ارفع راسك وقول انا من جنوب الوادى

هههه لا انا عمري ما هفتخر انى في جنوب الوادي بجد جامعة زبالة اوى بس التنسيق مش بايد حد والحمد لله على كل حال .
ونااايس توبيك

يا جماعه بغض النظر عن المشاكل اللى فى الجامعه عيب علينا لما احنا اللى نغلط فى جامعتنا احنا نطرح المشاكل ونحاول نقترح حلول للمشاكل دى وبعدين كفايه لما تطلع معسكرات لو طلاب الجامعات التانيه ومش حاسينا محترمين جامعتنا هما مش هايحترمونا وبعدين زى ما فى حاجات مخلياك تتكسف من جامعتك فى ايجابيات كتير تخليك تفخر بجامعتك وعيب اوى لما نتكلم بغلط او اسلوب وحش وانا راى الزميل اننا نعمل دعايا لمنتدى جامعتنا فى منتديات الجامعات المصريه والعربيه

ايه يا زيزى
يا عم ده فى ناس لما يسالونى على جامعتى
اقولهم جامعة جنوب الوادى
مايعرفوهاش
ولا كانهم سمعوا عنها قبل كده

ممكن يا شاب من حقوق تقولى
1
2
3
من الايجابيات الكتير اللى فى جامعتنا
الاداره ولا هيئة التدريس ولا مبانى الجامعه ولا المشوار اللى بناخده لحد ما ندخل للكليه
اقولك
اهم ريحونا من كل ده ومنعونا من الدخول
ههههههههههههههههه

ماشى ارفع راسك ياعم بس حاسب انت وبترفعها لتتخبط فى حاجة ههههههههههه..................خلينا واقعيين احسن

على فكره انا قولت لازم نفخر بجامعتنا وحتى ان كانت فيها سلبيات كتير احنا نحاول نغير فيها ندى صوره حلوه لجامعتنا بره على الاقل احسن من الكلام اللى بتقولوه دا وبعدين على فكره اصحاب حضرتك اللى ميعرفوش جامعه جنوب الوادى العيب فى معلوماتهم هما مش فى جامعتك انتا عارف الجامعه بتستقبل وفود جامعات مصريه وعربيه كام مره فى السنه يعنى الجامعه معروفه وبعدين المساله مش ارفع راسى ولا انزلها لا نحاول نقول كلام كويس فى حق الجامعه علشان لما نحترم اسم الجامعه هنا الناس تحترمنا من الجامعات التانيه.

انا خذت فكره عن جامعه جنوب الوادي من كلامكم دلوقتي وشفت الاغلبيه مش حاببها وانها مش كويسه في نظرهم
رائي زيك يا shab men hokok انه لازم تنقلو صوره حلوه عن جامعتكم للناس الغرب
مرسي للتوبك

لية يا جماعة الجامعة مش وحشة اوي كد ؟
وانا مع شاب ف اللي بيقولة

مساحة اي طيب منا كنت فجامعة القاهرة ومساحتة جامعة القاهرة مش تيجي حاجة ف مساحة البعيدة دي انشالله يضربها زلزال ف يوم اجازة يا رب
قولو امين
بحس كنت ان نازل فسحة فالجامعة جناين حلوة بنقعد فيها كافيتريات ايشي العمدة والجوكر والجلاب ومشروبات واكلات ولا فندق 5 نجوم

كل مساخة فالجامعة مستغلينها

لكن جنوب الوادي ابص من شباك المدرج الاقي خرفان بتتمشى
انا ورايح الامتحان طبع ف منفى اسمو مخيم الاقي فيران وسحالي طالع من وسط ال مسمينو زرع

وكلو كوم ومكان الامتحان كوم
مخيم والهوا بيضرب فينا وعواميد الخشب ال مثبتين بيها بتقع
فيش بنشات نمتحن عليها جايبنلي كرسي منو فيه امتحن عليه
الواحد يكون دهرو مكسور من المذاكرة يجي ع الكرسي والخشبة ال فيه يجيلو تمزق ف الدهر

والله لينا الجنة هنتحدف حدف

نهاركو ابيض

ابص من شباك المدرج الاقي خرفان بتتمشى



الكلام دا موجه لطلبه جامعتك اللى انت واحد منهم اللى المفرضو احترامك ليهم فى كلامك احترام لنفسك

بلاش نتكلم كدة عن الجامعه حتى لو كانت مش حلوة لان فى ناس مش من جامعه وعمرهم ما شافوها اصلا وهم من جامعه اليكس فبلاش توصلولهم صورة وحشه انا عن نفسى مبسوطة انى كليتى مش جوة وفى الاول واجمل كليه والكل يشهد بكدة

ياريت نكون اكثر واقعية
الواحد مكسوف انه مصرى بسبب الفساد والجهل والتخلف اللى هيموتنما ويقضى علينا
من غير تعصب لجنوب ولا شمال كلنا مصريين
ولازم نعمل حاجه لبلدنا علشان منتكسفش منها

كل الكلام ده يعبر عن وجهة نظر كاتبه.
لكن محدش افتكر ان الجامعة لها فرع تاني في اسوان
لوكتبت للصبح عن اسوان والحاجات اللي لازم لازم تتصلح في اسوان مش هاخلص
احمدوا ربنا زمايلي الاعزاء ع النعمة اللي انتوا فيها

احنا ما بنقرش بس لازم يكون فيه توازن

صحيح هو مفيش اعضاء من فرع الجامعة
باسوان هنا ولا ايه؟؟؟؟؟؟؟؟؟؟؟

صحيح هو مفيش اعضاء من فرع الجامعة
باسوان هنا ولا ايه؟؟؟؟؟؟؟؟؟؟؟

والله يا جماعة
كفاية ان جماعتنا أكبر مزانية في الشرق الأوسط في أنشطة الشباب الخارجية
زي الملتقيات الفنية والمعسكرات والندوات
أكبر مساحة جامعة حكومية بعد جامعة الأزهر أحنا
مش هنقول أن ما فيش سلبيات
لكن في
زي عيب التخطيط ورسم اماكن الكليات
قلة الأهتمام بتطوير الجامعة من جوة
زي الحمامات وكده

بس ده كله ما يخليش الطلبة تتكلم عن الجامعة بالشكل ده
لازم نبين للناس صورتنا انها أحسن صورة

foxtito كتب:

والله يا جماعة
كفاية ان جماعتنا أكبر مزانية في الشرق الأوسط في أنشطة الشباب الخارجية
زي الملتقيات الفنية والمعسكرات والندوات
أكبر مساحة جامعة حكومية بعد جامعة الأزهر أحنا
مش هنقول أن ما فيش سلبيات
لكن في
زي عيب التخطيط ورسم اماكن الكليات
قلة الأهتمام بتطوير الجامعة من جوة
زي الحمامات وكده

بس ده كله ما يخليش الطلبة تتكلم عن الجامعة بالشكل ده
لازم نبين للناس صورتنا انها أحسن صورة

'طبعا معاك حق
لكن لو هنتكلم كده يبقي ايه لازمة الموضوع اصلا؟
يعني احنا عايزين اراء الاعضاء ف الجامعة

وطبيعي ان الاراء لازم تكون متناقضة عشان نناقشها
ونشوف المشاكل ونحاول ايجاد حلول مناسبة تتلائم مع امكانياتنا المحدودة
ولا نسكت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بجد انا تعبت من الموضوع دا كل واحد بيتكلم فى نقطه وانا على ما اعتقد
حاسس انى وصلت لوجه نظر صاحبه الموضوع وبحاول اوضحها ع وجهه نظرى بس برده .

ربنا يعدى الايام اللى فضلاله ف الجامعة دى ع خير