انت ليه دخلت كليتك دى؟

السلام عليكم ورحمه الله وبركاته

كل واحد فينا دخل كليه معينه وسواء استمر فيها او لا !!!!!

هى دى فعلا الكليه ال كنت تحلم بيها؟ هو ده هدفك ؟ ولا هدف غيرك؟ زى اهلك مثلا

طيب مجموعك دخلك كليتك ولا طابع التنسيق؟

طيب ولو ماكنشى هو ده حلملك او هدفك ؟

كنت تتمنى اى كليه تدخلها غير كليتلك؟

اتكلم حتى تعرف وتفهم نفسك ____ اتكلم وقول علشان تشوف نفسك انت وصلت الى اين

اانت فعلا ماشى على طريق انت اخترته,,, ولا انت ماشى على طريق القدر قد اختاره لك

والله الموفق

مشكور قوى يا مان على الموضوع الجامد ده
فى الاول ان مش هقوللك بحبها وحوارات من دى
انا مكنتش اتوقع ان ادخل الكليه دى (تربيه رياضيه )
بس انا جبت 72 فى المائه بس ومكنش فى غير تجاره (صعبه)وحقوق(بكرهم)واداب(بتاعت بنات) الكلام ده من وجهه نظرى ياريت محدش يزعل ففضلت تربيه رياضيه ودى بقى القصه
تحياتى
نجعاوى

انا فى كليه حقوق اخترتها لانى حسيت انها هتكون كليه سهله ,
وهاقدر انجح وازكر فيها...

اما بالنسبه لاداب والكليات التانيه مش بافكر فيها خالص
شكرا موضوع لذيذ وجامد

هااااااااااااااااى يا جماعة....انا فى كلية تجارة..لا انا ما كنتش عاوزة ادخلها كان نفسى ادخل فنون جميلة..بس الحمد للله..

موضوع حلوه اقوى...حتى انا برضو اداب ما كنتش بفكر فيها ..كان نفسى كليه تانيه
بس الحمد لله ...

Admin كتب:: السلام عليكم ورحمه الله وبركاته

كل واحد فينا دخل كليه معينه وسواء استمر فيها او لا !!!!!

هى دى فعلا الكليه ال كنت تحلم بيها؟ هو ده هدفك ؟ ولا هدف غيرك؟ زى اهلك مثلا

طيب مجموعك دخلك كليتك ولا طابع التنسيق؟

طيب ولو ماكنشى هو ده حلملك او هدفك ؟

كنت تتمنى اى كليه تدخلها غير كليتلك؟

اتكلم حتى تعرف وتفهم نفسك ____ اتكلم وقول علشان تشوف نفسك انت وصلت الى اين

اانت فعلا ماشى على طريق انت اخترته,,, ولا انت ماشى على طريق القدر قد اختاره لك

والله الموفق

اولا فكره التوبيك لذيذه

ثانيا انا عمري ما كنت اسمع عن الكليه اللي انا فيها ولا كنت اسمع ان فيه جامعه اسمها جنوب الوادي بس طبعا التنسيق واهلي هما السبب

انا كانت امنيه حياتي يا اما اقتصاد وعلوم سياسيه او اداب صحافه او حقوق او السن

بس في الاول والاخر دا نصيب وزي ماقال الله تعالي في كتابه( وعسي ان تكرهوا شيئا وهو خير
وبعدين لاخيره الا فيما اختاره الله والحمد لله ع كل شى

زائر

والله صدفه
انا كنت عاوز رياضيه

موضوع: اقولك ليه الأحد أبريل 19, 2009 6:29 pm

انا خريج كلية تجارة 2008 دخلتها وانا ماعرفش يعنى ايه كلية تجارة بس اعرف ان فيها رياضة ومحاسبة واحصاء وانها كلية الات حاسبة .... لكن لما دخلت عرفت انى ربنا بيحبنى الحمد لله اتخرجت واشتغلت ولله الحمد والله أكبر لذلك شكرا لله أولا وأخيرا
بس... دخلت الكلية وانا ماعرفهاش وماعرفش حجم الفرص المتاحه فى السوق لخريج تجارة القوى فى الحاسب واللغة دلوقتى لو رجع الزمن 5سنين برضوا هادخل كلية تجارة عن اقتناع تام .

انا دائما كنت بتمنى ادخل كلية اقتصاد وعلوم سياسية ولما مجموعي محصلش الكلية دي دخلت حقوق حتي اكمل المشوار وأدخل المعهد السياسي وبإذن الله بعديه ادخل سياسة واقتصاد

انا ف اداب انجلش دخلتها عشان ده نصيبة وانا اساسا كنت بحلم بألسن بس الحمد لله واهى احسن من بلاش مع ان مجموعى كان يأهلنى ادخل تربيه بس انا فضلت اداب

انا دخلت بيطرى كده بسبب التنسيق
انا عمرى مفكرت فيها بصراحه
انا كنت ناويه على بشرى كنت مخططه لنفسى مشوار امشيه فيها
بس الحمد لله انى مدخلتهاش
بس انا دلوقتى مش عارفه اخره كليتى ايه مليش اى خطط فيها
بس عجبانى

فكرة التوبيك حلوة اوي ..
انا دخلت طب بيطري برضو .. يعني انا ومها زمايل ..
بس انا مكنتش عايزة احطها اصلا في التنسيق .. بس حطيتها عشان املا مكان .. وسبحان الله جتلي
بس انا كان نفسي اصلا ادخل صيدلة او اسنان .. بس الحمد لله على كل حال .. انا مرتاحة فيها دلواتي ..
وكمان حكاية جنوب الوادي .. ده كوم تاني .. انا مكنتش متوقعة خالص اني اروح مكان بعيد كده ..
انا كنت متوقعة هيجيلي القاهرة (جمب البيت) او على الاقل اسكندرية او اي حتة قريبة .. تحياتي

هي مكانتش باختياري

انا كان حلمي صيدله

بس النصيب بقي

بس انا دخلتها عن حب برضه مش اي كليه و السلام...كان قدامي احسن بس اخترت اداب انجليزي

انا لما كنت في الثانوي حدت لنفسي مجموعة اهداف والاهداف كانت مرتبطة بكلية الشرطة وقدمت كلية شرطة بس للأسف محصلش نصيب وحسيت ان اهدافي ممكن تروح مني وانا في التنسيق كنت منسق كده وكده فبعدين جاتني كلية الحقوق واستمريت فيها وبعدين لما عرفت كلية الحقوق كويس لقيتها قريبة خالص من الشرطة وحتفيدني كتير بس بردوا مش زي كلية لاشرطة الاهم من كده انا انا لقيت طريقة تانية احقق بيها التلت اهداف بتاعتي وان شاء الله حيتحققوا

شكرا لصاحب الموضوع

انا كنت عايز تجارة لما كنت فى الثانوى انها كليه حلوة وكده وبعدين لما جبت مجموع وكتيبت تجارة الكل قال صعبه ودكاترتها صعبه وبعدين غيرت وكتبت تربيه والحمد لله جتلى تربيه عام

انا كنت بحلم بطب او صيدله,, لاكن للاسف مكنش فيه نصيب ودخلت تجارة

بس للامانه انا بعتبر كليه التجارة بعد كليات القمه مباشرا ,, وكمان ليها فرص عمل كتير اووي,, وده ميزه كبيرة

والحمد لله علي كل شئ

انا كان نفسى ادخل حاسبات ومعلومات بس للاسف
فرقت حاجة بسيطة فى المجموع
ونصيبى انى ادخل تجارة والبركة فى والدى
وميرسى على التوبيك الهايل دا

مشكور ادمن علي الموضوع بس انا دخلت حقوق عن طواعية واختيار كان نفسي ادخل الكلية الحربية وربنا ما ارادش فاخترت حقوق وانا جايب مجموع 86.5 % في الثانوية العامة لكن بحب كلية الحقوق وعمري ما ندمت اني دخلتها .

أنا بقى كانت امنية حياتى انى أدخل كلية صيدلة
لكن مجموعى فى الثانوية كان 94%
وبالتالى دخلت كلية العلوم طبعا أنا مفكرتش فيها أبدا ودخلتها من غير رغبة يعنى بناء على التنسيق
ولما دخلتها لقيت أنها كلية ممتعة جدا وصعبة جدا ...............وربنا يوفقنى فيها

انا بقى حكايتى كايه من 90 فى الميه ل 70 فى الميه وربنا يسامح الفيزياء والرياضه2 بس الحمد لله كان نفسى فى هندسه او فنون جميله مفيش غيرهم وعمرى ما فكرت فى تربيةرياضية
قال انا انا انا انا انا انا انا انا انا انا أدخل تربية رياضية يلهوووووى

مش ملاحظين اننا كلنا ما دخلناش اللى عايزينواااااااااا

بصراحة مكنتش بفكر فى تجارة بس لما محصلش نصيب ومجموعى مجابش الكلية اللى كانت حلمى قولت ادخل احلى الوحشين والحمد لله

انا بقى كنت ادبي ومن الاول مقرره كلية الآداب والحمد لله دخلتها واتخرجت منها .

انا كان نفسى ادخل السن لكن الحمد لله دخلت تجارة

من يوم مدخلت تجارة ماشفت يوم واحد حلو

انا كان نغسي ادخل كلية تجارة
بس جتلي حقوق والحمدلله
و دة امر ربنا ومأقدرش اعترض عليه Very Happy

زائر

انا دخلت تجارة علشان ليها مستقبل وكانت امنية حياتي اني اادخل اداب لغة عربية