انت ليه دخلت كليتك دى؟

انا اساسا بحب الكليه ال انا فيها كان نفسى ادخل فنون بس الكليه دى احسن على الاقل عرفت صحبه عمرى ما كنت هلاقيها

انا بصراحه أنا دخلت كليه تجارة بسبب المجموع لانى كنت جايبه 85%

وكان نفسى فى إعلام وكل واحد بيأخذ نصيبه

و هى صعبه بس الحمد لله أنا راضيه بالكليه

أنا دخلت حقوق علشان بابا محامى وعاوز كده

انا بقي كنت عايز ادخل سياحه وفنادق
الكليه دي كنت بحلم بيها انا ونايم .....اه والله يرحم دي ايام
وفضلوا ف البيت يقولولي السياحه حرام ومش عارف ايه لحد مكرهتها دخلت تجاره ونزلت فيها سنه وبعدين حولت حقوق واهه نجحت اول سنه وربنا يستر ف التانيه .............

كليتى مكنتش فى دماغى خالص ايام الثانوية
اصلى كنت علمى رياضة وكان حلم عمرى فو وقتها ادخل هندسة
بس المجموع خيب امالى
اصلى جبت 85%
وفى وقتها مكنتش عايز اكمل جامعة بعد الثانوية
ومكنتش اسمع خالص عن تربية نوعية
بس اخويا الكبير كلمنى عليه واقنعنى بيها ودخلتها
وخدونى فى قسم تكنولوجيا عشان كنت علمى رياضة
واهى الايام عدت وخلصت واهى كلية وخلاص

انا عايز اعرف ردى على موضوعك ده برده راح فين
حد يفهمنى ايه اللى حصل

حاول تحب كليتك يا امير
علشان تجيب مجموع وتبقي معيد بازن الله

السلام عليكم
اولا الحمد لله على كل حال

ثانيا انا كنت حاطه الكليه اللى انا دخلتها
ف ترتيب الكليات اللى م المفروض كنت ادخلها


بس اللى يجيبه ربنا كله خير

كده كده كل واحد مختار طريقوا بس بني ادم بيستعبط ويقول لو وكلام
العبيط ده
يعني انا دخلت كليه تجاره علشان اطلع مهندس

احنا بنقول اية السبب اللي خلاك تدخلها
مش بعد متتخرج حتطلع اية

انا دخلت الكلية بسبب التنسيق كان نفسى ادخل تربية عام بس الحمد لله ارتحت يما دخلت قسم من اقسام اللغة

بصراحه والدي و والدتي هما اللي اختارولنا الكليه دي بما انهم اطبه فالمفروض اولادهم كمان يكونو زيهم ده فنزرهم وربنا حققلهم اللي عايزينو وانا بحب دراستي و مهنتي والحمدلله

مكدبش عليكم بس انا لا كنت بفكر انى ادخل ثانوى ولا
كنت بفكر انى ادخل جامعة لانى طموحى بسيط جدا
وكنت مقتنعة ان البنت فى النهايه ملهاش غير الجواز
لكن فى ناس شجعتنى انى اكون حاجة كويسة وانا بشكره بجد لان
لولاهم ماكنتش دخلت كلية الحقوق والحمد لله دايما بحس نفسى
انى انسانه محظوظة وندمانه انى فكرت فى يوم انى ماكملش
تعليمى بعد الاعدادى بس كل واحد بيشوف نصيبه

قال ايه اللى رماك على المر .....الامر منه
بس انا مبسوطه جدا دلوقتى فى كليتى وكمان فخوره بيها
وربنا يوفقنى فيها
تقبل مرورى

امر الله والحمد لله علي كل حال وشكرا ليك

علشان اعلى كلية بالمجموع بتاعى

علشان التنسيق عايز كده اقوله لا يعنى

مشكور ع الموضوع الجامد دة

انا اساسا كان نغسى ادخل صيدله بس محصلش نصيب
بعدين بعد ماعرفت انى مش هينفع ادخلها ابتديت ابص لنفسى انا بحب ايه ماده ايه وكده يعنى بس وطلع الانجليزى بعدين لقيت الكليات اللى ممكن ادرس انجبلش فيهم همن 1)تجاره انجلش و كانت بالنسبه لى صعبه عشان ماليش ف الرياضه وبعدين احترت كتييييييير بين تربيه واداب وف الاخر اقتنعت باداب عشان مجالها اوسع من تربيه بالنسبه للشغل وكده والحمد لله انا دلوقتى مرتحاه فيها
بس قدرى ونصيبى بردو

اولا الفكره حلوه قوى
ثانيا انا بقى كنت فى الثانوي بحب الرياضيات خالص وكان حلمى انى ادخل هندسة بس للاسف مجموعى محصلهاش المهم لقيت اقرب كليه للهندسه هى التجاره مع ان استاذى حظرنى منها وبرضه مسمعتش الكلام بس بجد انا لما دخلت الكليه صدقت ان ده جزاء الى ميسمعش نصيحة الى اكبر منه او ان ده غضب والدين يله ربنا يصبرنى على السنه والنص الى باقيين واكملهم

انا طالب في هندسة
وبجد مش متخيل نفسي في اي كلية تانية
غير
هندسة
هندسة كانت ولا تزال الكلية التوب في نظري
والحمد لله ربنا وفقني في ثانوي ودخلت هندسة
انا مقتنع تماما بكليتي وبحبها من كل

قلبي


اه علي فكرة الموضوع روعة

انا بقى فى كلية تربية رياضية العزاب والزل كلة هههههههههههه
انا بحب الكلية صح كانت بدل لاكلية تانى وهى شرطة بس محصلش نصيب والحمدلله ع كل حال فا دخلت تربية رياضية عشان انا بلعب سلة بقالى 10 سنين فى الشبان مستويا فيها حلو بحب التدريب
يعنى ماسك لعبة ومتمكن منها ورياضى فا قولت تربية رياضية بس ندمت لما دخلتها جوب الوادى واهو بعك فيها وربنا يرحمنا من الشمس والقرف والى بنشوفة
شكرا اوى يادمن ع الموضوع فكرة حلوة اوى
تقبل مرورى