القانون الخاص بطلبة انتساب

الموضوع دة مش بيد الجامعة دة قرار على مستوى الجمهورية

اولا يا تينا بجد ميرسي علي مرورك بس انا نفسي اسألكم سؤال هي القرارت اللي بتتاخد في البلد دي مش المفروض منها مصلحتنا يا تري انتو شايفين ان ده فمصلحتنا ويا تري يا تينا هو احنا علي طول كده القرارت هتطلعلنا فجأه ومنقدرش نعمل حاجه ؟

بس احنا لو وقفنا ليد وحدة هنغير كتير ومسمعتش اخر الخبار لو ليك حد فى الجامعة واسطة يعنى هتدخل الجامعة وتحضر كمان براحتك دة انا شوفته بعينى انهاردة

mohamed a.elwahed كتب:

اولا يا تينا بجد ميرسي علي مرورك بس انا نفسي اسألكم سؤال هي القرارت اللي بتتاخد في البلد دي مش المفروض منها مصلحتنا يا تري انتو شايفين ان ده فمصلحتنا ويا تري يا تينا هو احنا علي طول كده القرارت هتطلعلنا فجأه ومنقدرش نعمل حاجه ؟

شوف يا محمود أنا شايف أن القرار ده في مصلحة الجميع و طلبة إنتساب قبل أنتظام أنت كنت بتشوف الأعداد في الدفعة و هما داخلين مدرج زي ( مبارك ) وده من أكبر المدرجات في الجامعة و في محاضرات مكانش المدرج بيكفي الطلبة يعني لو واحد عنده برد عادي و(عطس) عفوا ممكن تلاقي المدرج كله اتعدي فما بالك لو واحد عنده الفيرس دون أن يدري يبقي أيه الكلام
وعلي فكرة القرار بألغاء حضور طلبة إنتساب موجود قبل الدراسة بحوالي 15 يوم و كان في شد وجذب و خصوصا في كليات (التجارة و الحقوق والآداب) جامعة القاهرة وذلك لقيام جامعتهم بألغاء حضور طلبة إنتساب و قصر محاضراتهم علي القنوات التعليمية وجعل ساعة واحدة في اليوم من الساعة (8 مساء الي 9 مساء ليتوجه طلبة إنتساب لسداد الرسوم وتوجيه أسئلة الي الدكاترة في ما شرح عليهم هذا اليوم في القنوات التلفزيونية
يعني جامعتنا أحسن بكتير في تخصيص يوم كامل لطلبة كل فرقة من فرق أنتساب

بوجه شكر خالص للزميل مشرف كلية حقوق بس انا عاوز اعرف حاجه لما هو زي مبتقول انو من 15 يوم ممنوعين التكتم علي القرار ليه بقي واعتقد لو كانو اعلنو عنو صدقني ياخي كنا هنعرف باي طريقه
انما مره واحده كده يقلك انت ملكش محاضرات ده اولا ثانيا بقي اه كنت بشوف التكدس بس دلوقتي كلية التجاره مثلا ليها المبني المخصص ليها دي حاجه الحاجه التانيه كان ممكن تتنظم علي الاقل يكون لانتساب يومين في الاسبوع مش يوم واحد تالت حاجه انو حتي وان كان القرار طلع مكنش المفروض يمنعو طالب من دخول جامعته ولا هما ميقدروش يسيطروا علي الناس اللي داخله المحاضره لان كلنا عارفين الجامعه هي المركز الرئيسي الواحد بيعرف المعلومات منو وكمان بيقدر يجيب اي ورق او اي حاجه هو عايزها الحاجه الرابعه بقي بالله عليك يا شيخ والنبي اول متطلع قناه لجنوب الوادي ان شاء الله في الالفيه الجديده ابقي بلغني !!!!!!!!!!!!!!

نسيت اقلك ياخي يعني هما طلاب انتظام دلوقتي مرتاحين واعدادهم قليله ومشغليلهم المراوح بقي وكل واحد قاعد فمكان مخصص ههههههههههه لو حسبتها هتلاقيها واحد بس انا في حاجه غريبه مش قادر اوصلها في الموضوع ده عموما زي مقلت ربنا قاعد وحسبي الله ونعم الوكيل

معاك في كل الي بتقوله

على فكرة كما ن طلاب انتظام اتعملهم حاجة جديدة مش الدفعة كلها هتعقد فى مكان واحد هيقسموهم لى 3 دفعات بحيث الدكتور هيشرح فى مكان واحد والمكانين التانين الطلبة هتشوف المحاضرة من خلال شاشة كبيرة دى اخر الاخبار اللى اتقالت فى الجامعة

احب اوضح حاجة مهمة الجامعة ماغلطتش فى القرار دة لانى لو هتتاخد قانونى يبقى طلاب انتساب ممنوع حضورهم المحاضرات لانهم زى منازل

والله المحاضرات لو تتعمل على الفديو كونفرنس تبقى جميله جدا عشان الزحمه مش بتخلى الواحد يركز فى الشرح

يا تينا يعني القانون قال ان طالب ميدخلش الجامعه ؟

واحتج مين يا عم اذا كان كل واحد بيقول يلا نفسي بتوع انتظام سدقو ملقوها يلا اللي فيه الخير يعملو ربنا وعايز اقلك يا تينا طب ليه من الاول مكانوش ممشينها منازل ودلوقتي حبو يخلوها منازل هنقول علشان انفلونزا الخنازير هقلك اه في قانون بس كان القانون ماشي بنظام انو في تسهيل لطلبة انتساب يكون ليهم محاضرات انما يجوا مره واحده يقلك لا انتو ملكمش وكمان متدخلوش الجامعه !!!!! مش هو ده الحل اساسا وثم انك يا king فاكر ان الايميلات دي بتعمل حاجه يا مان انت هنا مش في الولايات المتحده انت فمصر ههههههههههههههه يعني لو بعت شكوي او اي حاجه لو كان في حد اساسا بيدخل علي صفحة الشكاوي يبقي كويس يلا هنقول ايه لا اله الا الله محمد رسول الله

tena كتب:

احب اوضح حاجة مهمة الجامعة ماغلطتش فى القرار دة لانى لو هتتاخد قانونى يبقى طلاب انتساب ممنوع حضورهم المحاضرات لانهم زى منازل

السلام عليكم ورحمة الله وبركاته
اسفه أختى تينا بس فى فرق بين انتساب عام وانتساب موجه
الانتساب العام هو اللى مش من حقه المحاضرات
لكن الموجه زيه زى الانتظام بس الفرق ان مجموعه كان اقل عند دخوله الجامعه
فبيدفع اكتر هو ده مفهوم انتساب موجه