ارفع راسك وقول انا من جنوب الوادى

بشوف كتير من الطلبه متعقدة من الاسم دة على الرغم من انه شرف لاى حد يقول انا من جنوب الوادى وده بلاقيه لما الاقى البعض يحرف (جنوب الوادى )الى الفاظ مش عارفه ازاى يستحمل انه يقولها على مكان هو فيه واصوله منها سواء الجامعه وهو المجتمع الصغير وجنوب الوادى المجتمع الكبير الذى منه اجدادنا بجد انا فخوره جدا بالكلمه دى وبقولها بكل ثقه وانا رافعه راسى علشان واثقه كويس ايه هى جنوب الوادى واكيد احسن من اماكن كتيره فى مصر انا مش هقول اكتر من كدة بس لما انت تقول كدة وانت صاحب المكان يبقى الغريب لما يقول منزعلش لانك انت اديت الفرصه دى وياريت اسمع ارائكم ووجهات نظركم

أنا معاكي يازيزي علي كلي اللي بتقوليه وانا فخور ان انا من جنوب الوادي وبالاخص من قنا ومن الاشراف بس حكاية الجامعة دي انا لسه مش فخور بيها أوي عشان هي لسه محتاجة حاجات كتير عشان تبقي جامعة بجد وفي الحقيقة الدكتور عباس منصور بيسعي بكل جهده لعمل جامعة بجد عشان ابناء جنوب الوادي يكونوا فخورين بيها حتي لما يطلعوا رحلات يقولوا اننا من جامعة جنوب الوادي بقلب جامد

ياشيخة حرام عليكى جامعة اية دى اللى نفخر بيها
بقى بذمتك الواحد علشان يروح من مبنى التجارة لمكان تانى يجيلوة ضربة شمس حاجة قرف الكليات محدوفة بطريقة وحشة خالص اية دة ولا مية عدلة وبهدلة وتراب مالى المدرجات كاننا دخلنا مكان مهجور
واللة كمان مكاتب الشئون جنب الحمامات وتقوللى نفخر كتر خير اللى بيشغلو فيها
وماتقولليش كل مكان فى كدة جامعة اسيوط غير كدة خالص كفاية المواصلات اللى فى الجامعة

عندك حق ياتينا في كل اللي بتقوليه عشان كدة انا بتكسف ان اقول انا في جامعة جنوب الوادي لما أكون مع اصحاب في جامعة أسيوط والقاهرة وخاصة ان الجامعتين دول لما بدخلهم حاجة جامدة جدا مفيش وجه مقارن بينهم وبين جامعتنا اللي احنا بنتكسف منقول اسمها قدام بعض اصلا

معلش يا زيزي دا مكان التوبيك
علشان كلنا نتاقش فيه مش بس طلبه تجاره

والله انا عن نفسي بقول انا جنوب الوادي وانا مكسووووفه اوي
اكتر حاجه بتخليني يعني فرحانه اني ف جامعه اني عرفت بنات عساسيل هناك بروح اقابلهم غير كدا لا
كفايه الشمس والزحمه والموصلات مفيش حاجه كويسه بس تقريبا ربنا يعدي الايام بتاعه الكليه ع خير

انا معاكم بس الشمس مش ذنب الجامعة مثلا والموظفين مش كلهم لكن بعضهم مش شايف شغله كويس يبقى بردو مش عيب الجامعه دة عيب اللى فيها اما بالنسبه لبعد الاماكن جنوب الوادى من اكبر الجامعات مساحه فى مصر هو المفروض تكون فى وسيلة مواصلات ودة دورنا احنا (الطلبه)ان نقول لا على حاجه احنا مش عايزينها او على حاجه احنا عايزنها وبالنسبه للميه الميه اتعدلت اخر السنه اللى فاتت يعنى كنا بنشتكى من حاجه واتصلحت والتراب مسؤلية الفراشين اللى بردو مش شايفين شغلهم كويس واللى بياخدو عليه مرتبات بس الجامعه نفسها كمكان ان بفخر بيه

مش فاهمة قصدك ازاى الجامعة كمكا ن دى حاجة ماهمنيش شخصيا قد ماهيهمنى اللى فى الجامعة نفسها
على العموم دى وجهات نظر واسفة لردى الصعب المرة اللى فاتت بس بصراحة دة كلة من اللى بيشوفة

انا معاكى يا زيزى فى الى قولتية كلة وانا فخور جدا انى فى جامعة جنوب الوادى بس هو فى حجات لازم تتعدل فى الجامعة يعنى مثلا الجامعة مساحتها كبيرة جدا يعنى انا كلية تربية رياضية عشان اوصل كليتى بيطلع عينى فى الماشى والشمس يعنى لو اتحلت المشكلة دى تببقى بجد حاجة كويسة جدا لكن انا كاجامعة انا فحور جدا بيها
كفايا ان فى اى معسكر انا بطلعة وبقابل شباب جامعات مصر كلها مش عارف اقولك كمية الاحترام لطلبة جنوب الوادى من كل الجامعات يعنى معنى كدة ان جامعتنا متميزة والحمد لله ياجماعة المفروض يكون فى احترام للمكان الى بندرس فية والى بتاخد منو شهادتك يعنى عيب اوى انك تغلط فى جامعتك ومتكونش فخور بيها

نفخر باية
يا جماعة والله روحت جامعة المنيا والله تحفة وملهاش حل وجميلة وكل الاراضى مستغلينها واى يعنى لما تكون عندنا اكبر مساحة ومش مستغلينها

والله الجامعة حلوة مش وحشة

جامعه ايه دى اللى اقول انا فيها

انا ببقى مكسوفه اوووووووووووووووووى وانا بقول انى ف جامعه جنوب الوادى

افتخر بايه حرام عليكى

هههههههه ده بدون ما ارفع راسي دي جنوب الوادي يعني افضل جامعه في مصر كلها بتتكلم في ايه يا جدع[img] [/img]

و الله الجامعه حلوه بس بتخنق شويه

انا مش عارف الولاد والبنات مكسوفين ليه من جنوب الوادى
وانا باقترح اننا نعمل دعاية لجامعتنا مع منتديات الجامعات المصرية

على فكرة مش هتحسوا بحلاوة الجامعة غير لما تتخرجوا تتمنوا انة الايام ترجع تانى بجد

عايزين نعمل دعاية لجامعتنا مع باقى الجامعات

ههههههههههههههههههههههههه
جامعه تانيه
بس هى بترفع من روحنا المعنويه
هات الكريك يا مولانه وارفع

ههههههههههههه يا تيتو