(المكرونه بالدجاج والبشاميل)

السلام عليكم ورحمة الله وبركاته

انا جيبالكم النهاردة المكرونة بالدجاج والبشاميل اتمنى ان تنال اعجابكم

المقادير
___

كيس مكرونة بالبشاميل
كيلو دجاج مسلوق
ملعقة كبيرة زعتر
ملعقة كبيرة ريحان
نصف ملعقة صغيرة ببريكا
البشاميل :
2ملعقة كبيرة زبدة
2ملعقة كبيرة زيت
4ملعقةكبيرة دقيق
3 كوب حليب
6قطع جبن كيرى
1ملعقة صغيرة ملح
ربع ملعقة صغيرة فلفل ابيض
الطبقة العلوية:
1كوب كريمة
2حبة بيض
1ملعقة كبيرة بقسماط

الطريقة
_____
نتبل الفراخ بالزعتر والببريكا
نسلق المكرونة ونحط على ماء السلق ملح وزيت
نعمل البشاميل نحط الزبدة على الزيت ونحط الدقيق ونقلب بالمضرب لحد ما الدقيق يصفر شوية ونصب اللبن مرة واحدة ونقلب ونحط ملح وفلفل ابيض ونقلب لحد ما يتقل معانا ونحط جبنة رومى او موتزريلا على البشاميل واحنا بنقلب
نحط البشاميل حوالى كبشة فى قعر البيركس ونحط شوية على المكرونة وهى سخنة شوية يشاميل
نحط نصف المكرونة فى البيركس وبعد كدة الفراخ وبعد كدة المكونة ونحط البشاميل الباقى
نحط البيض على الكريمة ونخفقة ونحط رشة ملح نحطة على وش المكرونة وبعد كدة نرش البقسماط لحد ما تحمررر جربوها يابنات كلمة رووووووووووعة قليلة عليه

وتقدم بألف هنا وشفا

الله يسلمك يا قمـر

شرفنى مروركـ