللهى اهوه الدكتور جمال ساب العمادة فخوفى من الى جاى لانه حس باهانة من الطلبة

ربنااااااااااااااااااااااااااااااااا يستر

الى متعرفهوش انه لما اتهن من الطلبة قدم استقالته
وربنا يلطف بينا احنا الطلبة

ياااااااااااااااااااااااااااااارب وياترى مين الجديد

الدكتور عبد الفتاح هاشم نائب رئيس الجامعة
اصبح مشرف على كلية التجارة

دكتور جمال والله يا جماعه احسن من ناس كتيررررررررر والدكتور جمال مش حيسكت على الاهانه دى وحيظبط الطلبه فى نتيجه مادته وده بيدينا الترم ده اقتصاد ادارى

وعشان كده لازم نرضى دكتور جمال باى طريقه وعيب الى عملناه مش عيب ان احنا نعمل ثوره على الظلم لكن العيب ان احنا نعمل ثوره على شخص ملهوش ذنب فى الى بيحصل ممكن حد يقولى ان قبل ما يبقى دكتور جمال العميد كانت النتيجه ازاااااااااى؟؟؟ مكانتش احسن من كده بالعكس .. عشان كده لازم دكتور جمال يعرف ان انا مش معاهم

واللهى كلامك معقول جدا ولازم تبقلنا وقفة

وياترى مين معانا تانى؟؟؟؟؟

ندور واكيد حنلاقى