نموذج امتحان كلية الطب الفرقة الأولى

وزارة التعجيز العالي عالي
المادة : بيوأناهسفستولوجي الجامعة اللي حتقهرك
الزمن : ساعة واحدة من بداية اللجنة كلية قصر آه يا عيني ( تأخير المراقب بيتحسب عليك )
انستركشنز:
1- تأكد أن الاختبار 200ورقة شعر ودقـن....أصدي وش و ضهر.

2- لايصرف إلا دفتر إجابات واحد, ولو عامل فيها فكيك اكتب باقي الاجابة على إيدك وتعالى مع المراقب لرئيس القسم عشان يعتبرك غشاش.

3- ممنوع تسأل عن أي حاجة في الامتحان لأنك مش أحسن من اللي حاطط الامتحان(ولو حتعمل دكتور حنقولك دكتور على نفسك برا يا ......) انت عارف.

4- ممنوع تبص على ورقة زميلك لأنه متسوح زيك.

5- سمي قبل ما تبدأ ( زي ما رئيس القسم سمى عالدفعة ) واقرا الفاتحة و المعوذتين و آية الكرسي و سورة يس (ولو معاك وقت يفضل تعمل ختمة ).

6- اكتب أول 3 أو 4 أرقام من اليمين ( عشان ميجيش دكتور يعيدك السنة أدامك زي ما كان حيحصل مع المؤلف )

7- يلا بالسلامة.

!ملحوظة : الامتحان كله بالعربي ولا حرف انجليزي لأنها لغة الآباء والجدود وجدود الجدود

1.2.3.......يلا لجنة أوبا

السؤال الأول: 1- أول سؤال عبارة عن........... (امسكيو - امسك حرامي - سؤال سخيف - انيوميريت )

2- الدكتور الشاطر بيلبس.......... ( أديداس - بالطو - كوتش - ساعة حائط ) 3- لما تبقى في سنة ساتة حتقول....... ( لاحول ولاقوة إلا بالله - قسم أبقراط - إن عشنا - هيييه .... حبقى دكتور )

!ملحوظة : انت فاكرني أهبل؟ طب والله لأطحنك في الأسئلة الجاية.

4- عدد الجرانيولز في الايزينزفل........ ( 10000 -20000 - 30000 - حعد وأقولك)

5- واحد عملوله تحليل دم لقو نتايجو: ام سي في : 210 ميكرون مكعب ام سي اتش : 0,019 بيكوجرام ام سي اتش سي : 93 % يبقى هو عنده......... ( أنميا منجلية - تسوس في سنانه – تكور دم – يروح ينتحر أحسن )

6- كلمة ( ريسبكتفلي ) اللي في كتاب البيو تعني على ....... ( الأقل – التوازي – الاحترام – نفسك )

7- الدكتور الملقب ب" الدكتور النائم " في مدرج سبعة إلى جانب لقبه "صقر القصر العيني" ( عمرو واكد – شبيه دكتور رشيد – اللي بيلبس ساعة كبيرة – اللي كوتشه أورانج )

8- كل ده من صفات المونوسيت ما عدا ......( مش محببة – موجودة في الكتاب – تعتبر من اللوكوسايتس – نواتها شبه الكلية )

9- ايه العضلة اللي لو شدتها الجثة ممكن تصنج في إيدك ( الأبر ليمب – اللور ليمب – الايربيننا – الكاردياك مصل )




السؤال الثاني : كمل باللي انت عاوزه:

1- حنا اللي نستنا...........,............ميستناشي.
2- النافورة اللي أدام شؤون الطلبة بايظة عشان..............
3- عدد الديجتز اللي طالعة من الديجيتورم هو .................
4- الريسبتور المسؤول عن الزهق هو ..................
5- نوع الأيزوميرزم اللي بين الإن أسيتايل جلوكوزامين سلفات و الأولييك أسيد هو .............

السؤال الثالث:انيوميرات بص في ورقتك!!!!!!!!

1- 30 حمض أمين اسنتيال ونون اسنتيال.
2- 25 أكشن لعضلة الدراع.
3- 50 بلاس مارك على صباع رجلك الصغير.
4- 110 من الأدوية المستخدمة لعدل الدماغ.

!كمان ملحوطة : انت لسه شفت حاجة؟ ده أنا بهرج. خش بقى عالرتن يا خفيف هاههاهاها.

الأسئلة الرتن :
1- رص الأسئلة اللي دكتور ناجي ( مش ألبرتو ) قال عليها نظري مهم أس ألف.
2- الميكانزم العصبي و الهرموني لطهقان الانسان من عيشته ومن كل حاجة ومن كليت ومن سلاطاته و بابا غنوجه.
3- اذكر وصف هستولوجي مفصل لجميع التشوز الآتية ( ابيثليال – مسكولار – ليمفاتيك – كونكتف – نيرفاس ) كفاية عليك كده.


حل مشاكل: ايه : ولد كان بيلعب كورة مع صحابه و كان هو الجون فجأة واحد شاطله كورة ضعيفة عدت من بين ايديه و رجليه فواحد من فريقه مسكه رنه حتة علقة , الواد روح اتعمى و اصنج و رجله اكسرت والواد مروح خبطته عربية . فالواد نام مكانه و متحركش.
1- النرفات اللي حصلها إنجري مع ذكر نتايج كل نرف.
2- نوع السيارة اللي خبطته و رقمها.
3- مهنة أبو الواد اللي ضربه و رقم بطاقته.
4- اسم الدكتور/ الطالب اللي كتب " ألجو" في مشرحة ب .

5- انيوميريت عشر أسباب خلت الولاد ميحوشوش الضرب. بي : راجل كبير معجز عنده 170 سنة قبله وجعه حبتين فراح للدكتور فعمله أشعة على حجرات قلبه لقاهم إيجار جديد حجرتين و صالة فقاله الدكتور : خد نفس عميق فلما الراجل خد نفس صرخ من الوجع أكتر ماهو موجوع. فالدكتور قاله : لااااا......ده أنت كويس وعال أهه.
1- هو كويس من أي اتجاه؟
2- ايه الوصفة اللي خلت الراجل يعمر كل ده واهه صحته بومب أهه؟
3- عدد أحفاد الرجل ( ولاد ماتو )وأحفاد أحفاده اللي قاعدين معاه في الشقة؟
4- هو الراجل عنده أثيروسكليروزيز؟طب ليه؟ 5- اذا اعتبرنا أن الراجل عايش لحد مانا بكتب السؤال, احسب الهارت ريت اذا اعتبرنا إن بيتر بيبيع الهوت دوج مكس بخمسة جنيه. !ملحوظة : حجيبلك الإيه سي جي بتاعته فور وصولها من لندن بالبريد.

بس خلاص

هههههههههههههههه
ميرسي ع الامتحان الجامد ده
يبقي كده مفيش سنة اولي السنة الجاية

شكرا على مروركم اللطيف يا دكتورة هابى انت وsheraz

هههههههههههههههه
هى كدة الامتحانات ولا بلاش
ع الاقل الواحد حيضمن حاجة
انة حيقعد ف اولى كام سنة كدة هههههههه

اسعدنى مرورك روز
شكرا على ردوكم يا دكاترة

في البداية احب اقول ان دي فكاهة محصلتش واحب كمان اطمنك طالما الدكتورة تحية ورانايبقى ان شاء الله هنعدي بس بعد الفين سنة لان احنا مضينا تعهد على نفسنا مش هنطلع من الكلية قبل ماهي ما تطلع من الدنيا
ربنا يدينا ويديكم طولة العمر ان شاء الله واشوفكوا دكاترة ناجحين
ياررررررررررررررررررررررررررررررررررررررب

dr virus كتب:

في البداية احب اقول ان دي فكاهة محصلتش واحب كمان اطمنك طالما الدكتورة تحية ورانايبقى ان شاء الله هنعدي بس بعد الفين سنة لان احنا مضينا تعهد على نفسنا مش هنطلع من الكلية قبل ماهي ما تطلع من الدنيا
ربنا يدينا ويديكم طولة العمر ان شاء الله واشوفكوا دكاترة ناجحين
ياررررررررررررررررررررررررررررررررررررررب

اول سؤال لازم اسأله انتى تعرفى الدكتورة تحية منين
هو انتى لسه داخلة اولى صح
وربنا يسمع منك ونطلع كلنا دكاترة بس ناجحيييييييييين

ياريت الامتحان تكون كده على الاقل الواحد
هيعرف يحشش فى الاجابات

وبالنسبه للدكتوره تحية فانا اعرفها وانا فى تالته اعددى